Connect with us

Hi, what are you looking for?

နိုင်ငံတကာ

ဟားမားစ် ခေါင်းဆောင် လုပ်ကြံခံရမှုမှာ အမေရိကန်နဲ့ ဆက်နွှယ်ပတ်သက်မှု လုံးဝမရှိကြောင်း နိုင်ငံခြားရေး ဝန်ကြီးပြော

ဟားမားစ်ခေါင်းဆောင် လုပ်ကြံခံရတဲ့ ကိစ္စမှာ အမေရိကန် လုံးဝ မပတ်သက်သလို ကြိုတင် သိထားတာလည်း မရှိခဲ့ကြောင်း အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်က ပြောကြားသွားခဲ့ပါတယ်။

ဟားမားစ်ခေါင်းဆောင် လုပ်ကြံခံရတဲ့ ကိစ္စမှာ အမေရိကန် လုံးဝ မပတ်သက်သလို ကြိုတင် သိထားတာလည်း မရှိခဲ့ကြောင်း အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်က ပြောကြားသွားခဲ့ပါတယ်။

ဂါဇာအခြေစိုက် ပါလက်စတိုင်း ပြောက်ကျားအဖွဲ့ ဟားမားစ်ရဲ့ (စစ်ရေးမဟုတ်တဲ့) နိုင်ငံရေး ခေါင်းဆောင် အစ္စမေးလ် ဟာနီယာဟာ အီရန်နိုင်ငံ၊ တဟီရန်မြို့က နေအိမ်မှာ ရန်သူ့ လေကြောင်းတိုက်ခိုက်မှု တစ်ခုနဲ့ လုပ်ကြံခံရလို့ သေဆုံးသွားကြောင်း အစ္စရေး အစိုးရနဲ့ ဟားမားစ်တို့က အသီးသီး ကြေညာခဲ့ပါတယ်။

ဇူလိုင် ၃၁ ရက်နေ့ တိုက်ခိုက်မှုဟာ အစ္စရေးရဲ့ လက်ချက်လို့ အီရန်ရော၊ အီရန်က ကျောထောက်နောက်ခံ ပေးထားတဲ့ ဟားမားစ်တွေကပါ အတိအလင်း စွပ်စွဲခဲ့ပေမယ့် အစ္စရေးကတော့ ဘာမှတ်ချက်မှ မပေးသေးပါဘူး။

ဟာနီယာဟာ ဂါဇာမှာ အပစ်အခတ် ရပ်စဲရေးကိစ္စ ဆွေးနွေးမှုတွေအတွက် အဓိက ဦးဆောင် ပါဝင်နေသူ တစ်ဦးပါ။ သူလုပ်ကြံခံရတဲ့ အခြေအနေ အသေးစိတ်ကို မသိရသေးသလို သတင်းတွေကလည်း ရှုပ်ထွေးနေပါတယ်။

Public Service Announcement

Public Service Announcement

ဘလင်ကန်ကတော့ အခုကိစ္စမှာ အမေရိကန်ရဲ့ ဆက်နွှယ်မှု လုံးဝ မရှိကြောင်း ပြောကြားခဲ့ပြီး နောက်ဆက်တွဲ သက်ရောက်မှုတွေက မှန်းဆရ အရမ်းခက်ခဲသွားနိုင်တယ်လို့ ဆိုပါတယ်။ ဒါပေမဲ့လည်း ကိုးလလောက် ကြာမြင့်လာပြီဖြစ်တဲ့ ဂါဇာစစ်ပွဲ ရပ်တန့်နိုင်ရေး ဆွေးနွေးမှုတွေကိုတော့ ဆက်လက် တွန်းအားပေးသွားဖို့ လိုတယ်လို့ သူက ထောက်ပြခဲ့ပါတယ်။

အီရန် အစိုးရ ခေါင်းဆောင် အဓိပတိကြီး အလီ ခါမေနီက ဟာနီယာအတွက် လက်စားချေမှာ ဖြစ်သလို အပြစ်ရှိသူတွေဟာ ပြင်းပြင်းထန်ထန် ပြစ်ဒဏ်ခတ်ခြင်း ခံရမယ်လို့ ကြုံးဝါးထားပါတယ်။ ဟားမားစ်ခေါင်းဆောင် သေဆုံးခြင်းအတွက် ပြည်တွင်းမှာ ဝမ်းနည်းကြေကွဲမှု ကာလကို ၃ ရက်ကြာ သတ်မှတ်ထားဖို့လည်း အီရန် အစိုးရက ထုတ်ပြန် ညွှန်ကြားထားခဲ့ပါတယ်။

ကိုးကား: Reuters⁩

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook