အခက်အခဲ၊ ဖိနှိပ်မှုများကို ရဲရင့်စွာ ကြံ့ကြံ့ခံနိုင်စွမ်းပြသခဲ့သည့် မြန်မာပြည်သူများကို ချီးကျူး
အခက်အခဲ၊ ဖိနှိပ်မှုများကို ရဲရင့်စွာ ကြံ့ကြံ့ခံနိုင်စွမ်းပြသခဲ့သည့် မြန်မာပြည်သူများကို ချီးကျူး၂၀၂၃ တွင် ကနေဒါနိုင်ငံက မြန်မာပြည်သူများ၏ ခိုင်မာသည့် ဒီမိုကရေစီ မျှော်မှန်းချက်များကို ဆက်လက် အားပေးထောက်ခံသွားမည် ဖြစ်ပြီး အကြမ်းဖက်မှု ကျူးလွန်သူများကို တာဝန်ခံခိုင်းရန် ကြိုးပမ်းမှုများအား ဆထက်ထမ်းပိုး လုပ်ဆောင်သွားမည်ဟု ယနေ့ထုတ်ပြန်သည်။
မြန်မာပြည်သူများသည် ပြီးခဲ့သည့်နှစ်က တိုင်းတာ၍ မရအောင် ကြီးမားသည့် အခက်အခဲများနှင့် လက်ခံနိုင်စရာ မရှိသော ဖိနှိပ်မှုများကို ရင်ဆိုင်ခဲ့ကြရာတွင် ရဲရင့်မှုနှင့် ကြံ့ကြံ့ခံနိုင်စွမ်းတို့ကို ဆက်လက်ပြသခဲ့ကြောင်း ကနေဒါသံရုံးက ချီးကျူးထားသည်။
ယခု နှစ်သစ်အခါသမယတွင် မြန်မာနိုင်ငံ ကနေဒါသံရုံးက မြန်မာပြည်သူများနှင့်အတူ ရပ်တည်ကြောင်းနှင့် မြန်မာပြည်သူများ မျှော်မှန်းသည့်နည်းတူ ပို၍ ငြိမ်းချမ်းပြီး သာယာဝပြောသည့် နှစ်သစ်ဖြစ်ပါစေကြောင်း ဆုတောင်းဖော်ပြသည်။
ကနေဒါသည် စစ်တပ်အာဏာသိမ်းမှုကို ပြင်းထန်စွာကန့်ကွက်ရှုတ်ချထားပြီး အာဏာသိမ်းစစ်ခေါင်းဆောင်များ၊ စစ်အုပ်စုနှင့်ပတ်သက်ဆက်နွယ်သူများ၊ စီးပွါးရေးလုပ်ငန်းများကို ဒဏ်ခတ်အရေးယူမှုများ (၆)ကြိမ်လုပ်ဆောင်ထားသည်။
Public Service Announcement
