ဇူလိုင် – ၃၀၊၂၀၂၅ /People’s Spring
ဖမ်းဆီးရမိသည့် စစ်ကောင်စီတပ်ဖွဲ့ဝင်များကို ခေါ်ဆောင်စဥ် ပြည်သူများ၏ နာကြည်းစိတ်ကို မျက်ဝါးထင်ထင်တွေ့ရကြောင်း ပခုက္ကူခရိုင် တပ်ရင်း -၁၅ တာဝန်ရှိသူက ပြောသည်။
ဇူလိုင်၉ ရက်နေ့ကမြိုင်မြို့အရှေ့ပိုင်းစီမံကိန်းရုံး၌ အထိုင်ချထားသောစစ်ကောင်စီတပ်စခန်းကိုဝင်ရောက်စီးနင်းခဲ့ရာ စစ်ကောင်စီရဲ ၁၂ ဦးကိုကာကွယ်ရေးတပ်များက အရှင်ဖမ်းမိပြီး ၎င်းတို့ကို သယ်ဆောင်စဥ်ပြည်သူများကတားကာ ဖိနပ်ရိုက်၊ရေဘူးများဖြင့် ပစ်ပေါက်ခဲ့ခြင်းဖြစ်သည်။
“ကျွန်တော်တို့ကားသာ ငါးမိနစ်လောက် ရပ်ပေး လိုက်ရင် ပြည်သူကိုတားမရမှာတော့အမှန်။တစ်ယောက်ပြီးတစ်ယောက် ထွက်လာပြီးပြည်သူက ဝိုင်းရိုက်လို့သုံ့ပန်းတွေသေသွားနိုင်တယ်။ ပြည်သူတွေရဲ့အမုန်းတွေက တကယ်ကိုကြောက်စရာကောင်းလှပါတယ်”အထက်ပါတာဝန်ရှိသူကဖြစ်စဥ်ကို ရှင်းပြသည်။
Public Service Announcement
ဖမ်းမိခဲ့သည့် စစ်သုံ့ပန်းများကို နှိပ်စက်ခြင်း မပြုဘဲစစ်ဥပဒေအတိုင်းချုပ်နှောင်ပြီး မြို့နယ် ပြည်သူ့ကာကွယ်ရေးအဖွဲ့ (ပကဖ)သို့ လွှဲပြောင်းပေးလိုက်ပြီဖြစ်ကြောင်း အသိပေးသည်။
“ဘာလို့နာကျင်ရသလဲဆိုဂိတ်တွေဖွင့် အကြောင်းမဲ့ ဖမ်းပြီးငွေညစ်။စိတ်ရူးပေါက်တိုင်းပစ်ချင်သလိုပစ်သတ်ချင်သလိုသတ်နေတာ။လက်တွေ့တ ကယ်ခံစားနေရတဲ့ သူတွေသာ အသိဆုံးပဲ။အိမ်တွေဆိုလည်း မီးရှို့တာ ကုန်ပြီလေ”ဟုစစ်ကောင်စီတပ် သားများ၏လုပ်ရပ်များကို မြိုင်မြို့ခံတစ်ဦးက ပြောသည်။
စစ်သုံ့ပန်း ၁၂ ဦးတွင်ရဲအုပ်သောင်းထွေးစိုး၊ ရဲအရာခံ ထွန်းမင်းဇော်၊ရဲတပ်ကြပ် ဇော်ဝင်းနိုင်၊ ရဲဒုတပ်ကြပ် တင်မျိုးထွန်း၊ရဲတပ်သား ဇော်နိုင်၊ ရဲတပ်သား ရဲရင့်အောင်၊ ရဲတပ်သားသန်းတိုးအောင် ၊ ရဲဒုတပ်ကြပ် မင်းမင်းထွန်း၊ ရဲတပ်သား မင်းမင်းဇော်၊ ရဲဒုတပ်ကြပ်သက်ကိုကို၊ တပ်ကြပ် ဦးထွန်း၊ တပ်သားမျိုးနိုင်ဝင်းတို့ဖြစ်သည်။
ထိုစီမံကိန်းရုံးမှ G3 ၁၀ လက်၊ MA3 တစ်လက်၊ MA4 တစ်လက်၊ 79 တစ်လက်၊ G3 ဘောက် ၁၅ ဘောက်၊ MA ဘောက် ၂ ဘောက်၊ G3 ကျည် ၁၃၆ တောင့်၊ ၅.၅၆ ကျည် ၃၇ တောင့်၊ လက်ပစ်ဗုံး ၉ လုံး၊ 79 အဖူး ၆ ဖူး၊ ဦးထုပ် ၅ လုံး၊ ဖုန်း ၃ လုံး၊ကျည်ကာဝတ်စုံ ၇ ခု နှင့် ငွေသား ၂၂ သိန်း တို့သိမ်းဆည်းရရှိခဲ့သည်
တိုက်ခိုက်မှုတွင် မြိုင်ညီညွတ်ရေးတပ်ပေါင်းစု (9+) ၊ ဇာမဏီပြောက်ကြားတပ်ဖွဲ့၊ ညီနောင်သုံးဖော် (YSO) ၊ တပ်ပေါင်းစု (Good Brother) ၊ အညာဟီးရိုး လက်နက်ကြီးအဖွဲ့၊ ဂျော်ကာပြောက်ကြားတပ်ဖွဲ့ (ဒရုန်း)၊ကင်ဒို(ဒရုန်း)ပေါက်၊အညာမြေပြောက်ကြားတပ်ဖွဲ့(ဒရုန်း)၊Burma Revolution Ranger (BRR)၊ NFTA နှင့် Scorpion People Denfece Force တို့ ပူးပေါင်းတိုက်ခိုက်ခဲ့ခြင်းဖြစ်ကြောင်းသိရသည်။
https://www.facebook.com/LuduNwayOo/videos/1210379447511496
ရုပ်သံ-ပခုက္ကူခရိုင်တပ်ရင်း(၁၅)
