Connect with us

Hi, what are you looking for?

LuduNwayOo

News

မင်းကင်းဒေသမှ PDF ၅၇ဦး ဖမ်းဆီးခံရပြီး ​လေးဦးပစ်သတ်ခံရ

ဖမ်းဆီးခံထားရသူများကို ပျူစောထီးအဖွဲ့က စစ်ကောင်စီတပ်ထံ အပ်နှံခဲ့ရာ နယ်မြေအလိုက် PDF ခေါင်းဆောင် ၄ဦး အသတ်ခံရသည်ဟု ကြားရကြောင်း အဆိုပါ မင်းကင်းဒေသခံက ပြောသည်။

မင်းကင်းမြို့နယ် ဒေသခံများဖြင့်ဖွဲ့စည်းထားသည့် ပြည်သူ့ကာကွယ်ရေးတပ်ဖွဲ့ဝင် ၅၇ဦး ဖမ်းဆီးခံရပြီး ယင်းအနက်မှ အနည်းဆုံး ၄ဦး သတ်ဖြတ်ခံရကြောင်း အဆိုပါမြို့ဒေသခံတစ်ဦးက ပြောသည်။

စစ်ကောင်စီတပ်က လက်နက်တပ်ဆင် ဖွဲ့စည်းပေးထားသည့် ပျူစောထီးအဖွဲ့ဝင်အများစုရှိသည့် တောင်ဖြူရွာတွင် ဇူလိုင် ၂၈ရက်က ဖမ်းဆီးခံခဲ့ရခြင်းဖြစ်သည်။

ဖြစ်စဉ်မှာ စစ်ကောင်စီတပ်များ တပ်စွဲနေထိုင်သည့် ပျူစောထီးကျေးရွာတစ်ရွာဖြစ်သော ပန်းဆက်ရွာမှပျူ​စောထီးများကို ဒေသခံ PDFများက ဝင်​ရောက်တိုက်ခိုက်ခဲ့ကြောင်း၊ ပန်းဆက်ရွာသို့ သွားရောက်ကူညီမည့် မောက်ကတော်ဒေသမှ PDFများက ပျူစောထီးရွာတစ်ရွာဖြစ်သော ပန်းဆက်ကျေးရွာအုပ်စုမှ တောင်ဖြူရွာသို့ရောက်ရှိစဉ် အဆိုပါ တောင်ဖြူရွာ ပျူစောထီးအဖွဲ့၏ လှည့်စားမှုကို ခံခဲ့ရခြင်းဖြစ်ကြောင်း မင်းကင်းဒေသခံ ကပြောသည်။

“ စစ်ခွေးတွေရဲ့ မတရားလုပ်တာတွေများလွန်းတော့ မခံမရပ်နိုင်ဖြစ်ပြီးတော့ ပန်းဆက်ရွာကို သွားတိုက်တဲ့ PDFကို ကူမည်ဆိုပြီး သွားကြတာ။ သွားကြတဲ့အခါ အဲဒီ တောင်ဖြူရွာမှာ ရှိနေတဲ့ ပျူစောထီးတွေက PDF အသွင်ယူပြီး ဖိတ်ခေါ်တာ၊ အေးဆေးညှိနှိုင်းပြီး အလုပ်လုပ်ကြရအောင်ပါ ဆိုတာကို ခေါ်တဲ့ဟာကို ယုံကြည်ပြီး တက်သွားတာ” ဟု မင်းကင်းဒေသခံက ပြောသည်။ ထိုသို့ ဝင်ရောက်သွားစဉ် ပျူစောထီးအဖွဲ့၏ အ၀ိုင်းခံရပြီး ၅၇ဦး ဖမ်းဆီးခံရကြောင်း၊ ၁၂ဦး လွတ်မြောက်ခဲ့ကြောင်း ၎င်းက ဆိုသည်။

ထိုသို့ ဖမ်းဆီးခံထားရသူများကို ပျူစောထီးအဖွဲ့က စစ်ကောင်စီတပ်ထံ အပ်နှံခဲ့ရာ နယ်မြေအလိုက် PDF ခေါင်းဆောင် ၄ဦး အသတ်ခံရသည်ဟု ကြားရကြောင်း အဆိုပါ မင်းကင်းဒေသခံက ပြောသည်။

တောင်ဖြူရွာတွင် အပြန်အလှန် ပစ်ခတ်မှုမဖြစ်သော်လည်း ပန်းဆက်ရွာတိုက်ပွဲတွင် စစ်ကောင်စီဘက်က သေဆုံးဒဏ်ရာရမှုများရှိကြောင်း၊ ပန်းဆက်ရွာမှ ပျူစောထီးများကို စစ်ကောင်စီက လက်နက်ထောက်ပံ့ခြင်း၊ ကျေးရွာတစ်၀ိုက်တွင် ပစ်ကျင်းများ တူးထား၍ တုံပြန်ခြင်းများကြောင့် PDF တပ်ဖွဲ့ဝင်များ ပြန်လည်ဆုတ်ခွာခဲ့ ရကြောင်း မင်းကင်းဒေသခံက ပြောသည်။

ပန်းဆက်ရွာမှ ပျူစောထီးများ လက်နက်ရရှိရေးအတွက် မင်းကင်းအမတ်ဟောင်း ဦးမောင်မြင့်က အနောက်မြောက်တိုင်းစစ်ဌာနချုပ်တိုင်းမှူးထံ ဆက်သွက်တောင်းခံခဲ့၍ စစ်ကောင်စီတပ်မှ ရဟတ်ယာဉ်ဖြင့် လာရောက်၍ လက်နက်များထောက်ပံ့ပေးခဲ့သည်ဟု သိရကြောင်း မင်းကင်းဒေသခံက ပြောသည်။

မင်းကင်းဒေသရှိ PDFအဖွဲ့ဝင်များမှာ စစ်အာဏာရှင်၏ မတရားဖိနှိပ်မှုကို မခံချင်၍ ရရာလက်နက် ဆွဲကိုင်ခုခံတော်လှန်နေခြင်းဖြစ်ပြီး အများစုမှာ စနစ်တကျ စစ်သင်တန်းတက်ရောက်ထားသူများမဟုတ်ဟု ဒေသခံ ကပြောသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

KNU သထုံခရိုင် တပ်မဟာ(၁)ဒေသတွင်းရှိ တော်လှန်ရေးတပ် ၂၅ဖွဲ့ပါဝင်ပြီး တပ်ပေါင်းစုအသွင်ဖြင့် ဖွဲ့စည်းထားကြောင်း၊ မိတ်ဖက်များကြားလိုက်နာရမည့် စည်းမျဉ်းစည်းကမ်းများ၊ စီရင်ထုံးများသည်လည်း အထင်အရှားရှိပြီးဖြစ်ကြောင်း မိတ်ဖက်ရေးရာကြီးကြပ်ကွပ်ကဲရေးကော်မတီက ထုတ်ပြန်ထားသည်။

သတင်း

အောက်တိုဘာလ(၅)ရက်တွင် စစ်ကောင်စီတပ်မှ ကားသုံးစီး အင်အားအပြည့်ဖြင့် မုန်းဒေသအတွင်းသို့ ရောက်လာပြီး မုန်းတွင်နေထိုင်သည့် အမျိုးသမီး(၅)ဦးအပါအဝင် ပြည်သူ(၁၅)ဦးထက်မနည်းကို ဝင်ရောက်ဖမ်းဆီးခဲ့သည်ဟု ထုတ်ပြန်ချက်တွင်ဖော်ပြသည်။

သတင်း

မြန်မာနိုင်ငံရှိ ကုလသမဂ္ဂအဖွဲ့အစည်းများ၊ နိုင်ငံတကာအဖွဲ့အစည်းများနှင့် အစိုးရမဟုတ်သော နိုင်ငံတကာ အဖွဲ့အစည်းများသို့ ပန်ကြားချက်တွင် အထက်ပါအတိုင်း ဖော်ပြသည်။

သတင်း

အကြမ်းဖက်စစ်ကောင်စီတပ်သည် ပြည်သူများ၏အိမ်နှင့် စစ်ဘေးရှောင်များနေထိုင်သည့် ဘာသာရေးအဆောက်အအုံ နေရာများကိုပါ မိုင်းထောင်ခြင်းများပြုလုပ်လာသည်ဟု ကိုနွေဦးက ပြောသည်။