Connect with us

Hi, what are you looking for?

နိုင်ငံတကာ

တစ်နိုင်ငံလုံး မီးပြတ်တာ မျောက်တစ်ကောင်ကြောင့်လို့ သီရိလင်္ကာ စွမ်းအင်ဝန်ကြီးပြော

တစ်နိုင်ငံလုံး ဓာတ်အားပြတ်တောက်မှု ဖြစ်ပွားခဲ့တာဟာ မျောက်တစ်ကောင်ကြောင့်လို့ သီရိလင်္ကာ အစိုးရ ဝန်ကြီးတစ်ဦးက ပြစ်တင် ပြောကြားသွားခဲ့ပါတယ်။

People’s Spring

တစ်နိုင်ငံလုံး ဓာတ်အားပြတ်တောက်မှု ဖြစ်ပွားခဲ့တာဟာ မျောက်တစ်ကောင်ကြောင့်လို့ သီရိလင်္ကာ အစိုးရ ဝန်ကြီးတစ်ဦးက ပြစ်တင် ပြောကြားသွားခဲ့ပါတယ်။

ဖေဖော်ဝါရီ ၉ ရက်နေ့တုန်းက အာရှတောင်ပိုင်း ကျွန်းနိုင်ငံ တစ်ခုလုံးမှာ ဆေးရုံတွေ အပါအဝင် နေရာတိုင်း ဓာတ်အား ပြတ်တောက်မှုတွေ ဖြစ်ပေါ်ခဲ့ပါတယ်။ ဒါကြောင့် ဆေးရုံတွေမှာ မီးစက်တွေကို အရေးပေါ် အသုံးပြုခဲ့ရ ပါတယ်။

၁၃ နာရီလောက် ကြာမြင့်ပြီးတဲ့ နောက်မှာတော့ ဓာတ်အားပို့လွှတ်မှုတွေကို တဖြည်းဖြည်းချင်း ပြန်စတင်နေပြီး ကျန်းမာရေး စောင့်ရှောက်မှု အဆောက် အအုံတွေကို ဦးစားပေး အဆင့်အဖြစ် ဓာတ်အား ထောက်ပံ့ထားတယ်လို့ တာဝန်ရှိသူတွေက ပြောပါတယ်။

Public Service Announcement

Public Service Announcement

စွမ်းအင် ဝန်ကြီး ကူမာရာ ဂျာယာကိုဒီကတော့ တစ်နိုင်ငံလုံး မီးပြတ်ခဲ့တာဟာ မျောက်တစ်ကောင်ကြောင့် ဖြစ်တယ်လို့ စွပ်စွဲခဲ့ပါတယ်။

အဲဒီမျောက်ဟာ ဓာတ်အား ဖြန့်ဖြူးရေးအတွက် အထူးအရေးကြီးတဲ့ ပင်မ ထရန်စဖော်မာ တစ်ခုနဲ့ ထိတွေ့မိရာက စနစ်မှာ မငြိမ်မသက် ဖြစ်စေတဲ့ ချွတ်ယွင်းမှုတွေ ပေါ်ပေါက်သွားစေခဲ့ကြောင်း သူက ဆိုပါတယ်။

အဲဒီမျောက် ဘာဖြစ်သွားခဲ့သလဲ ဆိုတာကိုတော့ ဝန်ကြီးက မပြောပါဘူး။

ဓာတ်အား ဖြန့်ဝေမှုကို အဓိက တာဝန်ယူထားတဲ့ ဘုတ်အဖွဲ့ကတော့ ကိုလံဘိုမြို့တော်မှာ ရှိနေတဲ့ ဓာတ်အားခွဲရုံ တစ်ခုမှာ အပြစ်ဖြစ်ခဲ့ရာက ပင်မ ဓာတ်အားပေး စနစ်မှာ ပြဿနာတွေ ကြုံခဲ့တာလို့ ကြေညာပေမယ့် အသေးစိတ်ကိုတော့ မထုတ်ပြန်ပါဘူး။

ဓာတ်အား ပြန်ရရေးအတွက် အင်ဂျင်နီယာတွေက အစွမ်းကုန် အပတ်တကုတ် အလုပ်လုပ်နေခဲ့တယ်လို့ ဖေဖော်ဝါရီ ၉ ရက်နေ့ ညပိုင်းမှာ ဝန်ကြီးက ပြောကြားခဲ့ပါတယ်။

နာရီပေါင်း အတော်များများ မီးတွေ ပြတ်နေတဲ့ အချိန်မှာ လူဦးရေ ၂၂ သန်းရှိတဲ့ နိုင်ငံရဲ့ ဆေးရုံတွေ၊ အိမ်တွေနဲ့ အလုပ်ရုံတွေမှာ မီးစက်တွေ၊ အင်ဗာတာတွေကို အသုံးပြုခဲ့ကြရပါတယ်။

သီရိလင်္ကာဟာ ၂၀၂၂ ခုနှစ် စီးပွားရေး အကျပ်အတည်း ကာလတုန်းကလည်း ဆိုးဆိုးရွားရွား ဓာတ်အားပြတ်တောက်မှု အခြေအနေတွေကို ရင်ဆိုင် ဖြတ်သန်းခဲ့ရဖူးပါတယ်။

ကိုးကား – BBC ၊ ဓာတ်ပုံ – reuters

ဆက်စပ်သတင်းများ

နိုင်ငံတကာ

ပင်လယ်ပြင်မှာ ဒုက္ခရောက်နေကြောင်း အကူအညီ တောင်းခံခဲ့တဲ့ အီရန် သင်္ဘောသား ၄၀ ကို ကူညီကယ်ဆယ် ရွှေ့ပြောင်းပေးခဲ့ကြောင်း သီရိလင်္ကာ အစိုးရက အတည်ပြုခဲ့ပါတယ်။

ဆောင်းပါး

အညာမြို့ကြီးဖြစ်တဲ့ မန္တလေးမြို့ဟာ နဂိုကတည်းကမှ ပူလွန်းတဲ့မြို့ပါ။ အခု အယ်လ်နီညိုကြောင့် အပူပေါ် အပူထပ်ဆင့်နေချိန် အာဏာသိမ်းစစ်ကောင်စီရဲ့ လျှပ်စစ်မီး ဖြတ်တောက်မှုကြောင့် ဘူးလေးရာ ဖရုံဆင့်နေပါပြီ။

သတင်း

တစ်နိုင်ငံလုံး အတိုင်းအတာနဲ့ လျှပ်စစ်မီးကို မနက်ဖန် အောက်တိုဘာ ၅ ရက်ကစတင်ပြီး အလှည့်ကျပေးတော့မယ်လို့ စစ်တပ်လက်အောက်ခံ လျှပ်စစ်ဝန်ကြီးဌာနက သတင်းထုတ်ပြန်ပါတယ်။

သတင်း

မန္တလေးမြို့မှာ ဒီကနေ့ အောက်တိုဘာ ၃ရက်ကစပြီး လျှပ်စစ်ဓာတ်အားပေးမှု ထက်ဝက် လျှော့ချလိုက်ပြီး အချိန်ပိုင်းစနစ် ပြန်ဖြစ်သွားကြောင်း လျှပ်စစ်ရုံးတွေရဲ့ ထုတ်ပြန်ချက်အရ သိရပါတယ်။