Connect with us

Hi, what are you looking for?

LuduNwayOo

နိုင်ငံတကာ

သားဖွားဆေးရုံကို ရုရှားလေတပ် ဗုံးကြဲခဲ့တယ်လို့ ယူကရိန်း စွပ်စွဲ

မာရူပိုလ် မြို့ထဲက ဆေးရုံကို ရုရှားလေတပ်ရဲ့ ဒုံးကျည်တွေ ထိမှန်မှုကြောင့် လူနာတွေ၊ ဆေးရုံဝန်ထမ်းတွေ အပါအဝင် ၁၇ ဦးထက်မနည်း ဒဏ်ရာ ရခဲ့ကြောင်း ဒေသခံ မီဒီယာတွေက ဖော်ပြခဲ့ပါတယ်။

သားဖွားနဲ့ ကလေးဆေးရုံ တစ်ခုကို ရုရှားလေတပ်က ဗုံးကြဲ တိုက်ခိုက်ခဲ့ကြောင်း ယူကရိန်း အစိုးရက စွပ်စွဲ ပြောကြားခဲ့ပါတယ်။

မာရူပိုလ် မြို့ထဲက ဆေးရုံကို ရုရှားလေတပ်ရဲ့ ဒုံးကျည်တွေ ထိမှန်မှုကြောင့် လူနာတွေ၊ ဆေးရုံဝန်ထမ်းတွေ အပါအဝင် ၁၇ ဦးထက်မနည်း ဒဏ်ရာ ရခဲ့ကြောင်း ဒေသခံ မီဒီယာတွေက ဖော်ပြခဲ့ပါတယ်။

ယူကရိန်း သမ္မတ ဗိုလိုဒီမာ ဇီလန်စကီးက ကိုယ်ဝန်ဆောင် အမျိုးသမီးတွေ၊ ကလေးငယ်တွေ ရှိနေတဲ့ ဆေးရုံကို ပစ်မှတ်ထား တိုက်ခိုက်တဲ့ ရုရှားစစ်တပ်ရဲ့ လုပ်ရပ်ဟာ မကောင်းဆိုးရွား ဆန်လွန်းကြောင်း ဝေဖန်သွားခဲ့ပါတယ်။ ပြီးတော့ လေကြောင်း တိုက်ခိုက်မှုကြောင့် ဆိုးဆိုးရွားရွား ပျက်စီးနေတဲ့ ဆေးရုံရဲ့ ဓာတ်ပုံတွေကိုလည်း ဇီလန်စကီးက ပြသခဲ့ပါတယ်။

ဆိပ်ကမ်းမြို့ တစ်ခုဖြစ်တဲ့ မာရူပိုလ် ပါဝင်နေတဲ့ ဒွန်းညက်စ်ခ်ဒေသ အုပ်ချုပ်ရေးမှူး ပက်ဗ်လို ကိုင်ရီလန်ကိုက မတ်လ ၉ ရက်နေ့ တိုက်ခိုက်မှုအပြီး အထိအခိုက် စာရင်းကို ဆက်လက် စိစစ်နေကြောင်း၊ လတ်တလော ကြားသိရသလောက် သေဆုံးသူ မရှိသေးသလို ဒဏ်ရာရသူတွေထဲမှာ ကလေးငယ်တွေ မပါဝင်ကြောင်း အတည်ပြုခဲ့ပါတယ်။

Public Service Announcement

Public Service Announcement

မျက်မှောက်ခေတ် စစ်ပွဲတွေမှာ ကလေးဆေးရုံတွေကို ဗုံးကြဲတယ်ဆိုတဲ့ လုပ်ရပ်မျိုးက ဘယ်လိုမှာ နားမလည်နိုင်ကြောင်း၊ ဒီလို အခြေအနေ ကြုံရတယ် ဆိုတာကို လူတွေက မယုံနိုင်အောင် ဖြစ်နေကြောင်း ကိုင်ရီလန်က ဆိုပါတယ်။

ယူကရိန်း သမ္မတ ဇီလန်စကီးကလည်း ရုရှားဆိုတာဟာ ဆေးရုံတွေ၊ သားဖွားရုံတွေကို လက်လွတ်စပယ် ဖျက်ဆီးပစ်ဖို့ ဝန်မလေးတဲ့ နိုင်ငံတစ်ခုလားလို့ ဝေဖန် မေးခွန်း ထုတ်သွားခဲ့ပါတယ်။ အမေရိကန် အစိုးရကလည်း အပြစ်မဲ့ ပြည်သူတွေကို တိုက်ခိုက်နေတဲ့ ရုရှားစစ်တပ်ရဲ့ လုပ်ရပ်တွေက ကြမ်းကြုတ် ရက်စက်လွန်းတယ်လို့ ဝေဖန်သွားပါတယ်။

မာရူပိုလ်မြို့ကို ရုရှားတပ်တွေက ပိတ်ဆို့ ဝန်းရံထားတာ ရက်ပေါင်း အတော်ကြာခဲ့ပါပြီ။ ရုရှားတပ်တွေဟာ မြို့ထဲက လူနေဧရိယာတွေကိုပါ ဗုံးကြဲ တိုက်ခိုက်နေတာကြောင့် အရပ်သားတွေ သေဆုံးတဲ့ အရေအတွက်ကလည်း ၁၂၀၀ ကျော်လောက် ရှိလာကြောင်း သိရပါတယ်။

ဆက်စပ်သတင်းများ

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

နိုင်ငံတကာ

ဘိုင်ဒန်ဟာ ဝါရှင်တန်ကို ရောက်လာတဲ့ တခြားအဖွဲ့ဝင် ၃၁ နိုင်ငံ ခေါင်းဆောင်တွေကို တစ်ဦးချင်း ကြိုဆိုနှုတ်ဆက်ခဲ့ပြီး ညီလာခံ အဖွင့်နေ့မှာပဲ ယူကရိန်းအတွက် F-16 တိုက်လေယာဉ်တွေ ထောက်ပံ့မယ့် ကိစ္စကို ဘိုင်ဒန်က အတည်ပြု ကြေညာခဲ့တာ ဖြစ်ပါတယ်။

နိုင်ငံတကာ

မော်စကိုမြို့ တရားရုံးရဲ့ ဝရမ်းထုတ်ပြန်မှုကြောင့်တော့ သူဟာ ခင်ပွန်းဖြစ်သူ လျှောက်ခဲ့တဲ့လမ်းကို စွန့်ခွာမှာ မဟုတ်ကြောင်းလည်း ယူလီယာက ပြောကြားသွားပါတယ်။

နိုင်ငံတကာ

မိုဒီက ရုရှားကို သူဆိုက်ရောက်တဲ့ မှတ်တမ်း ဓာတ်ပုံတွေကို လူမှုကွန်ရက် မီဒီယာ Xမှာ ရုရှား၊ အင်္ဂလိပ် နှစ်ဘာသာ စာညွှန်းရေးပြီး တင်ထားခဲ့ပါတယ်။