▪️အကြမ်းဖက်စစ်တပ်၏ မတရားဖမ်းဆီးခံရခြင်းဖြစ်နိုင်ဟုဆို
ဒဂုံတက္ကသိုလ်ကျောင်းသားငါးဦးသည် ယမန်နေ့ (ဧပြီ ၂၁)ကစ၍ မိသားစုများ၊ မိတ်ဆွေများနှင့် အဆက် အသွယ် ပြတ်တောက်လျက်ရှိနေကြောင်း ဒဂုံတက္ကသိုလ်ကျောင်းသားများသမဂ္ဂက ထုတ်ပြန်သည်။
အဆိုပါကျောင်းသားငါးဦးမှာ ခန့်ဇင်ဝင်း၊ သူရမောင်မောင်၊ ဇော်လင်းနိုင်၊ သီဟထက်ဇော် နှင့် ဒဂုံတက္ကသိုလ်ကျောင်းသားဟောင်းဖြစ်သည့် ဟိန်းထက်တို့ ဖြစ်ကြသည်။
၎င်းတို့ ငါးဦးသည် ဧပြီ ၂၁ရက်ကစ၍ အဆက်အသွယ် ပြတ်တောက်သွားပြီး အကြမ်းဖက်စစ်တပ်မှ ဖမ်းဆီးခြင်းကိုခံထားရခြင်း ဖြစ်နိုင်သည်ဟု သံသယဖြစ်ဖွယ်ရှိကြောင်း ဒဂုံတက္ကသိုလ်ကျောင်းသားများသမဂ္ဂက ထုတ်ပြန်ထားသည်။
Public Service Announcement
ပျောက်ဆုံးနေသည့် ကျောင်းသား ငါးဦးကို လိုက်လံ စုံစမ်းမှုများ ပြုလုပ်ခဲ့သော်လည်း ယနေ့ (ဧပြီ ၂၂) နံနက်ပိုင်းအထိ မည်သို့မျှ စုံစမ်း၍ မရသေးကြောင်း သမဂ္ဂအဖွဲ့ဝင် ကျောင်းသားလူငယ်တစ်ဦးက ပြော သည်။
“မနေ့ထဲက သူတို့ ငါးယောက်နဲ့ အဆက်အသွယ်ပြတ်သွားတာ ဒီနေ့ထိ ပြန်မရသေးဘူး။ ဖုန်းတွေလဲ ဆက်မရဘူး။ ဘယ်ရောက်နေမှန်းလဲ မသိရဘူး။ စုံစမ်းနေတုန်းပါပဲ။ စစ်တပ်က ဖမ်းဆီးသွားတယ် လို့တော့ ထင်တယ်။ ဘေးကင်းဖို့ပဲ ဆုတောင်းနေရတယ်”ဟု ၎င်းက ပြော သည်။
