မကွေးတိုင်း၊ မြိုင်မြို့နယ်တွင် စစ်ကောင်စီယာဥ်တစ်စီးအား ပျူရွာနှစ်ရွာကြား၌ မိုင်းဆွဲတိုက်ခိုက်ရာ စစ်ကောင်စီတပ်ဖွဲ့ဝင် ၆ ဦးထက်မနည်း သေဆုံးနိုင်ကြောင်း မြိုင်မြို့နယ်ပြည်သူ့ကာကွယ်ရေးအဖွဲ့ခေါင်းဆောင် ကိုလယျာ်ကပြောသည်။
ဇန်နဝါရီလ၉ရက်နေ့ နံနက် ၁၀ နာရီဝန်းကျင်တွင်ပခုက္ကူမှထွက်လာသော စစ်ကောင်စီတပ်၏ Fawကားတစ်စီးအား တွင်းမပျူစခန်းနှင့် သရက်ကန်ပျူစခန်းကြားတွင်ရှေ့ထွက်မိုင်း ၁၀ လုံး၊ ပေပါခါးပြတ်မိုင်း၂လုံးဖြင့် ဖောက်ခွဲတိုက်ခိုက်ခဲ့ကြောင်း မြိုင်ပကဖအဖွဲ့ခေါင်းဆောင် ကိုလယျာ်က ပြောသည်။
စစ်ကောင်စီတပ်ဖွဲ့ဝင် ၆ ဦးမှ ၉ ဦးအတွင်းအနည်းဆုံးသေဆုံးနိုင်ပြီး FAWကားမှာ ပျက်စီးကာ ရပ်တန့်သွားသည်ဟု မြိုင်ပကဖခေါင်းဆောင်ကဆိုသည်။
ဇန်နဝါရီလ၇ရက်နေ့ည၈နာရီ၄၈မိနစ်ကလည်းညအချိန် ကင်းပတ်ပြီး ပစ်ခတ်လာသောတွင်းမရွာ ပျူစောထီးအဖွဲ့အား မိုင်း၁၃လုံးဖြင့် တွင်းမရွာစပ်တွင် ဖောက်ခွဲတိုက်ခိုက်ခဲ့ရာ မိုင်း ၁၀ လုံးမှာ ချို့ယွင်းမှုဖြစ်ပြီး မပေါက်ကွဲဘဲ၃လုံးသာ ပေါက်ကွဲခဲ့ကြောင်း အထက်ပါခေါင်းဆောင်ကဆက် ပြောသည်။
Public Service Announcement
ထိုသို့တိုက်ခိုက်မှုကြောင့် တွင်းမပျူခေါင်းဆောင် ကံထွေးအောင်နှင့် ရဲတစ်ဦးထိခိုက်ဒဏ်ရာ ရရှိသွားသည်ဟု ၎င်းက ဆိုသည်။
ထိုစစ်ဆင်ရေးများကို မြိုင်မြို့နယ်ပြည်သူ့ကွာကွယ်ရေးတပ်ဖွဲ့ ( မြိုင်-ပကဖ) တပ်ရင်း( ၁ ) တပ်ခွဲ – ၁ နှင့် တပ်ခွဲ – ၂ ( ဂဠုန်ပြည်သူ့ကာကွယ်ရေးတပ်ဖွဲ့) တို့ ပူးပေါင်း တိုက်ခိုက်ခဲ့ခြင်းဖြစ်သည်။
ဇန်နဝါရီလ ၆ ရက် နံနက်ပိုင်းကလည်း မြိုင်မြို့နယ်၊ သရက်ကန်ရွာ ပျူစောထီးစခန်းနှင့် ကိုင်းတောမနယ်မြေရဲစခန်းကြား၌ ခြေလျင်ထွက်လာသော ၁၀ ဦးခန့်ပါ စစ်ကောင်စီတပ်အအား မိုင်းဆွဲတိုက်ခိုက်ရာ (၃)ဦး ပွဲချင်းပြီး သေဆုံးပြီး ကျန်စစ်ကောင်စီတပ်သားများ ဒဏ်ရာအပြင်းအထန်ရရှိသွားကြောင်း စင်္ကြာဒေသကာကွယ်ရေးတပ်ဖွဲ့က သတင်းထုတ်ပြန်ထားသည်။
