Connect with us

Hi, what are you looking for?

LuduNwayOo

နိုင်ငံတကာ

အမေရိကန် အောက်လွှတ်တော် ဒီမိုကရက် အကြီးအကဲ အဖြစ်ကနေ နုတ်ထွက်တော့မယ့် ပလော့စီ

ပလော့စီဟာ အမေရိကန် သမိုင်းမှာ အောက်လွှတ်တော် ဥက္ကဋ္ဌအဖြစ် တာဝန်ယူဖူးတဲ့ ပထမဆုံး အမျိုးသမီး အနေနဲ့လည်း မှတ်တမ်း ဝင်ခဲ့ပါတယ်။ လက်ရှိမှာလည်း သူဟာ အင်အား အသာရတဲ့ ပါတီ ခေါင်းဆောင်အဖြစ် အောက်လွှတ်တော် ဥက္ကဋ္ဌ အနေနဲ့ တာဝန် ထမ်းဆောင်နေပါတယ်။

အမေရိကန် အောက်လွှတ်တော် ဒီမိုကရက် အကြီးအကဲ အဖြစ်ကနေ နုတ်ထွက်တော့မယ့် ပလော့စီ
အမေရိကန် အောက်လွှတ်တော် ဒီမိုကရက် အကြီးအကဲ အဖြစ်ကနေ နုတ်ထွက်တော့မယ့် ပလော့စီ

အမေရိကန် အောက်လွှတ်တော်ထဲက ဒီမိုကရက်ပါတီ အမတ်တွေကို ဆယ်စုနှစ် နှစ်ခုနီးပါးလောက် ဦးဆောင်ခဲ့တဲ့နောက် နန်စီ ပလော့စီဟာ အောက်လွှတ်တော် ဒီမိုကရက် အကြီးအကဲ အဖြစ်က နုတ်ထွက်တော့မယ်လို့ အတည်ပြုခဲ့ပါတယ်။

အသက် ၈၂ နှစ် ရှိပြီဖြစ်တဲ့ ပလော့စီက သူဟာ လာမယ့် အောက်လွှတ်တော် ဒီမိုကရက်ပါတီ ရွေးကောက်ပွဲမှာ ဝင်ရောက် ယှဉ်ပြိုင်တော့မှာ မဟုတ်ဘူးလို့ အတည်ပြုခဲ့ပါတယ်။ ဒါပေမဲ့ သူဟာ ကယ်လီဖိုးနီးယား ကိုယ်စားပြု အမတ်တစ်ဦး အနေနဲ့တော့ အောက်လွှတ်တော်မှာ ဆက်ရှိနေဦးမှာပါ။

ပလော့စီဟာ အမေရိကန် သမိုင်းမှာ အောက်လွှတ်တော် ဥက္ကဋ္ဌအဖြစ် တာဝန်ယူဖူးတဲ့ ပထမဆုံး အမျိုးသမီး အနေနဲ့လည်း မှတ်တမ်း ဝင်ခဲ့ပါတယ်။ လက်ရှိမှာလည်း သူဟာ အင်အား အသာရတဲ့ ပါတီ ခေါင်းဆောင်အဖြစ် အောက်လွှတ်တော် ဥက္ကဋ္ဌ အနေနဲ့ တာဝန် ထမ်းဆောင်နေပါတယ်။

ဒါပေမဲ့ ပြီးခဲ့တဲ့ ကြားကာလ ရွေးကောက်ပွဲ ရလဒ်အရ ပြိုင်ဘက် ရီပတ်ဘလစ်ကန် ပါတီက ပြန်လည် အသာရလာတာကြောင့် လာမယ့်နှစ်၊ ဇန်နဝါရီလမှာတော့ ပလော့စီဟာ အောက်လွှတ်တော် ဥက္ကဋ္ဌ အဖြစ်က နုတ်ထွက်ပေးရမှာပါ။ သူ့နေရာကို ရီပတ်ဘလစ်ကန် ပါတီရဲ့ ကီဗင် မက္ကာသီက အစားထိုး ဝင်ရောက်ဖွယ် ရှိနေပါတယ်။

Public Service Announcement

Public Service Announcement

ပလော့စီဟာ အောက်လွှတ်တော်မှာ ဒီမိုကရက်ပါတီ အသာရနေချိန်ရော၊ အောက်စည်းရောက်နေတဲ့ ကာလတွေမှာပါ ဦးဆောင်ခဲ့ပါတယ်။ အောက်လွှတ်တော် ဥက္ကဋ္ဌ နေရာဟာ အမေရိကန် ဖွဲ့စည်းပုံအရ သမ္မတ၊ ဒုတိယ သမ္မတတို့ပြီးရင် တတိယ အကြီးဆုံး အုပ်ချုပ်ရေး အရာရှိ ဖြစ်ပါတယ်။ ပလော့စီဟာ အောက်လွှတ်တော် ဥက္ကဋ္ဌ အနေနဲ့ ထူးခြားထင်ရှားတဲ့ လုပ်ဆောင်မှု တချို့ကို တာဝန်ယူပြခဲ့တယ်လို့ သမ္မတ ဂျိုးဘိုင်ဒန်က ချီးကျူးပါတယ်။

ပလော့စီက အောက်လွှတ်တော် ဒီမိုကရက် အစုအဖွဲ့ကို ဦးဆောင်တဲ့ တာဝန်ကနေ ရပ်နားဖို့ ဘာကြောင့် ဆုံးဖြတ်ခဲ့သလဲ ဆိုတာတော့ ရှင်းရှင်းလင်းလင်း သိပ်မရှိပါဘူး။ မကြာသေးခင်က သူ့ရဲ့ နေအိမ်ကို လူစိမ်းတစ်ဦးက ကျူးကျော် ဝင်ရောက်ပြီး ရန်ပြုခဲ့တာကြောင့် ပလော့စီရဲ့ ခင်ပွန်းသည် အပြင်းအထန် ဒဏ်ရာရခဲ့ခြင်းက အခုဆုံးဖြတ်ချက်နဲ့ ပတ်သက်သလား ဆိုတာလည်း မသိရသေးပါဘူး။

ပလော့စီဟာ ၁၉၈၇ ခုနှစ် ကတည်းက အစဉ်တစိုက် ရွေးကောက်ခံလာရတဲ့ သူ့ရဲ့ အောက်လွှတ်တော် အမတ်နေရာမှာတော့ ၂၀၂၅ ခုနှစ်၊ ဇန်နဝါရီလထိ ဆက်လက် တာဝန်ယူပါလိမ့်မယ်။ ဒီမိုကရက် ပါတီရဲ့ အောက်လွှတ်တော် အစုအဖွဲ့ အကြီးအကဲအဖြစ် ပလော့စီရဲ့ အရိုက်အရာကို နယူးယောက် ကိုယ်စားပြု လွှတ်တော်အမတ် ကာကင်မ် ဂျက်ဖရီစ်က ဆက်ခံဖွယ် ရှိတယ်လို့လည်း သတင်းတွေ ထွက်ပေါ်နေပါတယ်။

ဆက်စပ်သတင်းများ

နိုင်ငံတကာ

လွန်ခဲ့တဲ့ ၇ လတုန်းကလည်း USS Carl Vinson ဦးဆောင်တဲ့ နောက်ထပ် အမေရိကန် CSG တစ်ခုဟာ မြောက်ကိုရီးယားကို ခြိမ်းခြောက် အင်အားပြဖို့အတွက် တောင်ကိုရီးယားမှာ ကမ်းကပ်ခဲ့ဖူးပါတယ်။

နိုင်ငံတကာ

လေ့လာသူတွေကတော့ ဆရက်သာဟာ နာမည်ကျော် ဥပဒေရေးရာ ပညာရှင် ဝစ်ဆာနူ ခရီယာနမ်ကို သူ့ရဲ့ ဥပဒေ အဖွဲ့ထဲမှာ ခေါ်ယူ ခန့်အပ်နိုင်ခဲ့ခြင်းကြောင့် အမှုမှာ နိုင်ခြေ သိသိသာသာ မြင့်တက်လာတယ်လို့ သုံးသပ်ထားကြပါတယ်။

နိုင်ငံတကာ

အစ္စရေးဟာ ဂါဇာစစ်ပွဲတလျှောက် အရပ်သားထူထပ်ရာ ဧရိယာတွေမှာ အရင်ကလည်း လေကြောင်းတိုက်ခိုက်မှုတွေ လုပ်ဆောင်ခဲ့ပေမယ့် အမေရိကန်က အခုလိုမျိုး ကြားဝင်ပြီး အကြံပြု တိုက်တွန်းတာမျိုး ဖြစ်လေ့မရှိပါဘူး။

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။