ရှမ်းပြည်နယ် မြောက်ပိုင်းသိန္နီနှင့် ကွမ်းလုံကြားရှိ စစ်ကောင်စီတပ်စခန်းတစ်ခုကို ရက္ခိုင်တပ်တော် (AA)က တိုက်ခိုက်သိမ်းပိုက်လိုက်ကြောင်း ၁၀၂၇ စစ်ဆင်ရေးတွင်ပါဝင်နေသည့် ကိုးကန့်တပ်မတော်(MNDAA)တပ်ဖွဲ့၏ ပြောရေးဆိုခွင့်ရှိသူ လီကျာဝင်းက ပြောသည်။
အောက်တိုဘာ ၃၀ရက် ညပိုင်းတွင် သိန္နီနှင့် ကွမ်းလုံမြို့နယ်အကြားရှိ နာတီကျေးရွာအနီးမှ စခန်းကို သိမ်းပိုက်နိုင်ခြင်းဖြစ်သည်ဟု ဆိုသည်။
“မနေ့ကည ၁၀နာရီ ဝန်းကျင်လောက်မှာ အဲဒီ နာတီရွာရဲ့ဘေးမှာရှိတဲ့ ပြည်သူ့စစ်တပ်စခန်းကိုကျနော်တို့ ညီနောင်မဟာမိတ် AAက ဝင်သိမ်းလိုက်ပြီဆိုတဲ့ သတင်းကျနော့်ဆီရောက်လာတယ်” ဟု MNDAA ပြောရေးဆိုခွင့်ရှိသူက ပြောသည်။
စခန်းသိမ်းတိုက်ပွဲအတွင်းလက်နက်ခဲယမ်းရရှိမှုနှင့် စစ်ကောင်စီတပ်ထိခိုက်မှု အခြေအနေများကို စာရင်းပြုစုနေဆဲဖြစ်သည်ဟု ဆိုသည်။
Public Service Announcement
ယခု ရက်ပိုင်းတိုက်ပွဲများအတွင်း ရက္ခိုင့်တပ်တော်(AA)၏ တပ်ရင်း(၃၃)၊ တပ်ရင်း (၁၁၃) တို့ အပါအဝင် တပ်ရင်း ၁၀ရင်းခန့် MNDAA တပ်ဖွဲ့နှင့်ပူးပေါင်းပြီး စစ်ဆင်ရေး၌ ပါဝင်တိုက်ခိုက်နေကြောင်း MNDAAက အသိပေးထုတ်ပြန်ထားသည်။
