အမျိုးသားညီညွတ်ရေးအတိုင်ပင်ခံကောင်စီ(NUCC)ဟာ နိုင်ငံအနှံ့ကမတူညီတဲ့အဖွဲ့အစည်းတွေစုဖွဲ့ထားတာပါ။
ဒီလိုစုဖွဲ့မှုမျိုး မြန်မာနိုင်ငံသမိုင်းတလျောက်မပေါ်ပေါက်ခဲ့ဖူးဘူးလို့ ဒီနေ့ပြုလုပ်တဲ့ NUCC ရဲ့သတင်းစာရှင်းလင်းပွဲမှာ ကြားကာလချင်းအမျိုးသားအတိုင်ပင်ခံကောင်စီရဲ့ဒေါက်တာလျံမှုန်းဆာခေါင်းကပြောပါတယ်။
NUCC မှာ ရွေးကောက်ခံကိုယ်စားလှယ်တွေ၊ တိုင်းရင်းသားလက်နက်ကိုင်တော်လှန်ရေးအဖွဲ့အစည်းတွေ၊ သပိတ်အဖွဲ့တွေ၊ သမဂ္ဂတွေ၊ အမျိုးသမီး၊လူငယ်နဲ့လူနည်းစုဆိုင်ရာအဖွဲ့အစည်းတွေ၊ အရပ်ဖက်အဖွဲ့အစည်းတွေ၊ CDMအဖွဲ့တွေ၊ နိုင်ငံရေးပါတီတွေ၊ ကြားကာလပြည်နယ်၊ ဖက်ဒရယ်ယူနစ် ကိုယ်စားပြုကောင်စီအဖွဲ့တွေ ပါဝင်ကြတာပဲဖြစ်ပါတယ်။
NUCC လုပ်ဆောင်နေတဲ့လုပ်ငန်းစဥ်တွေနဲ့ပတ်သက်လို့ ဦးမင်းကိုနိုင်၊ ဦးအောင်ဆန်းမြင့်၊ ပဒိုစောတောနီး၊ ဒေါက်တာလျန်မှုန်းဆာခေါင်း၊ ဦးမိုးသူ၊ ဒေါက်တာတေဇာစန်း၊ ဦးလွင်ကိုလတ်၊ ဦးနန္ဒာစစ်အောင်၊ ဦးခန့်ဝေဖြိုး၊ လွေးပိုးငယ်တို့က ဒီကနေ့ နိုဝင်ဘာ ၁၆ မှာ ပြုလုပ်တဲ့ သတင်းစာရှင်းလင်းပွဲမှာ ဦးဆောင်ရှင်းလင်းပြောကြားခဲ့ပါတယ်။
Public Service Announcement
