Connect with us

Hi, what are you looking for?

LuduNwayOo

News

မြန်မြန်​သေပါ​စေ ဆု​တောင်းပြီး နာ​ရေးလုပ်ဆန္ဒပြကြ​သော အာဏာသိမ်း​ခေါင်း​ဆောင်​​မွေး​နေ့

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်း​အောင်လှိုင်၏ ၆၅ နှစ်ပြည့်မွေးနေ့ဖြစ်သည့်ဇူလိုင်လ ၃ ရက်နေ့တွင် နိုင်ငံတစ်ဝန်းတွင် စစ်​ခေါင်း​ဆောင်အမြန်​သေပါ​စေ​ကြောင်းဆု​တောင်းကြသလို ၊နာ​ရေးအခမ်းအနားပုံစံများ ပြုလုပ်ကာ ဆုတောင်းခဲ့ကြသည်။

ရန်ကုန်နှင့် မန္တလေးမြို့ကြီးများအပါအဝင် နေရာဒေသအသီးသီးတွင် စစ်ခေါင်းဆောင်၏ ရုပ်ပုံများအား မီးရှို့ခြင်း၊ အခေါင်းပုံစံများပြုလုပ်ကာ နာရေးချခြင်း၊ နာရေးတွင်ဝေလေ့ရှိသည့် နာရေးယပ်တောင်များ ပြုလုပ်ခြင်း၊ အရှိသည့် သရုပ်ပြဆုတောင်းပွဲများ ပြုလုပ်ခဲ့ကြသည်။

“​မွေး​နေ့မှစ၍ မြန်မြန်​သေပါ​စေ​ကြောင်း ပြည်သူများက ဆုမွန်​ကောင်း​တောင်းပါသည်” ဟု စာတမ်းဖြင့် ရန်ကုန်မှပြည်သူများကလည်း ​အာဏာသိမ်း​ခေါင်း​ဆောင်အတွက်ဆု​တောင်း​ကြသည်။

မန္တလေး နန်းမြို့ကျုံးနံဘေးတွင် စစ်ခေါင်းဆောင်နာရေးအဖြစ် လွမ်းသူ့ပန်းခွေများ ချခဲ့ကြသည်။ သပိတ်စစ်ကြောင်းများတွင်လည်း ကွန်ဒုံးများအား လေမှုတ်သွင်းကာ အာဏာသိမ်းစစ်ခေါင်းဆောင်ပုံများအားကပ်ပြီး ဆန္ဒပြခဲ့ကြသည်။

ညောင်ဦးမြို့ ကျေးရွာတရွာတွင် အာဏာသိမ်းစစ်ခေါင်းဆောင်၏ ​မွေး​နေ့ အသုဘ သဂြိုလ်သပိတ် အာဏာသိမ်းစစ်ခေါင်းဆောင်၏ မွေးနေ့ အသုဘ အခမ်းအနားကို ယနေ့ နေ့လယ်ပိုင်းပြုလုပ်ပြီး မင်း​အောင်လှိုင် လွမ်းသူပန်းခွေဗိုလ်ချုပ်စိုးဝင်း မိသားစု လွမ်းသူပန်းခွေဗိုလ်ချုပ် မြထွန်းဦး လွမ်းသူပန်းခွေတို့ ပြုလုပ် ဆန္ဒပြကြသည်။