မေ-၈ ၊၂၀၂၅။မေ/People’s Spring
မန္တလေးတိုင်း၊ သပိတ်ကျင်းမြို့နယ် ရေထွက်ကျေးရွာကို စစ်ကောင်စီက ထပ်မံ လေကြောင်းတိုက်ခိုက်ခဲ့ရာ ဒေသခံပြည်သူ ၁၀ဦးထိခိုက်ဒဏ်ရာ တွေရခဲ့တယ်လို့ ပြင်ဦးလွင်ခရိုင်ပကဖ သတင်းတာဝန်ခံက ပြောပါတယ်။
မေလ၇ရက် နေ့လည် ၁၂နာရီခန့်မှာ တံတားဦးလတပ်က နေဂျက်ဖိုက်တာတစ်စီးနဲ့ လာရောက် ဗုံးကြဲတိုက်ခိုက်ခဲ့တာလို့ သိရပါတယ်။
လေကြောင်းတိုက်ခိုက်ခံရမှုမှာ ဒေသခံ အမျိုးသမီး၃ဦးနဲ့ အမျိုးသား၇ဦးစုစုပေါင်း ၁၀ဦး ထိခိုက်ဒဏ်ရာရခဲ့တယ်လို့ ပြင်ဦးလွင်ခရိုင်ပကဖသတင်းတာဝန်ခံက ပြောပါတယ်။
Public Service Announcement
“စစ်ကောင်စီက သပိတ်ကျင်းကိုပြန်ထိုင်ချင်တယ်။အဲတာကြောင့်မို့ ကြဲနေတာပဲ”လို့ ပြင်ဦးလွင်ခရိုင်ပကဖသတင်းတာဝန်ခံက ဆိုပါတယ်။
ကျေးရွာအလယ်က လမ်းဆုံအနီးကို ဗုံးကြဲတိုက်ခိုက်ခဲ့တာလို့ ဆိုပါတယ်။ နေအိမ်တွေလည်း ပျက်စီးခဲ့ရတယ်လို့ သိရပါတယ်။
ဒါ့အပြင် မနေ့က လိပ်ကျနဲ့ဝါး ခြေတော်ကျေးရွာတွေကိုလည်း ဗုံးကြဲသွားတယ်လို့ သိရပါတယ်။
သပိတ်ကျင်းမြို့နယ်၊ ရေထွက်ရွာကို ဧပြီ ၁၉ရက်က စစ်ကောင်စီ ဗုံးကြဲတိုက်ခိုက်ခဲ့မှုမှာ ကလေးငယ် တွေအပါအဝင် ပြည်သူ၃၀ ကျော်သေဆုံးခဲ့ပါ သေးတယ်။
အဲဒီနောက်မှာလည်း မကြာခဏလေ ကြောင်းတိုက်ခိုက်တာတွေ လုပ်နေပြီး သပိတ်ကျင်းမြို့နယ် ၇မိုင်ဘက်မှာလည်း စစ်ကောင်စီတပ်နဲ့ တော်လှန်ရေးတပ်တွေ တိုက်ပွဲတွေပြင်းထန် နေတယ်လို့ သိရပါတယ်။
