ကျောက်ကြီးမြို့နယ်၊ မုန်းမြို့ရှိ စစ်ကောင်စီခြေမြန်တပ်ရင်း ခမရ (၅၉၉) နှင့် မုန်းမြို့ရဲစခန်းကို KNLA ၊PDF ပူးပေါင်းတပ်များက ယနေ့နံနက် မှစ၍ တိုက်ခိုက်နေပြီး တိုက်ပွဲအပြင်းအထန် ဖြစ်နေသည်။
ခမရ (၅၉၉) နှင့် မုန်းမြို့ရဲစခန်းကို ယမန်နေ့(ဒီဇင်ဘာလ ၂ရက်) ညမှစတင်တိုက်ခိုက်ခြင်းဖြစ်ပြီး ယနေ့ ၁၂ နာရီအထိ တိုက်ပွဲပြင်းထန်နေသည်ဟုအမှတ်(၂) စစ်ဒေခွဲ(ပဲခူးတိုင်း)၏ တာဝန်ရှိသူတစ်ဦးက People’s Spring ကိုပြောသည်။
မုန်းမြို့ရဲစခန်းကို KNLA ၊PDF ပူးပေါင်းတပ်များက သိမ်းပိုက်ပြီးဖြစ်ကြောင်း တော်လှန်ရေးအင်အားစုများကပြောသလို စစ်ကောင်စီလက်အောက်ခံ လူမှုကွန်ရက်အကောင့်များကလည်း ဝန်ခံထားသည်။သို့သော် People’s Spring က သီးခြားအတည်မပြုနိုင်သေးဘဲ ဆက်လက်ဖော်ပြပါမည်။
ခမရ (၅၉၉) ကို ဆက်လက်တိုက်ခိုက်နေပြီး စစ်ကောင်စီက လေကြောင်းအသုံးပြု ခုခံနေကြောင်း ဒေသခံများကပြောသည်။
Public Service Announcement
KNLA ဦးဆောင်သော ပူးပေါင်းတပ်များသည် ဒီဇင်ဘာ ၁ ရက်မှစ၍ ကော့ကရိတ်မြို့တွင်လည်းစစ်ကောင်စီတပ်ကိုတိုက်ခိုက်၍တိုက်ပွဲများပြင်းထန်နေသည်။
