ရန်ကုန်တွင် အလှည့်ကျစနစ်ဖြင့်မီး​ပေး​မည်ဟုဆိုပြန်

▪️အများပြည်သူများအား ၄နာရီခြားတစ်ခါ စနစ်ဟုဆို

ရန်ကုန်မြို့၏ ခရိုင်လေးခုအနက် အလှည့်ကျမီးဖြတ်မည့် မြို့နယ်စာရင်းများကို အကြမ်းဖက်စစ်​​ကောင်စီလက်​​အောက်ခံ ရန်ကုန်လျှပ်စစ်ဓာတ်အားပေးရေးကော်ပိုရေး
ရှင်း(YESC)၏ ကြေညာစာ ထွက်ပေါ်လာသည်။

မတ်လအတွက် ဓာတ်အားဖြန့်ဖြူးပေးမည့် အစီအစဥ် ဟုဆိုကာ အရှေ့ပိုင်းခရိုင်နှင့် အနောက်ပိုင်းခရိုင် ၊ မြောက်ပိုင်းခရိုင်နှင့် တောင်ပိုင်းခရိုင်ဟူ၍ ​ဖော်ပြထားသည်။

အုပ်စု A နှင့် Bကို အများပြည်သူဟုသာ ယေဘုယျဖော်ပြထားပြီး အုပ်စု Z မှာမူ စက်မှုဇုန်များဖြစ်သည်ဟုသိရသည်။စက်မှုဇုန်များမှာ နံနက် ၉နာရီ ညနေ ၅နာရီထိသာလျှပ်စစ်ဓာတ်အားရရှိမည်ဟု ဖော်ပြထားသည်။

Public Service Announcement

အုပ်စု A နှင့် Bကို တစ်ရက် ၄နာရီခြားတစ်ခါ အလှည့်ကျ မီးလာ ၊မီးဖြတ်စနစ်ဖြင့်ကျင့်သုံးမည်ဟုဆိုသည်။

“အခုထိလည်း မီးကတစ်ရက်လုံးနေမှ နှစ်နာရီ သုံးနာရီ တောက်လျှောက်လာတာကို မရှိဘူး။”ဟု မရမ်းကုန်းမြို့နယ်နေသူတစ်ဦးက လူထုနွေဦးသို့ ပြောသည်။

စစ်​ကောင်စီကသဘာဝဓါတ်​ငွေ့စီမံကိန်းများပြုပြင်ရန်ဟုဆိုက မတ် ၁၂ ရက်မှ ၁၈ ရက်အထိ့တစ်ပါတ်တိုင် အချို့​နေ့များတွင် ၂၄ နာရီစလုံးမီးပြက်​တောက်ခဲ့သဖြင့် ပြည်သူများမီးပြတ်မှု ဒဏ်ကိုဆိုးရွားစွာကြုံခဲ့ရသည်။အာဏာလုယူထား​သောစစ်​ကောင်စီလက်​အောက်တွင်ကဏ္ဍာ​ပေါင်းစုံတွင် အ​ခြေအ​နေများဆိုးဝါးသထက်ဆိုးဝါးလာ၍ ပြည်သူများကပြင်းထန်စွာ​ဝေဖန်ပြစ်တင်​နေကြသည်။

အဆိုပါအလှည့်ကျမီး​ပေးစနစ်မှာ မတ် ၁၉ တွင်စတင်စမ်းစပ်မည်ဟုလည်း​ပြော​နေကြသည်။အလှည်ကျမီး​ပေးရန်ဆိုကာအုပ်စုအလိုက်ခွဲခြားထား​သောပုံတွင် နံနက် ၅နာရီ မှ ၉နာရီ တစ်ပိုင်း၊ ၉နာရီမှ နေ့လည် ၁နာရီ တစ်ပိုင်း၊ ၁နာရီမှ ညနေ ၅နာရီ တစ်ပိုင်း၊ ညနေ ၅နာရီ မှ ည ၉နာရီ တစ်ပိုင်း၊ည ၉နာရီမှ နောက်တစ်ရက် နံနက် ၁နာရီ ထိတစ်ပိုင်းနှင့် နံနက် ၁နာရီမှ နံနက် ၅နာရီထိ စသဖြင့် ပိုင်းခြားထားသည်။