Connect with us

Hi, what are you looking for?

နိုင်ငံတကာ

အီရန်ပိုင်နက်ထဲထိ တိုက်ခိုက်မှုတွေ လုပ်ဆောင်နိုင်ခြေကို အမေရိကန် ယတိပြတ် ငြင်းဆိုမှုမရှိ

အီရန်ရဲ့ မဟာမိတ် အင်အားစုတွေကို ပစ်မှတ်ထားတဲ့ အဲဒီ တိုက်ခိုက်မှုတွေမှာ အရပ်သား တချို့ အပါအဝင် ၂၀ ထက်မနည်း သေဆုံးခဲ့ပြီး သက်ဆိုင်ရာ နိုင်ငံနှစ်ခုရဲ့ အစိုးရတွေက အမေရိကန်ဟာ အချုပ်အခြာအာဏာ ပိုင်ဆိုင်မှုကို ထိပါးချိုးဖောက်ရာ ရောက်ခဲ့တယ်လို့ စွပ်စွဲထားကြပါတယ်။

အီရန်ပိုင်နက်ထဲထိ တိုက်ခိုက်မှုတွေ လုပ်ဆောင်နိုင်ခြေကို အမေရိကန် ယတိပြတ် ငြင်းဆိုမှုမရှိ
အီရန်ပိုင်နက်ထဲထိ တိုက်ခိုက်မှုတွေ လုပ်ဆောင်နိုင်ခြေကို အမေရိကန် ယတိပြတ် ငြင်းဆိုမှုမရှိ

အီရန်နိုင်ငံ ပိုင်နက်ထဲထိ အမေရိကန်ရဲ့ တိုက်ခိုက်မှုတွေ လုပ်လာနိုင်သလားဆိုတဲ့ မေးခွန်းကို အမေရိကန် အစိုးရရဲ့ ထိပ်တန်း အရာရှိ တစ်ဦးက အတိအလင်း ငြင်းဆိုမှု မရှိဘဲ မတင်မကျသာ ဖြေကြားခဲ့ပါတယ်။

သမ္မတ ဂျိုးဘိုင်ဒန်ရဲ့ အမျိုးသား လုံခြုံရေး အကြံပေး အရာရှိ ဂျိတ်ခ် ဆူလီဗန်က အီရတ်နဲ့ ဆီးရီးယား နိုင်ငံတွေထဲက အီရန် မဟာမိတ် ပြောက်ကျား အင်အားစုတွေကို ပြီးခဲ့တဲ့ သီတင်းပတ်ကုန်မှာ အမေရိကန်က လေကြောင်းတိုက်ခိုက်မှုတွေ လုပ်ဆောင်ခဲ့တာမျိုး အီရန် ပိုင်နက်ထဲမှာပါ ဖြစ်မလာဘူးလို့ အာမမခံနိုင်ကြောင်း အရိပ်အမြွက် မှတ်ချက် ပေးသွားပါတယ်။

NBCနဲ့ အင်တာဗျူးမှာ အီရန်နိုင်ငံ ပိုင်နက်ထဲထိ အမေရိကန်ရဲ့ စစ်ဆင်ရေးတွေ လုပ်ဆောင်လာနိုင်သလားဆိုတဲ့ မေးခွန်းအပေါ် ဆူလီဗန်က သတင်းဌာန တစ်ခုနဲ့ ဆွေးနွေးတဲ့ အချိန်မှာ စစ်ရေးအရ ဖြစ်နိုင်ခြေတွေကို ထည့်မပြောလိုကြောင်း၊ ဒါပေမဲ့ သေချာတာ တစ်ခုကတော့ အမေရိကန် ပြည်သူတွေအပေါ် ရန်လို တိုက်ခိုက်တဲ့ လုပ်ရပ်တိုင်းကို ပြင်းပြင်းထန်ထန် လက်တုံ့ပြန်ဖို့ စိတ်ပိုင်းဖြတ်ထားကြောင်း၊ တစ်ဖက်မှာလည်း ပဋိပက္ခတွေ ပိုမို ကျယ်ပြန့်မလာစေဖို့ သမ္မတက ဆန္ဒရှိကြောင်း တိုက်ရိုက် မဟုတ်ဘဲ ရှောင်လွှဲ ဖြေဆိုခဲ့ပါတယ်။

အင်တာဗျူးသူက ဒါဆိုရင် အမေရိကန်ဟာ အီရန်ပိုင်နက်ထဲမှာ စစ်ဆင်ရေးတွေ လုပ်ဆောင်နိုင်ခြေကို မငြင်းဆန်ဘူးလားလို့ ထပ်မေးတဲ့အခါ ဆူလီဗန်က သူဟာ ပထမ အဖြေကိုပဲ ပြန်ဖြေမှာ ဖြစ်ကြောင်း၊ အမေရိကန်ဟာ ရွေးချယ်စရာ မှန်သမျှကို စဉ်းစားနေပြီး အတိအကျကိုတော့ ဘာမှ မပြောလိုသေးကြောင်း တုံ့ပြန်ခဲ့ပါတယ်။

Public Service Announcement

Public Service Announcement

ဇန်နဝါရီ လကုန်ပိုင်းက ဆီးရီးယား နိုင်ငံနဲ့ နယ်စပ်နားက ဂျော်ဒန်နိုင်ငံ ပိုင်နက်ထဲမှာ အမေရိကန် စစ်စခန်းတစ်ခုကို ဒရုန်းနဲ့ တိုက်ခိုက်ခံရတာကြောင့် အမေရိကန် တပ်ဖွဲ့ဝင် ၃ ဦး သေဆုံးခဲ့ပါတယ်။ အဲဒီလုပ်ရပ်ကို အီရန်က ထောက်ပံ့ပေးထားတဲ့ စစ်သွေးကြွ အဖွဲ့တွေက ကျူးလွန်တယ်လို့ အမေရိကန်က စွပ်စွဲပြီး ပြီးခဲ့တဲ့ သီတင်းပတ်ကုန်က အီရတ်နဲ့ ဆီးရီးယား ပိုင်နက်ထဲမှာ လေကြောင်း တိုက်ခိုက်မှုတွေ လုပ်ဆောင်ခဲ့တာပါ။

အီရန်ရဲ့ မဟာမိတ် အင်အားစုတွေကို ပစ်မှတ်ထားတဲ့ အဲဒီ တိုက်ခိုက်မှုတွေမှာ အရပ်သား တချို့ အပါအဝင် ၂၀ ထက်မနည်း သေဆုံးခဲ့ပြီး သက်ဆိုင်ရာ နိုင်ငံနှစ်ခုရဲ့ အစိုးရတွေက အမေရိကန်ဟာ အချုပ်အခြာအာဏာ ပိုင်ဆိုင်မှုကို ထိပါးချိုးဖောက်ရာ ရောက်ခဲ့တယ်လို့ စွပ်စွဲထားကြပါတယ်။

ကိုးကား: NBC

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook