ဧပြီ – ၂၆ ၊၂၀၂၆
အမေရိကန် သမ္မတ ဒေါ်နယ်ထရမ့် တက်ရောက်တဲ့ အိမ်ဖြူတော် သတင်း ထောက်အသင်းရဲ့ ညစာစားပွဲကျင်းပရာ ဟိုတယ်မှာ ပစ်ခတ်မှု ဖြစ်ပြီး ထရမ့်နဲ့ အမေရိကန် အစိုးရအဖွဲ့ အကြီးပိုင်းတွေကို လုံခြုံရေးတပ်ဖွဲ့က ဘေးကင်းတဲ့နေရာဆီ မြန်မြန်ဆန်ဆန်ပဲ ရွှေ့ပြောင်းပေးခဲ့ပါတယ်။
ရုပ်သံထဲမှာတော့ ညစာစားပွဲမှာရှိနေတဲ့ ထရမ့် နဲ့ သမ္မတကတော် တို့ကို လုံခြုံရေးအဖွဲ့တွေက အကာအကွယ်ပြုပေးကာ ခြံရံပြီး ခေါ်ထုတ်သွားတာတွေ့ရပါတယ်။
ဧပြီလ ၂၅ ရက်ညနေပိုင်းက ဝါရှင်ဒီစီမြို့ တော် ၊ ဝါရှင်တန်ဟီတန် ဟိုတယ်မှာ အိမ်ဖြူတော် သတင်းထောက်အသင်းရဲ့ ညစာစားပွဲ အခမ်းအနားကျင်းပတာဖြစ်ပြီး သမ္မတထရမ့် အပါအဝင် အမေရိကန် အစိုးရ အကြီးပိုင်းတွေ တက်ရောက်ကြပါတယ်။
Public Service Announcement
ညစားစားပွဲကျင်းပနေချိန်အတွင်း ပစ်ခတ်သံတွေ ထွက်ပေါ်လာတာဖြစ်ပြီး ပစ်ခတ်မှုဟာ အခမ်းအနားတက်ရောက်လာသူတွေကို စစ်ဆေးရာနေရာအနီးဝန်းကျင်မှာ ဖြစ်ပွားခဲ့တာပါ။
ပစ်ခတ်သူသေနတ်သမားကို ဖမ်းမိပြီလို့ ထရမ့်က သူရဲ့လူမှုကွန်ရက် Truth မှာ ရေးသားအသိပေးထားပါတယ်။
အခုပစ်ခတ်မှုဖြစ်ပွားတဲ့ ဝါရှင်တန်ဟီတန် ဟိုတယ်မှာ ၁၉၈၁ ခုနှစ် ၊ မတ်လ ၃၀ ရက်က အမေရိကန်သမ္မတ ရော်နယ်ရေဂင် မိန့်ခွန်းပြောပြီး ဟိုတယ်က အထွက်မှာ သေနတ်နဲ့ပစ်ခတ်လုပ်ကြံခံရတဲ့ဖြစ်ရပ်ရှိခဲ့ပါတယ်။
အဲဒီလုပ်ကြံမှုမှာ သမ္မတ ရေဂင် ဒဏ်ရာသာရပြီး အသက်ရှင်လွတ်မြောက်ခဲ့ပါတယ်။
ကိုးကား – NBC
