Connect with us

Hi, what are you looking for?

LuduNwayOo

နိုင်ငံတကာ

ရုရှား-အမေရိကန် ဆက်ဆံရေး အရမ်းဆိုးရွားလာနေတယ်လို့ ပူတင်သုံးသပ်

ရုရှား-အမေရိကန် ဆက်ဆံရေးဟာ အနိမ့်ပါးဆုံး အဆင့်မျိုးထိ ကျဆင်းလာပြီလို့ ရုရှား သမ္မတ ဗလာဒီမာ ပူတင်က ပြောကြားလိုက်ပါတယ်။

လာမယ့် သီတင်းပတ်၊ ဆွစ်ဇာလန် နိုင်ငံမှာ အမေရိကန် သမ္မတ ဂျိုးဘိုင်ဒန်နဲ့ မျက်နှာချင်းဆိုင် တွေ့ဆုံမယ့် အခြေအနေ မတိုင်ခင် ပူတင်က အခုလို မှတ်ချက် ပေးခဲ့တာ ဖြစ်ပါတယ်။ ပြီးခဲ့တဲ့ နှစ်ပိုင်းတွေအတွင်း နှစ်နိုင်ငံ ဆက်ဆံရေးဟာ ဆက်တိုက် ယိုယွင်းလာပြီး အနိမ့်ဆုံး အဆင့်မျိုးထိ ရောက်နေပြီလို့ NBCနဲ့ အင်တာဗျူးမှာ ပူတင်က ပြောဆိုသွားခဲ့တာပါ။

ပူတင်က အမေရိကန် သမ္မတဟောင်း ဒေါ်နယ်လ်ထရမ့်ကိုတော့ အရည်အချင်းရှိပြီး ထူးခြားတဲ့ ပုဂ္ဂိုလ်တစ်ယောက်လို့ ညွှန်းဆိုသွားခဲ့ပါတယ်။ ဒါပေမဲ့ ဒီလို ပုဂ္ဂိုလ်မျိုးက အမေရိကန် သမ္မတ ဆက်ပြီး ဖြစ်ခွင့် မရှိရှာတော့ဘူးလို့လည်း ဆိုပါတယ်။

လူတွေက ထရမ့်ကို ကြိုက်တာ၊ မကြိုက်တာ သဘောထား ကွဲလွဲနိုင်တာ ရှိပေမယ့် ထရမ့်ဟာ အမေရိကန်ရဲ့ ပုံသေကားချပ် နိုင်ငံရေး စံနှုန်းတွေကနေ ဖောက်ထွက်လာတဲ့သူမျိုး ဆိုတာကိုတော့ အရှိအတိုင်း လက်ခံရလိမ့်မယ်လို့ ပူတင်က ထောက်ပြခဲ့ပါတယ်။

ဒါပေမဲ့ ဘိုင်ဒန်ကတော့ နိုင်ငံရေးသမား လုံးဝ ပီသပြီး ထရမ့်နဲ့ အကြီးအကျယ် ခြားနားတဲ့ ပုဂ္ဂိုလ်ဖြစ်ကြောင်း၊ သူ့ရဲ့ အရွယ်ရောက်ပြီး ဘဝ တလျှောက်လုံး နိုင်ငံရေးသမား အနေနဲ့သာ ကျင်လည်ခဲ့ကြောင်း ပူတင်က သုံးသပ်ခဲ့ပါတယ်။ ဘိုင်ဒန်က သမ္မတ ဖြစ်လာတာနဲ့ ပတ်သက်လို့ အမေရိကန်မှာ ကောင်းကျိုးရော ဆိုးကျိုးတွေပါ ရှိနိုင်တယ်လို့လည်း ပူတင်က ဆိုပါတယ်။

မတ်လတုန်းက ဘိုင်ဒန်ဟာ ပူတင်ကို လူသတ်သမားဆိုတဲ့ အသုံးအနှုန်းမျိုးနဲ့ စွပ်စွဲ ဝေဖန်ခဲ့ဖူးပါတယ်။ ဒီကိစ္စနဲ့ ပတ်သက်လို့ ပူတင်က သူဟာ အလားတူ တိုက်ခိုက်မှုမျိုးတွေနဲ့ အကြိမ်ကြိမ် ကြုံခဲ့ပြီး ဖြစ်တာကြောင့် ဘာမှ ထူးထူးခြားခြား မခံစားရဘူးလို့ NBCနဲ့ အင်တာဗျူးမှာ ပြောကြားသွားပါတယ်။

ပူတင်နဲ့ ဘိုင်ဒန်တို့ဟာ ဇွန်လ ၁၆ ရက်ကျရင် ဆွစ်ဇာလန်နိုင်ငံ၊ ဂျနီဗာမြို့မှာ တွေ့ဆုံကြမှာ ဖြစ်ပါတယ်။

You May Also Like

သတင်း

ထိုသို့ မြန်မာနိုင်ငံ၏ ပုံမှန်မဟုတ်သည့်၊ သာမာန်ထက်လွန်ကဲသော ခြိမ်းခြောက်မှုများကြောင့် အမေရိကန်သမ္မတ လက်မှတ်ရေးထိုးထုတ်ပြန်သော အမျိုးသားဆိုင်ရာအရေးပေါ်ကြေညာချက်ကို ဂျိုးဘိုင်ဒန်က ဒုတိယအကြိမ်ဆက်လက်သက်တမ်းတိုးခဲ့ခြင်းဖြစ်သည်။

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

နိုင်ငံတကာ

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။