ပြည်သူကို ရန်သူလို့ရှုမြင်နေတဲ့ စစ်ကောင်စီကို ပြည်သူကလည်း ရန်သူလို ပြန်သဘောထားရမယ်လို့ KNU နိုင်ငံခြားရေးတာဝန်ခံ ဖဒိုစောတာနီးက ပြောလိုက်ပါတယ်။
စစ်ကိုင်းတိုင်းနဲ့မကွေးတိုင်းတွေမှာ စစ်ကောင်စီတပ်တွေ ရွာလုံးကျွတ်မီးရှို့ပြီး ထိုးစစ်ဆင်တဲ့လုပ်ရပ်နဲ့ပတ်သက်ပြီး ဖဒိုစောတာနီးက ပြောလိုက်တာပါ။
ရွာသူရွာသားတွေအနေနဲ့ တော်လှန်ရေးအဖွဲ့အစည်းတွေကို အကူအညီမပေးရဲအောင် ၊မထောက်ခံရဲအောင် နဲ့အကြောက်တရားဝင်သွားအောင် စစ်ကောင်စီဟာ ရွာလုံးကျွတ်မီးရှို့တာကိုလုပ်ပြနေတာလို့ပြောပါတယ်။
ဒီလိုမီးတင်ရှို့လိုက်လို့ ဒေသခံလူထုရပ်တည်လို့မရရင် တော်လှန်နေတဲ့ PDF တွေလည်း ရပ်တည်လို့ ရတော့မှာမဟုတ်ကြောင်း စစ်ကောင်စီကတွက်ဆထားတယ်လို့ ဖဒိုစောတာနီးက ဆိုပါတယ်။
Public Service Announcement
” သူတွက်တာကတော့ ရွာသားတွေရပ်တည်လို့မရဘူးဆိုရင် သူ့ကိုတော်လှန်တိုက်ခိုက်နေတဲ့ PDF တွေရပ်တည်လို့မရဘူးဆိုတာ သူကအဲ့လိုကလေးအတွေးပဲတွေ့တာလေ” လို့ ဖဒိုစောတာနီးက ပြောပါတယ်။
ဒီလိုလုပ်ရပ်တွေကို စစ်တပ်ဟာ လွန်ခဲ့တဲ့ နှစ် ၇၀ လောက်ကတည်းက လုပ်လာပေမယ့် ခုထက်ထိ မအောင်မြင်ဘူးလို့ ဖဒိုစောတာနီးက ထောက်ပြပါတယ်။
ဒါပေမယ့် စစ်တပ်ဟာ အခုအချိန်ထိ သင်ခန်းစာ မယူတတ်သေးတာကြောင့် စစ်တပ်ကို အပြုတ်တိုက်ဖို့ ပဲ ရှိတော့တယ်လို့ ဖဒိုစောတာနီးကပြောပါတယ်။
ဒါကြောင့် လူထုအနေနဲ့လည်း တော်လှန်ရေးသမားတွေဖြစ်ကြတယ်လို့ ကိုယ့်ကိုယ်ကို ရှုမြင်ပြီး စစ်ကောင်စီကိုတော်လှန်ကြဖို့ကိုလည်း တိုက်တွန်းသွားပါတယ်။
