Connect with us

Hi, what are you looking for?

LuduNwayOo

နိုင်ငံတကာ

⁨မြန်မာဖက်က ပဋိပက္ခတွေ ကူးစက်မလာအောင် ထိန်းသိမ်းဖို့ စစ်တပ်နဲ့ နိုင်ငံခြားရေး ဝန်ကြီးဌာနကို ထိုင်းဝန်ကြီးချုပ် ညွှန်ကြား

ထိုင်းနိုင်ငံခြားရေး ဝန်ကြီးဌာနရော၊ ထိုင်းစစ်တပ်ပါ အဲဒီ ကိစ္စကို ကိုင်တွယ်ဖို့ မြန်မာဖက်က သက်ဆိုင်ရာ အဖွဲ့အစည်းတွေနဲ့ ချိတ်ဆက် ဆောင်ရွက်ဖို့ ဆရက်သာက ပြောပါတယ်။

⁨မြန်မာဖက်က ပဋိပက္ခတွေ ကူးစက်မလာအောင် ထိန်းသိမ်းဖို့ စစ်တပ်နဲ့ နိုင်ငံခြားရေး ဝန်ကြီးဌာနကို ထိုင်းဝန်ကြီးချုပ် ညွှန်ကြား
⁨မြန်မာဖက်က ပဋိပက္ခတွေ ကူးစက်မလာအောင် ထိန်းသိမ်းဖို့ စစ်တပ်နဲ့ နိုင်ငံခြားရေး ဝန်ကြီးဌာနကို ထိုင်းဝန်ကြီးချုပ် ညွှန်ကြား

မြန်မာဖက်ခြမ်း နယ်စပ်မှာ ဖြစ်ပွားနေတဲ့ စစ်ပွဲတွေဟာ ထိုင်းပိုင်နက်ထဲထိ ပျံ့နှံ့ ကူးစက်မလာအောင် သေသေချာချာ ကိုင်တွယ်ဖို့ သက်ဆိုင်ရာ ဌာနနဲ့ အဖွဲ့အစည်းတွေကို ထိုင်းဝန်ကြီးချုပ် ဆရက်သာ သာဗီဆန်က ညွှန်ကြားခဲ့ပါတယ်။

ထိုင်းနိုင်ငံခြားရေး ဝန်ကြီးဌာနရော၊ ထိုင်းစစ်တပ်ပါ အဲဒီ ကိစ္စကို ကိုင်တွယ်ဖို့ မြန်မာဖက်က သက်ဆိုင်ရာ အဖွဲ့အစည်းတွေနဲ့ ချိတ်ဆက် ဆောင်ရွက်ဖို့ ဆရက်သာက ပြောပါတယ်။

မြန်မာနဲ့ထိုင်း နယ်စပ်မှာ တည်ရှိတဲ့ မြဝတီမြို့မှာ အာဏာသိမ်း မြန်မာစစ်တပ်နဲ့ ကရင် အမျိုးသား အစည်းအရုံး (KNU)ရဲ့ တပ်တွေကြား တိုက်ပွဲတွေ အပြင်းအထန် ဖြစ်ပွားနေတဲ့ ကိစ္စနဲ့ ပတ်သက်လို့ ဧပြီ ၁၁ ရက်နေ့က ဘန်ကောက်မှာ သတင်းထောက်တွေနဲ့ တွေ့ဆုံချိန်မှာ ဆရက်သာက အခုလို ဖြေကြားသွားတာပါ။

မြဝတီရဲ့ နောက်ဆုံးလက်ကျန် မြို့စောင့်တပ်ဖြစ်တဲ့ ခလရ ၂၇၅ စခန်းနေရာကို KNUနဲ့ မဟာမိတ် အင်အားစုတွေက သိမ်းပိုက်လိုက်ပြီလို့ သတင်းတွေ ကျယ်ကျယ်ပြန့်ပြန့် ထွက်ပေါ်နေပေမယ့် စစ်တပ်ကတော့ မြဝတီကို လက်မလွှတ်ရသေးဘူးလို့ ငြင်းဆန်ထားဆဲပါ။

Public Service Announcement

Public Service Announcement

အခုကိစ္စတွေဟာ မြန်မာဖက်က ပြည်တွင်းရေး ပြဿနာသာ ဖြစ်ပေမယ့် ပဋိပက္ခတွေက ထိုင်းနိုင်ငံဖက်ကို ကူးစက်မလာအောင် ကြိုတင်စီမံ ထိန်းချုပ်ဖို့ ထိုင်းစစ်တပ်နဲ့ နိုင်ငံခြားရေး ဝန်ကြီးဌာနတို့က သေသေချာချာ စီမံ ပြင်ဆင်ထားရမယ်လို့ ဆရက်သာက ဆိုပါတယ်။

နယ်စပ် တစ်ဖက်ခြမ်းက တင်းမာမှုတွေနဲ့ ဆက်စပ်ပြီး ထိုင်းလေပိုင်နက်ကို ကာကွယ်ဖို့အတွက်လည်း F-16 တိုက်လေယာဉ်တွေကို အသုံးပြုတာမျိုး ဖြစ်လာနိုင်ပေမယ့် သူ့သဘော ဆန္ဒအရတော့ မြန်မာနဲ့ ထိုင်းကြားမှာ မလိုလားအပ်တဲ့ တင်းမာမှုတွေ မြင့်တက်မလာစေချင်ဘူးလို့ ဆရက်သာက ဆက်ပြောပါတယ်။

မကြာသေးခင်ကတော့ ထိုင်းနိုင်ငံခြားရေး ဝန်ကြီးဌာနက ပဋိပက္ခတွေကြောင့် ထွက်ပြေးလာသူ မြန်မာ စစ်ရှောင် ၁ သိန်းလောက်ကို နယ်စပ်မှာ ကူညီ လက်ခံ နေရာချထားပေးဖို့ စီစဉ်နေတယ်လို့ ပြောကြားခဲ့ပါတယ်။

စစ်ရှောင်တွေ အများအပြား ဝင်ရောက်လာနိုင်တဲ့ အခြေအနေကို စဉ်ဆက်မပြတ် စောင့်ကြည့်ရမှာ ဖြစ်တယ်လို့ ဝန်ကြီးချုပ်က အတည်ပြုခဲ့ပြီး လောလောဆယ် ထိုင်းဖက်ခြမ်း နယ်စပ်မြို့ဖြစ်တဲ့ မဲဆောက်က အခြေအနေတွေကတော့ နိုင်နိုင်နင်းနင်း စီမံထိန်းချုပ်နိုင်ဆဲ အဆင့်မှာ ရှိနေတယ်လို့ ဆိုပါတယ်။

လမ်းပိတ်ဆို့မှု တချို့နဲ့ စစ်ရေး အခြေအနေတွေအရ ပို့ဆောင်ဆက်သွယ်ရေး အခက်အခဲတွေ ရှိနေပေမယ့် နယ်စပ် ကုန်သွယ်မှု လမ်းကြောင်းတွေတော့ ပွင့်နေဆဲလို့ ထိုင်းအာဏာပိုင်တွေက ပြောပါတယ်။ ထိုင်းစစ်တပ်ဟာ နယ်စပ်နဲ့ ၇ ကီလိုမီတာလောက် အကွာထိ တိုက်ပွဲတွေ ကူးစက်ခဲ့တဲ့နောက် နယ်စပ်တလျှောက် လုံခြုံရေး အစီအမံတွေ တိုးမြှင့်ပြီး တပ်ဖြန့် စောင့်ကြပ်နေတယ်လို့လည်း သိရပါတယ်။

ကိုးကား: Nation⁩

ဆက်စပ်သတင်းများ

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။

သတင်း

စစ်ကောင်စီ၏တိုက်ခိုက်မှုများကြောင့် ၂၀၂၃ နိုဝင်ဘာ ၁၃ရက်မှ ယခုနှစ်မတ်လ ၂၁ရက်နေ့အထိ အရပ်သား ပြည်သူ ၁၇၉ ဦးသေဆုံးကာ ၄၆၈ ဦး ဒဏ်ရာရရှိခဲ့သည်ဟု AAက ထုတ်ပြန်ထားသည်။

သတင်း

စစ်ကောင်စီတပ်က ရွာထဲသို့ လက်နက်ကြီးဖြင့် ပစ်ခတ် ဝင်ရောက်လာပြီး ပြည်သူများအား သေနတ်ဖြင့် ပစ်ခတ် သတ်ဖြတ်ကာ မီးရှို့ခဲ့ခြင်းဖြစ်ကြောင်း အမှတ် (၁) စစ်ဒေသရုံးက ထုတ်ပြန်သည်။