Connect with us

Hi, what are you looking for?

နိုင်ငံတကာ

လိင်တူချင်း ထိမ်းမြားခွင့် ဥပဒေ ထိုင်းနိုင်ငံမှာ စတင် အသက်ဝင်

ထိုင်းနိုင်ငံမှာ လိင်တူချင်း ထိမ်းမြားခွင့် ဥပဒေ ပထမဆုံး စတင် အသက်ဝင်မယ့်နေ့မှာ ရာပေါင်းများစွာသော လိင်တူ ချစ်သူ စုံတွဲတွေ လက်ထပ်ကြဖို့ စီစဉ်ထားပါတယ်။

ထိုင်းနိုင်ငံမှာ လိင်တူချင်း ထိမ်းမြားခွင့် ဥပဒေ ပထမဆုံး စတင် အသက်ဝင်မယ့်နေ့မှာ ရာပေါင်းများစွာသော လိင်တူ ချစ်သူ စုံတွဲတွေ လက်ထပ်ကြဖို့ စီစဉ်ထားပါတယ်။

လိင်တိမ်းညွှတ်မှု စုံလင်ကွဲပြားသူ LGBTQ အသိုက်အဝန်းက ကာလရှည်ကြာ စောင့်စားခဲ့ရတဲ့ ဥပဒေဟာ ဇန်နဝါရီ ၂၃ ရက်နေ့မှာ စတင် အသက်ဝင်မှာ ဖြစ်ပါတယ်။ ထိုင်းနိုင်ငံရဲ့ မြို့တော် ဘန်ကောက်မှာတော့ LGBTQ စုံတွဲတွေ အစုလိုက် လက်ထပ်မယ့် အခမ်းအနား တစ်ခုကို မြို့တော် အာဏာပိုင်တွေနဲ့ လိင်တူ အခွင့်အရေး လှုပ်ရှားမှုအဖွဲ့ Bangkok Prideတို့က ပူးပေါင်း စီစဉ်ထားပါတယ်။ ဒါ့အပြင် နိုင်ငံအနှံ့က တရားရုံးတွေမှာလည်း လိင်တူချစ်သူတွေ ထိမ်းမြားလက်ထပ်မှု မှတ်ပုံတင်တာတွေ အများအပြား ရှိလာမယ်လို့ ယုံကြည်ရပါတယ်။

ထိုင်းဟာ လိင်တူထိမ်းမြားခွင့်ကို တရားဝင် စတင်ကျင့်သုံးတဲ့ အာရှနိုင်ငံတွေထဲမှာ လူဦးရေ ကိန်းဂဏန်းအရ အကြီးဆုံး နိုင်ငံလည်း ဖြစ်လာပါတယ်။

ထိုင်းဟာ ဥပဒေသစ် မပြဋ္ဌာန်းခင် ကတည်းက LGBTQ အသိုက်အဝန်းရဲ့ လူနေမှုဘဝ၊ လူထုရဲ့ လက်ခံဆက်ဆံမှု အခြေအနေတွေမှာ ကောင်းမွန်တဲ့ ညွှန်ကိန်းတွေ ရှိခဲ့ပြီးသားပါ။ ဇန်နဝါရီ ၂၃ ရက်နေ့မှာတော့ ထိုင်းဟာ အရှေ့တောင်အာရှ ဒေသတွင်းမှာ လိင်တူထိမ်းမြားခွင့်ကို တရားဝင် အသိအမှတ်ပြုတဲ့ ပထမဆုံး နိုင်ငံအနေနဲ့ပါ မှတ်တမ်းဝင်လာခဲ့ပါတယ်။

Public Service Announcement

Public Service Announcement

ထိုင်းရဲ့ ထိမ်းမြားလက်ထပ်မှု ဥပဒေ အပြောင်းအလဲကို မနှစ်က ဇွန်လတုန်းက လွှတ်တော်ရဲ့ သမိုင်းဝင် မဲခွဲဆုံးဖြတ်မှုနဲ့ အတည်ပြုခဲ့ပါတယ်။ ဒါကြောင့် ထိုင်းဟာ ထိုင်ဝမ်နဲ့ နီပေါတို့နောက်ပိုင်း အာရှတိုက်ရဲ့ တတိယမြောက် လိင်တူ ထိမ်းမြားခွင့်ရှိတဲ့ နိုင်ငံအဖြစ် မှတ်တမ်းဝင်လာခဲ့ပါတယ်။ အောက်တိုဘာလမှာတော့ ဥပဒေ အပြောင်းအလဲကို ထိုင်းဘုရင် မဟာ ဗဂျီရာလောင်ကွန်းက အတည်ပြုပေးခဲ့တာကြောင့် ရက်ပေါင်း ၁၂၀ ကြာပြီးချိန်မှာ စတင် အသက်ဝင်ခဲ့တာပါ။

ဥပဒေ အပြောင်းအလဲအရ ထိမ်းမြားလက်ထပ်ရာမှာ အမျိုးသားနဲ့ အမျိုးသမီး၊ ခင်ပွန်းနဲ့ ဇနီးသာ ဖြစ်ရမယ်ဆိုတဲ့ သတ်မှတ်ချက်တွေကို ပယ်ဖျက်ပေးခဲ့ပါတယ်။ နောက်ပြီး လိင်တူ ဇနီးမောင်နှံတွေအတွက် ကလေးမွေးစားခွင့်နဲ့ အမွေဆက်ခံဖို့ ဆုံးဖြတ်ပိုင်ခွင့်တွေကိုပါ ဥပဒေက လက်ခံပေးခဲ့ပါတယ်။

၂၀၀၁ ခုနှစ်တုန်းက နယ်သာလန်ဟာ လိင်တူ ထိမ်းမြားလက်ထပ်မှုကို ခွင့်ပြုတဲ့ ပထမဆုံး နိုင်ငံ ဖြစ်လာခဲ့ပြီး လက်ရှိ ကာလမှာတော့ အလားတူ လက်ခံထားတဲ့ နိုင်ငံပေါင်း ၃၀ ကျော် ရှိနေပြီ ဖြစ်ပါတယ်။

ကိုးကား: Bangkok Post

ဆက်စပ်သတင်းများ

သတင်း

ထိုင်းနိုင်ငံဘက်သို့ ဝင်ရောက်ရန် နယ်စပ်အနီး သုသာန်တစ်ခုတွင် ပွဲစား၏အစီအစဥ်အတိုင်း ပုန်းအောင်းနေသည့် လူငယ်များကို စစ်ကောင်စီတပ်က သေနတ်ဖြင့် ပစ်ခတ်ဖမ်းဆီးရာ တစ်ဦးသေဆုံးပြီး ခြောက်ဦးဒဏ်ရာရခဲ့သည်။

သတင်း

ထိုင်း - မြန်မာနယ်စပ် မြန်မာဘက်ခြမ်း မြဝတီဒေသဆီ လျှပ်စစ်မီးဖြန့်ဖြူးတာကို ထိုင်းဘက်က ဒီနေ့မှာ စတင်ဖြတ်တောက်လိုက်ပြီးနောက် မြဝတီမြို့ကဒေသခံတွေဟာ စက်သုံးဆီကြိုတင်ဝယ်ယူစုဆောင်းတာတွေ လုပ်ဆောင်နေကြပါတယ်။

သတင်း

ထိုင်းနိုင်ငံက မြဝတီမြို့သို့ ပေးပို့နေသည့် လျှပ်စစ်မီးဖြတ်တောက်လိုက်သဖြင့် မြို့ရှိ ပြည်သူ့ဆေးရုံနှင့် အောက်ဆီဂျင်စက်ရုံလည်ပတ်မှုရပ်ဆိုင်းပြီး လုပ်ငန်းလည်ပတ်မှု စတင်ထိခိုက်နေသည်ဟု အဆိုပါမြို့ဒေသခံများက လူထုနွေဦးသို့ ပြောသည်။

သတင်း

ထိုင်းရောက်မြန်မာလုပ်သားတွေအပေါ် ဖိနှိပ်ငွေညှစ်ပြီး ဝင်ငွေအများဆုံးရှာပေးနိုင်တဲ့ ထိုင်းနိုင်ငံဆိုင်ရာ မြန်မာသံအမတ်ကြီး ဦးချစ်ဆွေကို စစ်ကောင်စီက အလုပ်သမားဝန်ကြီးအဖြစ် ခန့်အပ်လိုက်လို့မြန်မာလုပ်သားတွေ ဖိနှိပ်မှု ပိုမိုခံစားရမယ်လို့ ထိုင်းရောက်မြန်မာလုပ်သားအရေးကူညိပေးနေသူတွေက သတိပေးပြောကြားပါတယ်။