မကွေးတိုင်း၊ အောင်လံမြို့နယ်တွင် PDF စခန်းငယ်တစ်ခုဝင်စီးခံရပြီး နည်းပညာတက္ကသိုလ်ကျောင်းသားတစ်ဦးကျဆုံးကာ နှစ်ဦးအဖမ်းခံခဲ့ရကြောင်း ဒေသခံများက ပြောသည်။
နိုဝင်ဘာလ ၁၉ ရက်နေ့ညပိုင်းက ဝင်ရောက်စီးနင်းခံခဲ့ရခြင်းဖြစ်ပြီး ကျဆုံးသူမှာ အသက် ၁၈ နှစ်အရွယ် မကွေးနည်းပညာတက္ကသိုလ်ကျောင်းသားသမဂ္ဂအဖွဲ့ဝင်တစ်ဦးဖြစ်သော သဲမိုး(ခ) ကိုမင်းခန့်သစ္စာဖြစ်ကြောင်း ဒေသခံများက ပြောသည်။
အောင်လံမြို့ ပြည်သူ့ကာကွယ်ရေးတပ်ဖွဲ့၀င် မောင်မင်းခန့်သစ္စာသည် အကြမ်းဖက်အာဏာသိမ်းစစ်ကောင်စီရန်မှ အောင်လံမြို့နယ်အတွင်းနေထိုင်သော ပြည်သူများအားကာကွယ်ရန်နှင့် မိမိသစ္စာပြုထားသော အမျိုးသားရေးနှင့် တော်လှန်ရေးအတွက် ၂၀၂၁ ခုနှစ်၊ နို၀င်ဘာလ ၂၀ ရက်နေ့တွင် နိုင်ငံနှင့် လူမျိုးအတွက် အသက်ပေးလှူသွားခဲ့ကြောင်း၊ အမျိုးသားတော်လှန်ရေးအတွက် မောင်မင်းခန့်သစ္စာ၏ ပေးဆပ်မှုအပေါ် ကျန်ရစ်သူမိသားစု၀င်များ၏ ဆုံးရှုံးမှုများကို မျှဝေခံစားရပါကြောင်း၊ မိမိတို့သည် မောင်မင်းခန့်သစ္စာ၏ မျှော်မှန်းခဲ့သည့် စစ်အာဏာရှင်ဖြုတ်ချရေး ဖယ်ဒရယ် ပြည်ထောင်စု တည်ဆောက်ရေးအတွက် ဆက်လက်တိုက်ပွဲ၀င်မည်ဖြစ်ကြောင်း တော်လှန်ရေးအတွက် မောင်မင်းခန့်သစ္စာ၏ ပေးဆပ်ခဲ့မှုများ စွမ်းဆောင်ခဲ့မှုများကို ဦးညွှတ်ဂုဏ်ပြုလျှက် မှတ်တမ်းတင်ကြောင်း ပြည်သူ့ကာကွယ်ရေးအဖွဲ့ (အောင်လံမြို့)က ထုတ်ပြန်ခဲ့သည်။