Connect with us

Hi, what are you looking for?

နိုင်ငံတကာ

ကမ္ဘာ့တတိယ စီးပွားရေးအင်အား အတောင့်တင်းဆုံး နိုင်ငံဆိုတဲ့ ဂုဏ်ပုဒ်ကို စွန့်လွှတ်လိုက်ရတဲ့ ဂျပန်

အမေရိကန်ရဲ့ GPDက ဒေါ်လာ ၂၅.၅ ထရီလီယံ ဝန်းကျင်နဲ့ တရုတ်ကတော့ ၁၈ ထရီလီယံ ဝန်းကျင်လောက်စီ အသီးသီး ရှိကြမယ်လို့လည်း စျေးကွက် လေ့လာသူတွေက ခန့်မှန်းထားကြပါတယ်။

ကမ္ဘာ့တတိယ စီးပွားရေးအင်အား အတောင့်တင်းဆုံး နိုင်ငံဆိုတဲ့ ဂုဏ်ပုဒ်ကို စွန့်လွှတ်လိုက်ရတဲ့ ဂျပန်
ကမ္ဘာ့တတိယ စီးပွားရေးအင်အား အတောင့်တင်းဆုံး နိုင်ငံဆိုတဲ့ ဂုဏ်ပုဒ်ကို စွန့်လွှတ်လိုက်ရတဲ့ ဂျပန်

ကမ္ဘာပေါ်မှာ စီးပွားရေးအင်အား တတိယ အတောင့်တင်းဆုံး နိုင်ငံအဖြစ် ရပ်တည်နေတဲ့ ဂုဏ်ပုဒ်ကို ဂျပန်က စွန့်လွှတ်လိုက်ရပြီ ဖြစ်ပါတယ်။

ပြည်တွင်း ငွေကြေးသုံးစွဲမှု လျော့ပါးလာခြင်းက ဂျပန်ကို စီးပွားရေး ကျဆင်းမှုတွေဆီ ဦးတည်စေခဲ့ပြီး အခုအခါ ကမ္ဘာ့ တတိယ စီးပွားရေးအင်အား အကြီးဆုံး နိုင်ငံအဖြစ် ရပ်တည်နေမှုကို ဂျာမနီဆီ လွှဲပြောင်းပေးခဲ့ရပါတယ်။

ဂျပန်ရဲ့ GDPဟာ ပြီးခဲ့တဲ့ ၃ လအတွင်း အရင်နှစ် အလားတူ ကာလတွေနဲ့ယှဉ်ရင် ၀.၄ ရာခိုင်နှုန်း ကျရိပ်ပြခဲ့တယ်လို့ အစိုးရရုံး ထုတ်ပြန်ချက်မှာ ပါရှိပါတယ်။ အဲဒီ မတိုင်ခင် သုံးလပတ်မှာ နှစ်အလိုက် နှိုင်းယှဉ်မှု GDPက ၃.၃ ရာခိုင်နှုန်း ကျဆင်းခဲ့ပါတယ်။

ခြောက်လဆက်တိုက် GDP အနုတ်လက္ခဏာ ပြနေခြင်းက ဂျပန်ရဲ့ စီးပွားရေးဟာ တိုးပွားမလာဘဲ ပိုကျုံ့လာနေတယ်ဆိုတဲ့ အဓိပ္ပါယ်လည်း ဖြစ်ပါတယ်။ အစောပိုင်းတုန်းက စီးပွားရေး ပညာရှင်တွေက ဂျပန်ရဲ့ GDPဟာ အောက်တိုဘာကနေ ဒီဇင်ဘာထိ သုံးလအတွင်း ၁.၄ ရာခိုင်နှုန်းလောက်ထိ တက်ရိပ်ပြမယ်လို့ ခန့်မှန်းခဲ့ပေမယ့် လက်တွေ့နဲ့ အကြီးအကျယ် ကွဲလွဲခဲ့ပါတယ်။

Public Service Announcement

Public Service Announcement

တချိန်တည်းမှာပဲ ပြည်တွင်း စားသုံးသူတွေရဲ့ သုံးစွဲမှုနှုန်းဟာ မနှစ်က နောက်ဆုံး သုံးလပတ် ကာလမှာ ၀.၉ ရာခိုင်နှုန်း ကျဆင်းသွားပြန်ပါတယ်။ စားသုံးသူတွေဖက်က ကြည့်ရင်လည်း စားနပ်ရိက္ခာ၊ လောင်စာနဲ့ လူသုံးကုန်တွေ စျေးနှုန်း မြင့်တက်မှုကို အတော်လေး ကျပ်ကျပ်တည်းတည်း ရင်ဆိုင်နေရတယ်လို့ ဆိုပါတယ်။

ဂျပန်ဟာ ပြည်တွင်း စွမ်းအင်လိုအပ်ချက်ရဲ့ ၉၄ ရာခိုင်နှုန်းနဲ့ ရိက္ခာ လိုအပ်ချက်ရဲ့ ၆၃ ရာခိုင်နှုန်းကို ပြည်ပကနေ တင်သွင်းနေရတာ ဖြစ်ပါတယ်။ ယန်းငွေ တန်ဖိုး ကျဆင်းလာမှုကလည်း ကုန်စျေးနှုန်းတွေကို ပိုမို မြင့်တက်လာစေတယ်လို့ ဆိုပါတယ်။

ဂျပန်မှာ နှစ်ဆန်းပိုင်းတုန်းက ငလျင်ကြီး လှုပ်ခတ်ခဲ့ပြီး ထိခိုက်ပျက်စီးမှုတွေ ကြီးကြီးမားမား ဖြစ်ပေါ်စေခဲ့တဲ့ အခြေအနေတွေကလည်း နိုင်ငံစီးပွားရေးအပေါ် သက်ရောက်မှုတွေ ရှိခဲ့ပါတယ်။

ဂျပန်ဟာ ၂၀၁၀ ပြည့်နှစ်ထိ အမေရိကန်ပြီးရင် ကမ္ဘာပေါ်မှာ ဒုတိယ စီးပွားရေးအင်အား အတောင့်တင်းဆုံး နိုင်ငံအဖြစ် ရပ်တည်ခဲ့ပေမယ့် အဲဒီဂုဏ်ပုဒ်ကို တရုတ်ဆီ လွှဲပေးလိုက်ရပါတယ်။ ၁၄ နှစ် အကြာမှာတော့ ဂျာမနီကပါ ဂျပန်ရဲ့ တတိယ နေရာကို ထပ်မံ သိမ်းပိုက်သွားတဲ့ သဘောပါပဲ။ ဂျပန်ရဲ့ GDPဟာ ဒေါ်လာ ၄.၂ ထရီလီယံထိ ရှိခဲ့ပြီး ငွေလဲနှုန်းအပေါ် မူတည်ပြီး ဂျာမနီရဲ့ GDPကတော့ ဒေါ်လာ ၄.၄ ထရီလီယံနဲ့ ၄.၅ ထရီလီယံကြားထိ ရှိခဲ့တယ်လို့ သိရပါတယ်။

အမေရိကန်ရဲ့ GPDက ဒေါ်လာ ၂၅.၅ ထရီလီယံ ဝန်းကျင်နဲ့ တရုတ်ကတော့ ၁၈ ထရီလီယံ ဝန်းကျင်လောက်စီ အသီးသီး ရှိကြမယ်လို့လည်း စျေးကွက် လေ့လာသူတွေက ခန့်မှန်းထားကြပါတယ်။

Ref: CNN

ဆက်စပ်သတင်းများ

နိုင်ငံတကာ

ပြည်တွင်းမှာ ဒုံးကျည်တွေ ပူးပေါင်းတည်ဆောက် ထုတ်လုပ်သွားဖို့ အမေရိကန်နဲ့ ဂျပန်တို့ကြား သဘောတူညီမှု ရရှိခဲ့ကြောင်း ဂျပန် ကာကွယ်ရေး ဝန်ကြီးက အတည်ပြုခဲ့ပါတယ်။

နိုင်ငံတကာ

လူသတ်မှု သံသယနဲ့ စစ်ဆေးခံနေရတဲ့ အမေရိကန် မရိန်းတပ်သား တစ်ဦးကို ဂျပန် အစိုးရ ရှေ့နေတွေက တရားဝင် စွဲချက်တင်လိုက်ပြီ ဖြစ်ပါတယ်။

နိုင်ငံတကာ

ဂျပန်နိုင်ငံ၊ နာဂိုယာ မြို့တော်မှာ ကျင်းပနေတဲ့ အာရှ မသန်စွမ်း အားကစား ပြိုင်ပွဲမှာ တစ်ပတ်အတွင်း နိုင်ငံတော်သီချင်း မှားဖွင့်မှုတွေ သုံးကြိမ်ထိ ဖြစ်ပွားခဲ့လို့ မြို့တော်ဝန် ကိုယ်တိုင် တောင်းပန်ခဲ့ရပါတယ်။

သတင်း

မြန်မာနိုင်ငံသား ယာဉ်မောင်းတစ်ဦးဟာ ဂျပန်ရဲ့ အများပြည်သူ သယ်ယူပို့ဆောင်ရေး လုပ်ငန်းတစ်ခုမှာ မှတ်တမ်းသစ် တစ်ခုကို ရေးထိုးနိုင်ခဲ့ပါတယ်။

Facebook