တောင်ဒဂုံ ကမ္ဘာ့ရတနာဘဏ် မန်​နေဂျာ​သေနတ်ဖြင့်ပစ်ခံရ

တောင်ဒဂုံမြို့နယ်၊မောင်းမကန်လမ်း၌ ကမ္ဘာ့ရတနာဘဏ် မန်နေဂျာ စောမိုးဝင်းဆိုသူ ယ​နေ့နံနက်တွင်သေနတ်ဖြင့် ပစ်ခတ်ခံရပြီး ဒဏ်ရာပြင်းထန်ကြောင်း ဒေသခံများက ပြောသည်။

ယနေ့(ဧပြီ ၁၈ ရက်) နံနက် ၈ နာရီခွဲခန့်က ဘဏ်ဖွင့်လှစ်ရန် ဘဏ်မန်​နေဂျာစိုးမိုးဝင်းက ဘဏ်ရှေ့၌ ကားပေါ်မှအဆင်းတွင် နောက်မှလိုက်ပါလာသည့် ယာဥ်တစ်စီးပေါ်မှ ပစ်ခတ်သွားခြင်းဖြစ်သည်ဟု ​ဒေသခံအချို့က​ပြောသည်။

“ ကျွန်တော်တို့ သွားကြည့်တော့။ဗိုက်ကို နှစ်ချက်ထိထားတာ။၁၅ မိနစ်လောက်နေတော့ အရေးပေါ်ကားနဲ့ စခ တပ်ရောက်လာပြီး စစ်ဆေးတာတွေလုပ်တော့တာပဲ” ဟု ဖြစ်စဥ်အနီး နေထိုင်သူတစ်ဦးက လူထုနွေဦးသို့ ပြောသည်။

ဘဏ်မန်နေဂျာ စောမိုးဝင်းကို မည်သူကပစ်ခတ်သည်၊ မည်သည့်အတွက်​ကြောင့်ပစ်ခတ်သည်စသည်တို့ကိုမူမသိရ​သေးပါ။

Public Service Announcement

သို့သော် အကြမ်းဖက်စစ်အုပ်စုနှင့် နီးစပ်​သော မီဒီယာနှင့်လော်ဘီများကမူ ကမ္ဘာ့ရတနာဘဏ်ဖြစ်စဉ်တွင်ဓားပြတိုက်မည့်သူကို မန်နေဂျာမှဝင်ရောက်သတ်ပုတ်ရာမှ သေနတ်ဒဏ်ရာရရှိခဲ့ခြင်းဖြစ်ကြောင်းလူမှုကွန်ယက်တွင် ဖြန့်ဝေလျှက်ရှိသည်။

ယ​နေ့မှာသကြ်န်ရုံးပိတ်ရက်များအပြီး ရုံးများပြန်ဖွင့်​သောပထမဆုံး​နေ့ဖြစ်ပြီး ၊အထက်ပါ ဖြစ်စဥ်ဖြစ်ပွားချိန်မှာ ဘဏ်ဖွင့်ချိန် မ​ရောက်​သေး​ပေ။

လက်ရှိတွင် တောင်ဒဂုံမြို့နယ်အဝင်အထွက်လမ်းများအားလုံးကို အကြမ်းဖက်စစ်တပ်က လမ်းများပိတ်ဆို့စစ်ဆေးနေကြောင်း သိရသည်။

ဘဏ်မန်​နေဂျာ ​စောမိုးဝင်းမှာ စစ်တပ်မှအရာရှိ​ဟောင်းဖြစ်ပြီး ​သေနတ်ဒဏ်ရာ​ကြောင့်​သေဆုံးသွား​ကြောင်း သတင်းထွက်​ပေါ်လာ​သော်လည်း People’s Spring ကသီးခြားအတည်မပြုနိုင်​သေးပေ။

စစ်အုပ်စုမှအရာရှိ​​ဟောင်း ဝန်ကြီး​ဟောင် ဦး​မောင်​မောင်သိမ်း ဦး​ဆောင်ဖွင့်လှစ်ထားပြီး စစ်တပ်အရာရှိ​ဟောင်းများ၏အများစုရှယ်ယာ အများစုပါဝင်​​သောကမ္ဘာ့ရတနာဘဏ်သည် စစ်တပ်ကအာဏာလုယူပြီး​နောက်ပိုင်း ဓါးပြမကြာခဏအတိုက်ခံရ​သော ဘဏ်ဖြစ်သည်။