Connect with us

Hi, what are you looking for?

LuduNwayOo

နိုင်ငံတကာ

Selfie စုရိုက်နေတုန်း မိုးကြိုးပစ်လို့ အိန္ဒိယမှာ ၁၁ ဦးထက်မနည်း သေဆုံး

သမိုင်းဝင် အမ်မာ ခံတပ်ကြီးရဲ့ မျှော်စင်တစ်ခုမှာ မိုးရွာနေတုန်း လူ ၂၇ ဦးစုပြီး ဓာတ်ပုံ ရိုက်တဲ့အချိန် မိုးကြိုး ပစ်ချလိုက်တာပါ။

အိန္ဒိယမှာ မိုးကြိုးပစ်လို့ လူစုပြီး Selfie ဓာတ်ပုံ ရိုက်နေသူ ၁၁ ဦးထက်မနည်း သေဆုံးသွားကြောင်း သိရပါတယ်။

နိုင်ငံ မြောက်ပိုင်း ဂျိုင်ပွာမြို့မှာ ဇူလိုင် ၁၁ ရက်က လူစုလူဝေးကို မိုးကြိုးပစ်ချပြီး ၁၁ ဦးသေသလို ဒဏ်ရာရသူတွေလည်း ရှိခဲ့တယ်လို့ ဒေသခံ ကြက်ခြေနီ အဖွဲ့ကအတည်ပြုပါတယ်။ သမိုင်းဝင် အမ်မာ ခံတပ်ကြီးရဲ့ မျှော်စင်တစ်ခုမှာ မိုးရွာနေတုန်း လူ ၂၇ ဦးစုပြီး ဓာတ်ပုံ ရိုက်တဲ့အချိန် မိုးကြိုး ပစ်ချလိုက်တာပါ။

သေဆုံးသူတွေထဲမှာ မျှော်စင်ပေါ်က လိမ့်ကျသွားတဲ့ သူတွေလည်း ပါဝင်တယ်လို့ ရဲတပ်ဖွဲ့က ဆိုပါတယ်။ ၁၂ ရာစု လက်ရာ ခံတပ်ဟောင်းကြီးဟာ ဂျိုင်ပွာမှာတော့ ကမ္ဘာလှည့် ခရီးသွားတွေ အစည်ကားဆုံး လည်ပတ် သွားလာတဲ့ နေရာတစ်ခုလည်း ဖြစ်ပါတယ်။

သေဆုံးသူ အများစုဟာ ငယ်ရွယ်သူတွေလို့လည်း ဒေသခံ မီဒီယာတွေက ဖော်ပြပါတယ်။ ကျန်ရစ်သူ မိသားစုတွေအတွက် နစ်နာကြေး ရူပီးငွေ ငါးသိန်းစီ ပေးအပ်သွားမယ်လို့ ရာဂျက်စ်သန် ပြည်နယ် ဝန်ကြီးချုပ် အာရှော့ခ် ဂါဟ်လော့က ကြေညာခဲ့ပါတယ်။

အိန္ဒိယမှာ မိုးကြိုးပစ်မှုကြောင့် တစ်နှစ်ကို ပျမ်းမျှ လူ ၂၀၀၀ လောက် သေဆုံးလေ့ရှိပြီး ကျေးလက် ဧရိယာတွေမှာ ဒီလို ဖြစ်ရပ်တွေနဲ့ ပိုကြုံရတတ်ပါတယ်။ ဇူလိုင် ၁၁ ရက် တစ်နေ့တည်းမှာတင် နိုင်ငံအနှံ့ မိုးကြိုး ပစ်မှုတွေကြောင့် နောက်ထပ် သေဆုံးသူ ၉ ဦး ရှိခဲ့ပါသေးတယ်။ ရာသီဥတု ဖောက်ပြန် ပြောင်းလဲမှုတွေရဲ့ နောက်ဆက်တွဲ ဂယက်တစ်ခုအဖြစ် ၁၉၆၀ ပြည့်နှစ်နဲ့ယှဉ်ရင် လက်ရှိ အခြေအနေမှာ မိုးကြိုးပစ်မှုတွေက နှစ်ဆလောက် ပိုများလာကြောင်းလည်း အိန္ဒိယ မိုးလေဝသ ပညာရှင်တွေက ပြောကြားထားပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အထက်ပါ စစ်ကောင်စီယာဥ်သည် မတရားသဖြင့် ကောက်ယူထားသော ပြည်သူ့ချွေးနည်းစာ မီတာခများကို ၎င်းတို့၏ရိက္ခာအဖြစ်ပြုလုပ်မည်ကို ခွင့်မပြုနိုင်သောကြောင့် ယခုကဲ့သို့ တိုက်ခိုက်ခဲ့ခြင်းဖြစ်သည်ဟု မြစ်ငယ် PDF က အသိပေးထားသည်။

သတင်း

စက်တင်ဘာလ တစ်လတာအတွင်း ကရင်နီပြည်နယ်၌ KNDF ၊ ကရင်နီတပ်မတော် (KA)၊ အခြားမဟာမိတ်ပြည်သူ့ကာကွယ်ရေးတပ်များ နှင့် စစ်ကောင်စီတပ်များအကြား တိုက်ပွဲဖြစ်ပွား ခဲ့မှုများကို သတင်းထုတ်ပြန်ခဲ့ခြင်းဖြစ်သည်။

သတင်း

ယခုစစ်ဆင်ရေးအား မြင်းခြံခရိုင်တပ်ရင်းအမှတ် ၃ (မြေလတ် PDF -တောင်သာ၊ Seven People Defense Force ၊ Scorpions People Defense Force ) တို့က စစ်ကိုင်းတိုင်းတပ်ရင်း၁ မဟာမိတ်အဖွဲ့များဖြင့် ပူးပေါင်းတိုက်ခိုက်ခဲ့ကြောင်း အသိပေးထားသည်။

သတင်း

ပြီးခဲ့သည့် စက်တင်ဘာ ၂၉ရက်က ကျောက်မတ်တပ် ကျေးရွာ အနီး ဆက်ကြေးကောက်ခံပြီး ပြန်လာသည့်ပျူစောထီးများကို​လောင်းလုံပကဖများကတိုက်ခိုက်ခဲ့ခြင်းဖြစ် သည်။