စစ်ကိုင်းတိုင်း ကနီမြို့နယ် ခုံကြီးအုပ်စု ပါဟဲရွာတွင် တောင်ကျချောင်းရေကြောင့် အိမ်ထောင်စုများအရေးပေါ်ရွှေ့ပြောင်းထားရကြောင်း ဒေသခံများက ပြောသည်။
သြဂုတ်လ ၆ ရက်ညပိုင်းက မိုးသည်းထန်စွာ ရွာသွန်းမှုကြောင့် ရွာအနီးက မဟူတောင်ချောင်းရေ ကမ်းလုံးပြည့်ကျဆင်းလာခဲ့ပြီး ကမ်းပါးပြိုကျမှုများ ဖြစ်ပေါ်ခဲ့ကြောင်း၊ ကမ်းပါးဘေးနေ လူနေအိမ်(၈)လုံးမှ အိမ်ထောင်စု (၁၀) စုကို အရေးပေါ်ရွှေ့ပြောင်းထားရကြောင်း ဒေသခံများက ပြောသည်။
အဆိုပါ ကျေးရွာအုပ်စုသည် ကုန်းတွင်းပိုင်းဒေသတစ်ခုဖြစ်ပြီး စစ်ဘေးကြောင့် ကုန်ကားများ မထွက်ရသည်မှာ တစ်လ ခန့်ရှိပြီဖြစ်သဖြင့် စားနပ်ရိက္ခာ ပစ္စည်းများ၊ ဆေးဝါးပစ္စည်းများ ပြတ်လပ်လျက်ရှိကာ ကျေးရွာနေ ပြည်သူအများစုမှာ ဖျားနာလျက်ရှိကြောင်း
သိရှိရသည်။
ထို့အပြင် ကနီမြို့နယ်တွင်း ကုန်းတွင်းပိုင်းဒေသကျေးရွာ အုပ်စု (၂၅)စုမှ ဒေသခံပြည်သူများမှာ စားနပ်ရိက္ခာ၊ ဆေးဝါးပစ္စည်းများပြတ်လပ်လျက် ရှိကြောင်းသိရသည်။
Public Service Announcement
