Connect with us

Hi, what are you looking for?

LuduNwayOo

နိုင်ငံတကာ

တရုတ်ကို မကူညီဖို့ ရေတပ် တိုက်လေယာဉ်မှူးဟောင်းတွေကို အမေရိကန် သတိပေး

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။

တရုတ်ကို မကူညီဖို့ ရေတပ် တိုက်လေယာဉ်မှူးဟောင်းတွေကို အမေရိကန် သတိပေး
တရုတ်ကို မကူညီဖို့ ရေတပ် တိုက်လေယာဉ်မှူးဟောင်းတွေကို အမေရိကန် သတိပေး

လေ့ကျင့် သင်တန်းပေးဖို့ တရုတ်ဆီက မက်လုံးပေး ကမ်းလှမ်းမှုတွေကို လက်မခံကြဖို့ ရေတပ် တိုက်လေယာဉ်မှူးဟောင်းတွေကို အမေရိကန်က ထောက်လှမ်းရေး ဌာနက သတိပေး ပြောကြားလိုက်ပါတယ်။

တရုတ် ပြည်သူ့လွတ်မြောက်ရေး တပ်မတော် (PLA)ရဲ့ လေတပ်နဲ့ ရေတပ်ဟာ အမေရိကန် အပါအဝင် အနောက်နိုင်ငံတွေရဲ့ စစ်ဘက် လေယာဉ်မှူးဟောင်းတွေကို မက်မောလောက်စရာ လုပ်ခလစာတွေ ပေးပြီး သင်တန်းမှူးတွေအဖြစ် ခေါ်ယူနေကြောင်း ခိုင်မာတဲ့ အထောက်အထားတွေ ရှိနေပါတယ်။

PLAဟာ တိုက်လေယာဉ်မှူးဟောင်းတွေအပြင် လက်ရှိ တာဝန်ထမ်းဆောင်ဆဲ ရေတပ် တိုက်လေယာဉ်မှူး တချို့ကိုပါ ချဉ်းကပ်လာတဲ့ အခြေအနေတွေ ရှိနေပြီး လေယာဉ်မှူးတွေ အနေနဲ့ အမေရိကန်ရဲ့ အဓိကပြိုင်ဘက် တရုတ်ကို ကူညီပေးတာမျိုး မလုပ်ဖို့ အမျိုးသား ထောက်လှမ်းရေးဌာန ဒါရိုက်တာရုံးက အသိပေး ပြောကြားလိုက်ပါတယ်။

အမေရိကန်၊ ဩစတြေးလျ၊ ကနေဒါ၊ နယူးဇီလန်နဲ့ ဗြိတိန် ထောက်လှမ်းရေး အဖွဲ့တွေ ပူးပေါင်းထားတဲ့ Five Eyes နိုင်ငံတကာ ထောက်လှမ်းရေး အဖွဲ့ဟာ တရုတ်က အနောက်နိုင်ငံတွေရဲ့ လေ့ကျင့်သား အရမ်းပြည့်ဝတဲ့ တိုက်လေယာဉ်မှူးတွေကို ချိတ်ဆက် ငှားရမ်းတဲ့ ကိစ္စတွေကို မျက်ခြေမပြတ် စောင့်ကြည့်နေပါတယ်။

Public Service Announcement

Public Service Announcement

အထူးသဖြင့် PLA ရေတပ်ဟာ အခက်ခဲဆုံး အပိုင်းတွေထဲမှာ အပါအဝင်ဖြစ်တဲ့ လေယာဉ်တင် သင်္ဘောတွေပေါ် အတက်အဆင်း လုပ်တာမျိုး၊ လေကြောင်း စီးချင်းတိုက်ပွဲတွေမှာ မဟာဗျူဟာမြောက် ကွေ့ဝိုက်ရှောင်တိမ်း ပျံသန်းတာမျိုးတွေနဲ့ ပတ်သက်ပြီး အနောက်နိုင်ငံတွေက လေ့ကျင့်ပေးထားတဲ့ နည်းစနစ်တွေကို အပြင်းအထန် အလိုရှိနေတာ ဖြစ်ပါတယ်။

တချို့အခြေအနေတွေမှာ အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။

တရုတ်ဟာ ကမ္ဘာ့ ပင်လယ်ရေကြောင်း သွားလာမှု ကဏ္ဍကို အမေရိကန်နဲ့အပြိုင် စိုးမိုးဖို့အတွက် လေယာဉ်တင်သင်္ဘောတွေ တည်ဆောက်နေပေမယ့်လည်း ရုန်းကန်ရတဲ့ အခြေအနေတွေ အများကြီး ရှိနေပါတယ်။ အဲဒီထဲက အခက်ခဲဆုံး ကိစ္စတစ်ခုကတော့ ရေတပ် တိုက်လေယာဉ်မှူးတွေကို လေ့ကျင့်ပေးဖို့ ပြဿနာပါပဲ။ ဒါပေမဲ့ ပြီးခဲ့တဲ့ နှစ်ပိုင်းတွေအတွင်း PLA ရေတပ်ဟာ တောင်အာဖရိက အပါအဝင် နိုင်ငံတချို့မှာ အပေါ်ယံ ဟန်ပြ ကုမ္ပဏီတွေ ထူထောင်ပြီး အမေရိကန် ရေတပ်ရဲ့ F-18 လေယာဉ်မှူးဟောင်းတွေကို လေ့ကျင့်ရေး ကဏ္ဍအတွက် ဆွဲဆောင် သိမ်းသွင်းမှုတွေ ရှိလာပါတယ်။

တရုတ်ရဲ့ လုပ်ရပ်ဟာ အမေရိကန်ရဲ့ ပြည်ပ ပို့ကုန်ဆိုင်ရာ တည်ဆဲဥပဒေတွေနဲ့ ငြိစွန်းတယ်လို့လည်း ဥပဒေ ပညာရှင်တွေက ဆိုပါတယ်။ အမေရိကန် ထောက်လှမ်းရေးဌာန ထုတ်ပြန်ချက်မှာတော့ တရုတ် လေယာဉ်မှူးတွေကို အစွမ်းအစ ပိုကောင်းလာအောင် ကူညီ လေ့ကျင့်ပေးတယ် ဆိုတာဟာ နောင်တစ်ချိန် ပဋိပက္ခ ကာလတွေမှာ ရဲဘော်ရဲဘက် အမေရိကန် လေယာဉ်မှူးတွေကို ဒုက္ခပေးရာ ရောက်လိမ့်မယ်လို့ သတိပေး ဖော်ပြထားပါတယ်။

၂၀၂၂ ခုနှစ်တုန်းက အမေရိကန် မရိန်း တိုက်လေယာဉ်မှူးဟောင်း ဒန်နီရယ်လ် ဒူဂ်ဂန်ဟာ ပို့ကုန်ဥပဒေ ချိုးဖောက်မှုနဲ့ ဩစတြေးလျမှာ အဖမ်းခံခဲ့ရဖူးပါတယ်။ သူဟာ တောင်အာဖရိကမှာ တရုတ် စစ်ဘက် လေယာဉ်မှူးတွေကို လေယာဉ်တင် သင်္ဘောပေါ် အတက်အဆင်း ပြုလုပ်ပုံတွေ လေ့ကျင့် သင်ကြားပေးခဲ့ကြောင်း စွပ်စွဲချက်နဲ့ အဖမ်းခံခဲ့ရတာပါ။ အခုနှစ် မေလ ၂၄ ရက်မှာတော့ ဩစတြေးလျ တရားရုံးက ဒူဂ်ဂန်ကို အမေရိကန်မှာ စွဲချက်တင်ဖို့ ပြန်လည် လွှဲအပ်ပေးသင့်ကြောင်း အတည်ပြု ဆုံးဖြတ်ခဲ့ပါတယ်။

ကိုးကား: Time

ဆက်စပ်သတင်းများ

သတင်း

ဒေါက်တာဝင်းကျော်နှင့် ၎င်း၏ ဇနီးဖြစ်သူ ခင်ကေခိုင်တို့က ဦးဆောင်သည့် Mascots Group of Companies က အထက်ပါတရုတ်ကုမ္ပဏီများနှင့် စစ်အုပ်စုအကြား စီးပွားရေးလုပ်ဆောင်နိုင်ရန် ကြားခံပွဲစားအဖြစ် ဆောင်ရွက်ပေးကြောင်း JFM က စုံစမ်းဖော်ထုတ်သည်။

နိုင်ငံတကာ

တရုတ် ကမ်းခြေစောင့် တပ်ဖွဲ့ဝင်တွေဟာ တုတ်တွေ၊ ဓားတွေ၊ ပုဆိန်တွေ ကိုင်ဆောင်လာပြီး ဖိလစ်ပိုင် တပ်ဖွဲ့ဝင်တွေက လက်ချည်းသက်သက်နဲ့ သူတို့ကို ခုခံ တားဆီးဖို့ ကြိုးစားခဲ့ကြောင်း ဘရော်နာက ပြောပါတယ်။

သတင်း

ရခိုင်ပြည်နယ်တွင် မည်သည့်ရင်းနှီးမြှုပ်နှံမှုမျိုးကိုမဆို အကာအကွယ်ပေးမည်မူဝါဒ AA၌ အခိုင်အမာရှိကြောင်း ခိုင်သုခကဖြေကြားထားသည်။

သတင်း

AAသည် ဇွန်လဆန်းတွင် ဘူးသီးတောင်မြို့သိမ်းတိုက်ပွဲအား အရှိန်မြှင့်ဆောင်ရွက်ခဲ့ရာ ဇွန်လ ၂ရက်မှ ၇ရက်အတွင်း အမှတ်(၉)နယ်ခြားစောင့်တပ်ဖွဲ့(နခခ-၉)အပါအဝင် စခန်း၆ခုကို သိမ်းရခဲ့သည်ဟု အသိပေးထားသည်။