မလေးရှားအစိုးရပိုင် Petronas ကုမ္ပဏီက မြန်မာနိုင်ငံ တွင်လုပ်ကိုင်နေသည့် ရဲတံခွန်စီမံကိန်းမှ နှုတ်ထွက်ကြောင်း ယနေ့ကြေညာလိုက်သည်။
Petronas၏ မြန်မာပြည်လုပ်ငန်းခွဲများဖြစ်သည့်
Carigali Myanmar Inc (PCMI) နှင့် PC Myanmar (Hong Kong) Limited (PCML)တို့က မုတ္တမ ပင်လယ်ကွေ့ရှိ မြန်မာ့ကမ်းလွန်လုပ်ကွက်များဖြစ်သည့် M-12၊ M-13နှင့် M-14တို့ ရပ်နားလိုက်ခြင်းဖြစ်သည်။
နည်းပညာနှင့်စီးပွားရေးဆိုင်ရာအကျိုးအမြတ်ကြောင့် ယခုလို ဆုံးဖြတ်ခြင်းဖြစ်ပြီး ပြောင်းလဲသောအခြေအနေနှင့် စွမ်းအင်ဆိုင်ရာ အပြောင်းလဲများကြောင့်လည်း ဖြစ်သည့် Petronasက ဆိုသည်။
M-12 ၊M-13နှင့် M-14တို့တွင်ရှိသည့် ရဲတံခွန်လုပ် ကွက်သည် Petronas က ၂၀၀၃ ကတည်းက လုပ်ကိုင်နေပြီး ရှယ်ယာ ၄၀ဒသမ၉ရာခိုင်းနှုန်းပိုင်ဆိုင်ထား သည်။
Public Service Announcement
ထို့အပြင် MOGE က ၂၀.၅ ရာခိုင်နှုန်း၊ Nippon Oil Myanmar က ၁၉.၃ ရာခိုင်နှုန်း၊ PTTEP က ၁၉.၃ ရာခိုင်နှုန်း အသီးသီး ပိုင်ဆိုင်ထားသည်။
ထွက်ရှိသည့် ဓါတ်ငွေ့များကို ထိုင်းနိုင်ငံသို့ ရောင်းချနေပြီးရဲတံခွန်လုပ်ကွက်ကို ၂၀၂၃- ၂၄အထိ ဓါတ်ငွေ့ထုတ် လုပ်ရန်ရည်ရွယ်ထားခြင်း ဖြစ်သည်။
အကြမ်းဖက်စစ်ကောင်စီထိန်းချုပ်ထားသည့် MOGEကို ဥရောပသမဂ္ဂက ပိတ်ဆို့အရေးယူများပြုလုပ်ပြီးနောက် မြန်မာ့ကမ်းလွန်ရှိ သဘာဝဓါတ်ငွေ့တူးဖော်ရေး ကုမ္ပဏီများ မြန်မာပြည်မှ နှုတ်ထွက်နေခြင်းလည်း ဖြစ်သည်။
