လတ်တလော စစ်ရေးအခြေအနေများနှင့် စစ်ကောင်စီတပ်၏ လှုပ်ရှားမှုများကြောင့် ကန်ပက်လက် နှင့် ဆောမြို့ အကြားရှိ လမ်းမကြီး၊ လမ်းခွဲများနှင့် ကြားလမ်းများအား အသုံးပြု သွားလာခြင်းမပြုရန် ကန်ပက်လက် ချင်းကာကွယ်ရေးတပ်(CDF)က ယနေ့ ဖေဖော်ဝါရီ ၁၀ရက်ညပိုင်း၌ အရေးပေါ် ထုတ်ပြန်ကြေညာခဲ့သည်။
ယခုရက်ပိုင်းအတွင်း စစ်ကောင်စီမှ ဆောမြို့တွင်အင်အားတိုးချဲ့ထားပြီး ကျောက်ထုဘက်မှလည်း စစ်ကြောင်းထိုးလာနေကြောင်း၊ ကန်ပက်လက်မြို့တွင်း၌လည်း စကစမှ ကင်းပုံးများထားရှိကာ လုံခြုံရေးတင်ကြပ်ဆောင်ရွက်နေကြောင်း ဖော်ပြထားသည်။
အကယ်၍ မဖြစ်မနေသွားလာရန်ရှိပါက သက်ဆိုင်ရာ ချင်းကာကွယ်ရေးတပ် (CDF)သို့ ဆက်သွယ်ပြီးသွားလာကြရန် လည်း အသိပေးထားသည်။
