မကွေးတိုင်း အောင်လံမြို့တွင် ယမန်နေ့(ဇန်နဝါရီ ၁၁ ရက်)ညက ယာဥ်မတော်တဆမှုဖြစ်ပွားခဲ့ရာ နှစ်ဦးသေဆုံးပြီး လေးဦးဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့က သတင်းထုတ်ပြန်သည်။
ယမန်နေ့ည ၁၁ နာရီအချိန်ခန့်တွင် အောင်လံမြို့ တရော်ကုန်းရပ်ကွက် ပြည်လမ်း၌ တိမ်းမှောက်ခဲ့ခြင်းဖြစ်ပြီးကားပေါ် လိုက်ပါလာသည့် အမျိုးသမီးနှစ်ဦး အခင်းဖြစ်ရာနေရာတွင် ပွဲချင်းပြီးသေဆုံးခဲ့သည်။
ယင်းကားပေါ်တွင် အမျိုးသားသုံးဦး နှင့် အမျိုးသမီးသုံး ဦးလိုက်ပါလာခြင်းဖြစ်ပြီး ဒဏ်ရာရရှိသူလေးဦးကို အေးငြိမ်းရာ ပရဟိတအသင်းက ဆေးရုံသို့ပို့ဆောင်ပေးခဲ့ကြောင်း မီးသတ်တပ်ဖွဲ့က သတင်းထုတ်ပြန်ထားသည်။
