ရွှေ​ဈေး ၁၉ သိန်းအထက်ပြန်တက်လာ

ကမ္ဘာ့စစ်ရေးတင်းမာလာမူကြောင့် ပြည်တွင်းရွှေဈေးမြင့်တက်လာပြီး အခေါက်ရွှေတစ်ကျပ်သားလျှင် ကျပ် ၁၉သိန်း အထက်သို့ ပြန်လည်မြင့်တက်လာကြောင်း ပြည်တွင်းရွှေလုပ်ငန်းရှင်များက​ပြောသည်။

ပြည်တွင်းအခေါက်ရွှေဈေးသည် ဖေဖော်ဝါရီ ၁ ရက်က တစ်ကျပ်သားလျှင် ၁,၈၇၀,၀၀၀ကျပ်ရှိရာမှ ဖေဖော်ဝါရီ ၁၅ ရက်(ယနေ့)တွင် တစ်ကျပ်သားကို ၁,၉၀၈,၀၀၀ကျပ်အထိရှိလာပြီး ၁၅ ရက်အတွင်းကျပ် ၃၅၀၀၀ကျော် မြင့်တက်လာသည်ဟု ရန်ကုန်တိုင်းရွှေလုပ်ငန်းရှင်များအသင်းက ထုတ်ပြန်ထားသည်။

ထိုသို့မြင့်တက်လာခြင်းမှ ရုရှား- ယူကရိန်းစစ်ရေးတင်းမာ​နေ​သဖြင့် ကမ္ဘာ့ရွှေဈေးမြင့်တက်လာခြင်းကြောင့် ပြည်တွင်းရွှေဈေးလည်းလိုက်ပါ မြင့်တက်လာခြင်းဖြစ်သည်ဟု ရွှေလုပ်ငန်းရှင်တစ်ဦးကပြောသည်။

“ပြည်တွင်းက ရွှေဈေးတက်ချင်နေတာ မတရားထိန်းချုပ်ထားလို မတတ်သေးတာ။ အခုကမ္ဘာဈေးတက်တော့ မထိန်းနိုင်တော့ဘူး လိုက်တတ်လာတာပဲ”ဟု ၎င်းကဆက်​ပြောသည်။

Public Service Announcement

ကမ္ဘာ့ရွှေဈေးသည် ဖေဖော်ဝါရီ၁ ရက်က တစ်အောင်စကို ၁၇၈၇ ဒေါ်လာရှိရာမှ ဖေဖော်ဝါရီ ၁၅ ရက်(ယနေ့)တွင် တစ်အောင်စကို ၁၈၇၆ ဒေါ်လာရှိလာသည်။

စစ်တပ်အာဏာသိမ်းပြီး ၈လအကြာ စက်တင်ဘာလတွင် ပြည်တွင်းရွှေဈေးသည် တစ်ကျပ်သားကို ၂,၂၂၀,၀၀၀ အထိစံချိန်တင်မြင့်တက်ခဲ့ဖူးသည်။ စစ်ကောင်စီက ​ရွှေ​ဈေးကွက်ကို အဓမ္မထိန်းချုပ်မူကြောင့် အခေါက်ရွှေတစ်ကျပ်သားကို ကျပ် ၁၈သိန်းအထိပြန်လည်ကျဆင်းခဲ့ခြင်းဖြစ်သည်။ စစ်တပ်အာဏာမသိမ်းခင်က ရွှေတစ်ကျပ်သားကို ကျပ် ၁,၃၂၀,၀၀သာရှိခဲ့သည်။