ဗိုလ်ချုပ်ကြေးရုပ်များကိုအာဇာနည်နေ့မတိုင်ခင်ဖြိုချဖျက်ဆီးပြီး ​မြေမြုပ်ရန်စစ်တပ်ညွှန်ကြားထားဟုဆို

ဇူလိုင်-၅၊၂၀၂၆။People’s Spring

ရန်ကုန်အပါအဝင် မြန်မာတစ်နိုင်ငံလုံးမှာရှိတဲ့ ဗိုလ်ချုပ်ကြေးရုပ်ထုတွေကို အာဇာနည်နေ့မတိုင်ခင်ဖြိုချဖို့ အာဏာသိမ်းစစ်တပ်ကညွှန်ကြားထားတယ်လို့ ရပ်ကွက်အုပ်ချုပ်ရေးမှူး​တွေထံကနေ စုံစမ်းသိရပါတယ်။

အခုလပိုင်းအတွင်းမှာ ဗိုလ်ချုပ်ကြေးရုပ်တွေကို စစ်တပ်က အင်အားသုံးပြီးလိုက်လံဖြိုချဖျက်ဆီးနေတာဖြစ်ပါတယ်။ဖြိုချ ဖျက်ဆီးတဲ့အပြင် ​မြေမြှက်ဖို့ပါ စစ်တပ်က ခိုင်းထားတယ်လို့ စစ်​ကောင်စီ ဝန်ထမ်းအချို့က​ပြောပါတယ်။

“အာဇာနည်နေ့မတိုင်ခင် အကုန်ဖြိုခိုင်းတာ။ ပြီးရင်အဲဒီအရုပ်တွေကို မြေမြှုပ်ခိုင်းတယ်။ ဘာအတွက်လဲမေးတော့ အထက်ကခိုင်းတာလို့ပြောတယ်။ အဓိကယတြာချေတာလို့ ပြန်သိရတယ်။ ကိုယ်တွေလည်းဒီကိစ္စနဲ့ ခေါင်းစားနေရတယ်” လို့ အမည်မဖော်လိုတဲ့ စစ်​ကောင်စီဝန်ထမ်းတဦးကပြောပါတယ်။

Public Service Announcement

စစ်အာဏာရှင်​တွေဟာ အစဥ်အဆက် ​ဗေဒင်ယတြာကိုယုံကြည်ခဲ့ကြသူ​တွေဖြစ်ပြီး ၊အာဏာသိမ်း​ခေါင်း​ဆောင်ဟာလည်း ​​​ဗေဒင်ယတြာကို ယုံကြည်သူဖြစ်ပါတယ်။ မင်း​အောင်လှိုင်အတွက် ​အခါ​ပေး ​ဗေဒင် ယတြာဆရာများစွာရှိတဲ့အထဲ ဝစီပိတ်ကိုယ်​တော်ကလူသိများပါတယ် ။

​တောင်ငူ ၊ပဲခူး ၊​​ရေဦး ၊တောင်ဥက္ကလာပ၊ သာကေတ ၊ကျုံ​ပျော် စတဲ့ မြို့​တွေကဗိုလ်ချုပ်ကြေးရုပ်​တွေကို လည်း စစ်တပ်နဲ့ စည်ပင်က ဖြိုချဖျက်ဆီးခဲ့တယ်လို့ ​ဒေသခံ​တွေက​ပြောပါတယ်။

​ဗိုလ်ချုပ်ကြေးရုပ်တွေကို ​ရွေး​ကောက်ခံအရပ်သားအစိုးရဖြစ်တဲ့ NLD အစိုးရ လက်ထက်က သက်ဆိုင်ရာမြို့နယ်ကျေးရွာတွေမှာ ​ပြည်သူ​တွေရဲ့ ​မတည်ငွေတွေနဲ့ စိုက်ထူ ဂုဏ်ပြုခဲ့ကြတာဖြစ်ပါတယ်။

ယခုအခါမှာတော့ အာဏာသိမ်းခေါင်းဆောင်မင်းအောင်လှိုင် နဲ့ စစ်အုပ်စုက အာဏာတည်မြဲဖို့ ဗေဒင် ၊ယတြာ ဆရာ​တွေရဲ အကြံ​ပေးချက်​တွေနဲ့ ဗိုလ်ချုပ်ကြေးရုပ်တွေကို လိုက်လံဖျက်ဆီးနေတာဖြစ်တယ်လို့အထက်ပါသတင်းရင်းမြစ်အချို့က​ပြောပါတယ်။

ဒါ့အပြင် ဒေါ်အောင်ဆန်းစုကြည်ရဲ့မွေးနေ့မတိုင်ခင်NLD ပါတီရုံးချုပ်မှာရှိတဲ့ပါတီအလံနဲ့လဆိုင်းဘုတ်ဖြုတ်ချခံရသလို ခြံအမှတ် (၅၄) နေအိမ်ခြံဝန်းအရှေ့မှာရှိတဲ့ ဗိုလ်ချုပ်အောင်ဆန်းပုံကို စစ်တပ်က ဖယ်ရှားဖျက်ဆီးခဲ့ပါတယ်။