ဇူလိုင်-၁၊၂၀၂၆။သုည/People’s Spring
စစ်ကိုင်းတိုင်းအတွင်း ဒေသခံပြည်သူတွေ၊ တော်လှန်သပိတ်အင်အားစုတွေက စစ်အာဏာရှင်ဆန့်ကျင်ရေးလူထုလှုပ်ရှားမှုနဲ့ ဟောပြောပွဲတွေ ဒီကနေ့ (ဇူလိုင် ၁) မှာ ပြုလုပ်ခဲ့ပါတယ်။
စစ်ကိုင်းတိုင်းယင်းမာပင်မြို့နယ်မှာရွာပေါင်းစုံသပိတ်စစ်ကြောင်းက”အရေးကြီးပြီ ညီနောင်အပေါင်းတို့” စာသားကိုင်ဆွဲပြီး စစ်အာဏာရှင်ဆန့်ကျင်ရေးဆန္ဒပြသပိတ်ကို ဒီနေ့မှာ ပြုလုပ်ခဲ့ကြပါတယ်။
“အရေးကြီးပြီ ညီနောင်အပေါင်း”ဆိုတဲ့ စာသားအတိုင်းဒီအချိန်ဟာတော်လှန်ရေးအတွက် အရေးကြီး ဆုံး အချိန်ကာလ ဖြစ်ကြောင်း၊ ကိုယ့်အချင်းချင်း သေနတ်ပြောင်းလှည့်တာတွေကို ရပ်တန့် ပြီး အညီညွတ်ဆုံး အကြီးမားဆုံး အသန်မာဆုံး အင်အားနဲ့ ရန်သူကို အလဲထိုး အဆုံးသတ်ပေးကြဖို့ ရွာပေါင်းစုံသပိတ်ကော်မတီက တိုက်တွန်းခဲ့ပါတယ်။
Public Service Announcement
ဝက်လက်မြို့နယ်အတွင်းရှိအထက်တန်းကျောင်းတစ်ကျောင်းမှာလည်း ကျောင်းသားကျောင်းသူတွေက စစ်အာဏာရှင်ဆန့်ကျင်ရေး ဟောပြောပွဲ ပြုလုပ်ခဲ့ပါတယ်။
စစ်အာဏာရှင်စနစ်ကို တော်လှန်တိုက်ဖျက်နေသော ကာလအတွင်း မှန်ကန်သောဆုံးဖြတ်ချက်ကို တိကျပြတ်သားစွာချနိုင်ဖို့၊ ယုံကြည်ချက်နဲ့အတူ ရှေ့ဆက်လျှောက်လှမ်းနိုင်ဖို့၊ အခက်အခဲတွေကို ကိုယ်ပိုင်စံတန်ဖိုးများနဲ့အညီ ကြံ့ကြံ့ခိုင်ရှေ့ဆက်နိုင်ဖို့၊ ယုံကြည်ချက်စံတန်ဖိုးနဲ့အတူ သိက္ခာရှိရှိရှေ့ဆက်တိုက်ပွဲဝင်နိုင်ဖို့အတွက် “နိုင်ငံရေးအပြောင်းအလဲကာလနဲ့ ကိုယ်ပိုင်စံတန်ဖိုးတွေ ရှာဖွေဖော်ထုတ်ခြင်း အကြောင်းအရာတွေကို ဆွေးနွေးပို့ချခဲ့ပါတယ်။
