ဇူလိုင် ၃၊ ၂၀၂၆။ ဟာနာဆန်/People’s Spring
စစ်ကိုင်းတိုင်း၊ မုံရွာမြို့မှာ လူတစ်စုက စစ်ကောင်စီရဲ့ တိုင်းရုံးက ရဲတွေလို့ဆိုပြီး နေအိမ်နဲ့ ဆိုင်ခန်းတွေကို ခြိမ်းခြောက်ငွေလိုက်တောင်းနေကြောင်း မြို့ခံတွေက ပြောပါတယ်။
မုံရွာမြို့မှာ အမျိုးသား ၃ဦးဝန်းကျင်က တိုင်းရုံးကရဲတွေဟုဆိုကာ နေအိမ်တွေ၊ ဆိုင်ခန်းတွေကို ငွေကြေးလိုက်လံတောင်းခံနေတာဖြစ်ကြောင်း ဒေသခံတွေက ပြောပါတယ်။
“တချို့ဆို ဓါးတွေတောင်ပါတယ်။ ဆိုင်တစ်ဆိုင်ကတော့ ငါးသောင်းပေးလိုက်ရတယ်”လို့ မုံရွာမြို့ခံတစ်ဦးက ပြောပါတယ်။
Public Service Announcement
လိုက်လံတောင်းခံသူတွေထဲမှာ မီးသတ်သမားတချို့လည်း ပါဝင်ပြီး အရက်သေစာသောက်စားထားကြတယ်လို့ မြို့ခံတွေက ပြောပါတယ်။ ငွေတောင်းသူတွေဟာ ရဲတွေ ဟုတ်၊ မဟုတ်ကိုတော့ အတည်ပြုလို့ မရသေးပါဘူး။
ဒါ့ကြောင့် ပြည်သူတွေအနေနဲ့ အိမ်တံခါးတွေ ပိတ်ထားကြဖို့နဲ့ ဆိုင်ကယ်တွေကိုလည်း အိမ်အတွင်းမှာပဲ ထားကြဖို့ မြို့နေပြည်သူအချင်းချင်း သတိပေးနေကြပါတယ်။
မုံရွာမြို့မှာ စစ်တပ်အာဏာသိမ်းပြီးနောက် တရားဥပဒေစိုးမိုးမှု မရှိတော့တဲ့အတွက် မြို့ပေါ် ရပ်ကွက်အချို့မှာ ဓါးပြတိုက်ပြန်ပေးဆွဲမှုတွေ၊ ခိုးဆိုးလုနှိုက်မှုတွေ၊ ဆိုင်ကယ်ခိုးခံရတာတွေနဲ့ အုပ်စုဖွဲ့ ခြိမ်းခြောက်ငွေတောင်းတာတွေ မကြာခဏ ဖြစ်ပွားလေ့ရှိပြီး လုံခြုံရေး စိုးရိမ်ရတဲ့ အခြေအနေရှိနေပါတယ်။
