စစ်ကိုင်းတိုင်း၊ ဝက်လက်မြို့နယ်၊ လှတောရဲစခန်းမှထွက်လာသော စစ်ကောင်စီတပ်သားနှင့်ပျူစောထီးများအား မိုင်းဆွဲတိုက်ခိုက်ခဲ့ရာ ထိခိုက်သေဆုံးမှုများကြောင်း BLACK WOLF – PDF အဖွဲ့တာဝန်ခံက ပြောသည်။
ယမန်နေ့(နိုဝင်ဘာ ၂၃ရက်) နံနက် ၁၀နာရီခွဲခန့်က ဝက်လက်မြို့နယ်၊ ရွှေဘို – မန္တလေးလမ်းမကြီးပေါ်ရှိ လှတောရဲစခန်းမှထွက်လာသော စစ်ကောင်စီတပ်ဖွဲ့ဝင်နှင့် ပျူ ၁၀ဦးခန့်အား ပြင်းအားမြင့်မိုင်း နှစ်လုံးဖြင့်ဖောက်ခွဲတိုက်ခိုက်ခဲ့ရာ စစ်သားနှင့်ပျူ နှစ်ဦးခန့်သေဆုံးသွားကြောင်း BLACK WOLF – PDF အဖွဲ့တာဝန်ခံက ပြောသည်။
“မိုင်းထိပြီးတော့ ရွာတွေကို ပစ်ခတ်တာတွေရှိတယ်”ဟု BLACK WOLF – PDF အဖွဲ့တာဝန်ခံက ပြောသည်။
အဆိုပါစစ်ဆင်ရေးကို BLACK WOLF – PDF၊ပျံလွှား – PDF၊ မုန်တိုင်း – PDFတို့ ပူးပေါင်းဆောင်ရွက်ခဲ့ပြီး အောက်တိုဘာအတွင်းက ကျဆုံးခဲ့ရသော BLCK WOLF – PDF ၏ ရဲဘော် လေးဦးအတွက် တုံ့ပြန်တိုက်ခိုက်ခြင်းဖြစ်ကြောင်း အဖွဲ့တာဝန်ခံက ပြောသည်။