Connect with us

Hi, what are you looking for?

နိုင်ငံတကာ

အီရန်က ကာမီကာဇီ လင်းပိုင်တွေနဲ့ တိုက်ခိုက်နိုင်ကြောင်း ထင်ကြေးတွေကို အမေရိကန် ကာကွယ်ရေးဝန်ကြီး ပယ်ချ

အီရန်က လေ့ကျင့်ပေးထားတဲ့ အသေခံဗုံးခွဲ လင်းပိုင်တွေ အသုံးပြုပြီး အမေရိကန်ကို တိုက်ခိုက်နိုင်ကြောင်း ခန့်မှန်း သတင်းတွေကို အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်က ပယ်ချသွားခဲ့ပါတယ်။

ဓာတ်ပုံ - Getty Images/File

အီရန်က လေ့ကျင့်ပေးထားတဲ့ အသေခံဗုံးခွဲ လင်းပိုင်တွေ အသုံးပြုပြီး အမေရိကန်ကို တိုက်ခိုက်နိုင်ကြောင်း ခန့်မှန်း သတင်းတွေကို အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်က ပယ်ချသွားခဲ့ပါတယ်။

ဒုတိယ ကမ္ဘာစစ် ကာလတုန်းက ရန်သူ့သင်္ဘောတွေပေါ် အသေခံ ထိုးဆင်း ဖောက်ခွဲခဲ့တဲ့ ကာမီကာဇီ တိုက်လေယာဉ်မှူးတွေကို အစွဲပြုပြီး ခေါ်ဝေါ်ထားတဲ့ ကာမီကာဇီ လင်းပိုင်တွေအကြောင်း ခန့်မှန်းမှုတွေအပေါ် ဟက်ဂ်ဆက်သ်က မေလ ၅ ရက်နေ့မှာ တုံ့ပြန်ခဲ့တာ ဖြစ်ပါတယ်။

စစ်ရေး သုတေသီတွေကတော့ လင်းပိုင်တွေကို လက်နက်အဖြစ် အသုံးချမှုဟာ လက်တွေ့နဲ့ အရမ်းကင်းကွာတဲ့ အခြေအနေတော့ မဟုတ်ဘူးလို့ သတိပေးထားပါတယ်။ အဲဒီရေနေ နို့တိုက်သတ္တဝါတွေကို စစ်ရေး ရည်မှန်းချက်တွေအတွက် လေ့ကျင့်ပေးတာမျိုးကို အမေရိကန် အပါအဝင် နိုင်ငံတချို့က လုပ်ဆောင်ခဲ့ကြဖူးပါတယ်။ ဒါပေမဲ့ လင်းပိုင်တွေကို လက်နက်အဖြစ် ပြောင်းလဲ အသုံးချတာမျိုးတော့ ဘယ်တုန်းကမှ အထောက်အထား မတွေ့ခဲ့ရဖူးပါဘူး။

အမေရိကန်မှာ ကာမီကာဇီ လင်းပိုင်တွေ ပိုင်ဆိုင်ထားသလား ဆိုတာကို သူ့အနေနဲ့ အတည်ပြုတာ၊ ငြင်းဆိုတာတွေ ဘာမှ မလုပ်ချင်ကြောင်း၊ ဒါပေမဲ့ အီရန်ဆီမှာတော့ ရှိမနေဘူးဆိုတာ အသေအချာ ပြောနိုင်ကြောင်း ဟက်ဂ်ဆက်သ်က ဆိုပါတယ်။

Public Service Announcement

Public Service Announcement

အီရန် စစ်ဘက် အရာရှိတွေက အမေရိကန် စစ်သင်္ဘောတွေကို တိုက်ခိုက် ဖျက်ဆီးဖို့အတွက် အီရန်ဟာ ဖောက်ခွဲရေးမိုင်းတွေ သယ်ဆောင်သွားတဲ့ လင်းပိုင်တွေကို အသုံးပြုနိုင်ခြေရှိကြောင်း ပြောကြားခဲ့တယ်လို့ ဧပြီ ၃၀ မှာ အမေရိကန်ရဲ့ Wall Street ဂျာနယ်က ဖော်ပြခဲ့ပါတယ်။

အမေရိကန် ရေတပ်ရဲ့ ပြန်ကြားရေး ဌာနကတော့ ဟက်ဂ်ဆက်သ်ကိုယ်တိုင် ပြောဆိုခဲ့တဲ့ စကားကလွဲပြီး နောက်ထပ်သီးခြား မှတ်ချက်ပေးစရာ မရှိကြောင်း ဆိုပါတယ်။

အမေရိကန် ရေတပ်ဟာ ၁၉၅၉ ခုနှစ်ကစလို့ ရေနေ နို့တိုက်သတ္တဝါများ စီမံကိန်းကို အကောင်အထည် ဖော်ခဲ့ပြီး ပုလင်းပုံနှာခေါင်း လင်းပိုင်မျိုးစိတ်တွေ၊ ကယ်လီဖိုးနီးယား ပင်လယ်ဖျံတွေကို ရေမြှုပ်မိုင်းနဲ့ တခြားရေအောက် အန္တရာယ်တွေ ထောက်လှမ်းရှာဖွေရေး၊ ရေအောက် နစ်မြုပ်နေတဲ့ ပစ္စည်းတွေ ရှာဖွေဆယ်ယူရေးအတွက် လေ့ကျင့်ပေးခဲ့ပါတယ်။

ဗီယက်နမ် စစ်ပွဲကာလမှာတော့ ရေတပ်က လေ့ကျင့်ပေးထားတဲ့ လင်းပိုင်တွေဟာ စစ်စခန်းတွေနား ရေငုပ်ချဉ်းကပ်လာတဲ့ ရန်သူတွေကို ထောက်လှမ်းဖော်ထုတ်ပေးနိုင်ခဲ့ဖူးကြောင်း သိရပါတယ်။ ဒါ့အပြင် အီရန်စစ်ပွဲကာလ ၂၀၀၃ ခုနှစ်တုန်းက အွမ်ကာဆာ ဆိပ်ကမ်းတဝိုက်က ရေမြှုပ်မိုင်းတွေကို ရှာဖွေ ရှင်းလင်းမှုမှာ လေ့ကျင့်ပေးထားတဲ့ ရေနေ နို့တိုက်သတ္တဝါတွေဟာ အရေးပါတဲ့ အခန်းကဏ္ဍကနေ ကူညီခဲ့ဖူးကြောင်း ရေတပ်ရဲ့ မှတ်တမ်းတွေမှာ ပါရှိခဲ့ပါတယ်။

ကိုးကား: CNBC

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook