အနေအထိုင်ဆင်ခြင်ရန် ပြည်သူ့ကာကွယ်ရေးတပ်ဖွဲ့ကသတိပေးထားသည့် ထီးချိုင့်မြို့နယ် တရားသူကြီးဒေါ်မို့မို့အေးကို ကျောက်မဲမြို့သို့ အာဏာသိမ်းစစ်ကောင်စီက ရွှေ့ပြောင်းလိုက်သည်။
ထီးချိုင့်မြို့နယ် မြို့နယ်တရားသူကြီး ဒေါ်မို့မို့အေးကို ရှမ်းပြည်နယ်မြောက်ပိုင်း ကျောက်မဲမြို့ တွဲဖက် မြို့နယ်တရားသူကြီးအဖြစ် စစ်ကောင်စီက ယခုရက်ပိုင်း ရွှေ့ပြောင်းမိန့်ထုတ်ပြန်သည်ဟု တရားရေးအသိုင်းအဝိုင်းက People’s Spring သို့ပြောသည်။
ဒေါ်မို့မို့အေး၏ မူလနေရာတွင်ထီးချိုင့်မြို့ တွဲဖက်မြို့နယ်တရားသူကြီးကို တာဝန်ပေးလိုက်သည်ဟုလည်းစစ်ကိုင်းတိုင်းတရားရေးအသိုင်းအဝိုင်းမှသိ့ရသည်။
ဒေါ်မို့မို့အေးသည် အမှုများကို လာဘ်ငွေများယူ၍ အမိန့်ချခြင်း ၊မတရားသဖြင့် ဖမ်းဆီးခံရသူများကို အမိန့်ချခြင်း၊အမှုသည်များကို ခြိမ်းခြောက် အကြပ်ကိုင်ငွေညှစ်ခြင်း ၊စစ်ကောင်စီ တရားရေးထောက်တိုင်အဖြစ် ယခုထိ တာဝန်ထမ်းဆောင်နေသည်ကို သိရှိထားသည်ဟု ပြည်သူ့ကာကွယ်ရေးတပ်ဖွဲ့များက မကြာသေးမီက ထုတ်ပြန်ခဲ့သည်။ ထို့အပြင် ဒေါ်မို့မို့အေးအနေဖြင့် အကြမ်းဖက်စစ်ကောင်စီ၏ တရားရေးထောက်တိုင်အဖြစ် ဆက်လက်တာဝန်ထမ်းဆောင်နေပါက ပုန်းနေသည့် နေရာအထိ လိုက်ခံ အပြစ်ပေးမည်ဟု Tigyaing Revolution -TRက ဒီဇင်ဘာ ၃ ရက်တွင် သတိပေးခဲ့သည်။
Public Service Announcement
စစ်ကောင်စီ သတင်းပေးနှင့် ဒေါက်တိုင်များကို ပြည်သူ့ကာကွယ်ရေးတပ်ဖွဲ့များက သတိ့ပေးကတည်းကဒေါ်မို့မို့အေးသည် ထီးချိုင့်မြို့၌ မနေဘဲ စစ်ကိုင်းတိုင်း တရားရေးဌာန ဝန်ထမ်းအိမ်ယာတွင် တိမ်းရှောင်နေခဲ့သည်။
