စဥ့်ကူး လက်ပန်လှရွာကိုစစ်တပ် ဗုံးကြဲလို့ ပြည်သူတဦး​သေ၊ တဦးဒဏ်ရာရ

ရှိန်း/People’s Spring

မန္တလေးတိုင်း၊စဥ့်ကူးမြို့နယ်၊လက်ပန်လှကျေးရွာကို စစ်​ကောင်စီတပ်​ဖေ​ဖော်ဝါရီ ၁၈ ရက်​နေ့ မနက် ၁၀ နာရီခန့်မှာ လေကြောင်းတိုက်ခိုက်ခဲ့ရာ အမျိုးသမီးတဦးသေ ဆုံးပြီး၊အမျိုး သားတဦးဒဏ်ရာရရှိခဲ့ပါတယ်။

လေကြောင်းတိုက်ခံရမှုကြောင့် အသက်၄၃နှစ်အရွယ်မစန်းစန်းမွန် ​သေဆုံးခဲ့ပြီး အသက် ၅၃နှစ်အရွယ်ဦးခင်မောင်မြင့်ဒဏ်ရာရရှိခဲ့တာပါ။ဒါ့အပြင်နေအိမ်တလုံးမီးလောင်ပျက်စီးခဲ့သလို စာသင်ကျောင်းဆောင်တခုလည်းထိခိုက်ပျက်စီးသွားတယ်လို့ပြင်ဦးလွင်ခရိုင် ပြည်သူ့ကာကွယ်​ရေးတပ်ဖွဲ့ (ပကဖ)သတင်းတာဝန်ခံက​ပြောပါတယ်။

“ဘာသတင်းမှမကြားမိဘူး။ဒီအတိုင်းလာကြဲသွားတာ။မီးတွေလည်းလောင်တယ်”လို့ ဒေသခံတဦးကပြောပါတယ်။

Public Service Announcement

ယခုရက်ပိုင်းအတွင်း စစ်တပ်က မန္တလေးတိုင်းထဲကိုလေကြောင်းတိုက်ခိုက်မှုတွေဆက်တိုက်ပြုလုပ်နေပြီး ပြီးခဲ့တဲ့ရက်ပိုင်းကလည်း လက်ပန်လှရွာရဲ့တောင်ဘက်က ရွှေပြည်ကျေးရွာဘုန်းကြီးကျောင်းကို PDF ခေါင်းဆောင်တဦးမင်္ဂလာဆောင်ရှိတယ်ဆိုပြီး လေကြောင်းကနေ ဗုံးကျဲတိုက်ခိုက်ခဲ့ပါသေးတယါ။

စဥ့်ကူးမြို့နယ်ကို ပြည်သူ့ကာကွယ်​ရေးတပ်မ​တော် (မန္တ​လေး)က ၁၀၂၇ စစ်ဆင်​ရေး ဒုတိယပိုင်း (ရှမ်းမန်းစစ်ဆင်​ရေးအတွင်းမှာ သိမ်းပိုက်ထိန်းချုပ်ထားတာဖြစ်ပါတယ် ။စဥ့်ကူးမြို့နယ် ကပ်လျက်က မတ္တရာမြို့နယ်အ​ရှေ့ရှမ်းကိုလည်း မန္တ​လေး PDF သိမ်းပိုင်ထိန်းချုပ်ထားပြီး ဒီလပိုင်းမှာ မတ္တရာမို့နယ်မှာ တိုက်ပွဲ​တွေ ပြင်းထန်​နေပါတယ်။