ဝါယာရှော့မှ စတင်လောင်ခြင်းဖြစ်ဟုဆို
ရန်ကုန်မြို့ သာကေတမြို့နယ်တွင် အကြမ်းဖက်စစ်ကောင်စီတပ်သားများ လိုက်ပါလာသည့်ယာဥ် ဗုံးခွဲ တိုက်ခိုက်ခံရ၍ ပစ်ခတ်မှုများဖြစ်ပွားပြီးနောက် သာကေတ (၇)ဈေးလည်း မီးလောင်မှုဖြစ်ခဲ့သည်။
ယနေ့(ဖေဖော်ဝါရီ ၁၉ ရက်) နေ့လယ်က ဖြစ်ခဲ့ခြင်းဖြစ်ပြီး အကြမ်းဖက် စစ်ကောင်စီတပ်ဖွဲ့က ၎င်းတို့ကို ပစ်ခတ်သွားသူများမှာ (၇)ဈေးအတွင်း ဝင်သွားသည်ဟုဆိုကာ စျေးကို မီးရှို့ခဲ့ခြင်းဖြစ်သည်ဟု ဒေသခံများက ပြောသည်။
“ဖောကားထဲကို အသီးပစ်ခံရတယ်။ ဒီကောင်တွေ လျှောက်ပစ်တယ်။ ပြီးတော့ သာကေတ(၇) ဈေးကို မီးရှို့လိုက်ပါတယ်”ဟု ဒေသခံတစ်ဦးက ပြောသည်။
Public Service Announcement
၎င်းဆက်လက်၍ “ဈေးသည်တွေထိခိုက်တာတော့ ရှိမယ်ထင်တယ်။ Ambulance တွေသွားနေတာ အများကြီးပဲ “ဟု ပြောသည်။
“နေ့လည် ၁ နာရီလောက်ထဲက စျေးထဲမှာ မီးကလောင်နေတာပါ။ မီးတော်တော်များတယ်။ မီးခိုးလုံးတွေ အိမ်ဘက်ကနေတောင် လှမ်းမြင်ရတယ်။ မီးသတ်ကားတွေရော လူနာတင်ကားတွေရော အများကြီး သွားနေတယ်။ဆိုင်ခန်းတွေ ပျက်စီးသွားတယ်”ဟု သာကေတမြို့နယ်နေ ပြည်သူတစ်ဦးက ပြောသည်။
သို့သော် (၇)စျေး စျေးရုံအဟောင်းရှိ သားငါးတန်း၏ရှေ့ဘက် စတိုးဆိုင်တန်းမှ စတင်လောင် ကျွမ်းခြင်းဖြစ်ကြောင်း မီးငြှိမ်းသတ်ရာတွင် ပါဝင်ကူညီသူများက ပြောသည်။
“မီးကတော့ ငြိမ်းသွားပြီ။ လောင်တာက စျေးရုံအဟောင်းပေါ့။ ဝါယာရှော့ဖြစ်တယ်လို့ သိရပါတယ်”ဟု သာကေတမြို့နယ် အဖြူရောင်နှလုံးလှပရဟိတအဖွဲ့မှ တာဝန်ရှိသူတစ်ဦးက ပြော သည်။
ဒေသခံအချို့၏ပြောဆိုမှုအရ မယအထက်ပါစျေးမီးလောင်မှုမဖြစ်ပွားမီ သေနတ်ပစ်ဖောက်သံ များကြားရပြီး မည်သည်အတွက်ကြောင့် သေနတ်ပစ်ဖောက်ခဲ့သည်ကို မသိရသေးပေ။
(၇)ဈေး မီးလောင်မှုကို Level-2 အဆင့်မီးငြှိမ်းသတ်ယာဥ်များစေလွှတ် မီးငြှိမ်းသတ်ခဲ့ပြီး နေ့လယ် ၂ နာရီခန့်တွင် မီးငြှိမ်းနိုင်ခဲ့ကြောင်း မီးသတ်တပ်ဖွဲ့ ကသတင်းထုတ်ပြန်ထားသည်။
