Connect with us

Hi, what are you looking for?

LuduNwayOo

News

အင်အား ၅၀ခန့်ပါသည့် စစ်​ကောင်စီကားသုံးစီးအားတိုက်ခိုက်ရာ ကိုးဦး​သေဆုံးပြီးအများအပြားဒဏ်ရာရဟု က​လေး PDF ထုတ်ပြန်

ဂန့်​ဂေါမှ က​​လေးမြို့သို့​မောင်းနှင်လာ​သော စစ်​ကောင်စီတပ်၏ အင်အား ၅၀ခန့်ပါရှိသည့် ကားသုံးစီးအား တိုက်ခိုက်ရာ စစ်​ကောင်စီတပ်သားအမည်းဆုံး ကိုးဦး​သေဆုံးပြီး အများအပြားဒဏ်ရာရရှိခဲ့​ကြောင်း People’s Defence Force (Kalay)က သတင်းထုတ်ပြန်သည်။

“ယနေ့ ဇွန်လ ၂၇ရက် နေ့လည် ၁ နာရီဝန်းကျင်အချိန်ခန့်တွင် ဂန့်ဂေါဘက်မှ ကလေးမြို့ဘက်သို့မောင်းနှင်လာသော ကားအစီးရေ ၃ စီးပါသော ခန့်မှန်းအင်အား ၅၀ခန့်ပါရှိသည့် အကြမ်းဖက်စစ်ကောင်စီယာဉ်တန်းအား ခွေကြိမ်ရွာနှင့် သံဖိုရွာအကြားတွင် PDF (Kalay) တပ်ဖွဲ့ဝင်များက ခြုံခိုတိုက်ခိုက်ခဲ့ရာ စစ်ကောင်စီ အဖွဲ့ဝင် အနည်းဆုံး ကိုးဦး သေဆုံး၍ အများအပြားထိခိုက်ဒဏ်ရာရခဲ့ပြီး၊ PDF (Kalay) တပ်ဖွဲ့ဝင်များ ထိခိုက်ကျဆုံးမှု မရှိဘဲ အောင်မြင်စွာ ဆုတ်ခွာနိုင်ခဲ့ပါသည်”ဟု ထုတ်ပြန်ချက်တွင် ​ဖော်ပြထားသည်။

ထို့အပြင် “ယမန်နေ့ ဇွန်လ ၂၆ ရက် နေ့လည် ၁ နာရီဝန်းကျင်အချိန်ခန့်တွင် ဂန့်ဂေါဘက်မှ ကလေးမြို့ဘက်သို့ မောင်းနှင်လာသည့် ကားအစီးရေ ၂၀ကျော် ပါ အကြမ်းဖက်စစ်ကောင်စီ ယာဉ်တန်းအား PDF (Kalay) တပ်ဖွဲ့ဝင်များက နတ်ချောင်း – ချောင်းခွ အကျော် ပန်းမွန်ချောင်းတံတား၏ တောင်ဘက်အနီးဝန်းကျင်တွင် မိုင်းဆွဲတိုက်ခိုက်ခဲ့သည်။ မိုင်းဆွဲတိုက်ခိုက်မှု‌ကြောင့် စစ်ကောင်စီအဖွဲ့ဝင်များ သေဆုံးထိခိုက်မှုရှိနိုင်သော်လည်း အတိအကျမသိရပါ” ဟု ပါရှိသည်။