Connect with us

Hi, what are you looking for?

LuduNwayOo

နိုင်ငံတကာ

ယူကရိန်းရဲ့ နောက်ဆုံးလက်ကျန် စစ်သင်္ဘောကို ဖျက်ဆီးလိုက်ပြီလို့ ရုရှား ကြေညာ

ရုရှားက Yuri Olefirenkoဟာ ယူကရိန်း ရေတပ်မှာ ပိုင်ဆိုင်ထားတဲ့ နောက်ဆုံးလက်ကျန် စစ်သင်္ဘော ဖြစ်တယ်လို့လည်း ပြောပါတယ်။ ကျန်တဲ့ ရေတပ် သင်္ဘောတွေဟာ ရုရှားလက်ချက်ကြောင့် ပျက်စီးခဲ့ပြီးပြီဆိုတဲ့ အဓိပ္ပါယ်ပါပဲ။

ယူကရိန်း ရေတပ်ရဲ့ နောက်ဆုံးလက်ကျန် စစ်သင်္ဘောကို ဖျက်ဆီးပစ်လိုက်ပြီလို့ ရုရှားက ထုတ်ပြန်ပါတယ်။

ကမ်းတက် တိုက်ခိုက်ရေး ရေယာဉ် အမျိုးအစားဖြစ်တဲ့ Yuri Olefirenkoဟာ ပင်လယ်နက်ထဲက အိုဒက်ဆာ ဆိပ်ကမ်းမှာ ဆိုက်ကပ်ထားတဲ့အချိန် ရုရှားရဲ့ ထိရောက်တိကျတဲ့ စစ်လက်နက် တစ်ခုရဲ့ တိုက်ခိုက် ဖျက်ဆီးခြင်းကို ခံလိုက်ရတယ်လို့ ရုရှား ကာကွယ်ရေး ဝန်ကြီးဌာနက ကြေညာပါတယ်။

Public Service Announcement

Public Service Announcement

မေလ ၂၉ ရက်က အဲဒီ စစ်သင်္ဘောကို ဖျက်ဆီးပစ်နိုင်ခဲ့တာလို့လည်း ရုရှားက ဆိုပါတယ်။ ဒါပေမဲ့ ယူကရိန်း ရေတပ်ကတော့ ရုရှားရဲ့ အဆိုနဲ့ ပတ်သက်လို့ ဘာမှတ်ချက်မှ မပေးသေးပါဘူး။

ရုရှားက Yuri Olefirenkoဟာ ယူကရိန်း ရေတပ်မှာ ပိုင်ဆိုင်ထားတဲ့ နောက်ဆုံးလက်ကျန် စစ်သင်္ဘော ဖြစ်တယ်လို့လည်း ပြောပါတယ်။ ကျန်တဲ့ ရေတပ် သင်္ဘောတွေဟာ ရုရှားလက်ချက်ကြောင့် ပျက်စီးခဲ့ပြီးပြီဆိုတဲ့ အဓိပ္ပါယ်ပါပဲ။

Yuri Olefirenkoဟာ အလယ်အလတ် အရွယ်အစား ကမ်းတပ် တိုက်ခိုက်ရေး ရေယာဉ်ဖြစ်ပြီး စစ်သည်တွေနဲ့ ယာဉ်တွေကို တင်ဆောင်နိုင်ပါတယ်။ အဲဒီ ရေယာဉ်ဟာ မူလက Kirovohradဆိုတဲ့ နာမည်နဲ့ အသုံးပြုနေတာဖြစ်ပြီး ၂၀၁၅ ခုနှစ်တုန်းက မာရူပိုလ်မြို့နားမှာ ကျဆုံးခဲ့တဲ့ ယူကရိန်း မရိန်းတပ်ဖွဲ့ဝင် တစ်ဦးကို ဂုဏ်ပြုပြီး နောက်တစ်နှစ်မှာ နာမည်ပြောင်းခဲ့တာပါ။

မေလ ၂၉ ရက်က ရုရှားရဲ့ လေကြောင်း တိုက်ခိုက်မှုတွေကြောင့် အိုဒက်ဆာမှာ အခြေခံ အဆောက်အအုံတွေ ထိခိုက် ပျက်စီးမှု ရှိခဲ့တယ် ဆိုတာကို ယူကရိန်း စစ်တပ်က အတည်ပြုခဲ့ပေမယ့် စစ်သင်္ဘောနဲ့ ပတ်သက်လို့တော့ ထည့်သွင်း ကြေညာတာမျိုး မရှိခဲ့ကြောင်းလည်း သိရပါတယ်။

Public Service Announcement

Public Service Announcement