ရေစကြိုမြို့နယ်၊ပခန်းကြီးရဲစခန်းမှ ရဲတပ်သားတစ်ဦးသည် စစ်ကောင်စီ၏ လက်အောက်တွင် ဆက်လက်တာဝန် မထမ်းဆောင်လို၍ G3(တစ်လက်)၊ ကျည်ဘောက်(၂)ခု၊ ကျည်အဆံ အတောင့်(၁၀၀)နှင့်အတူ ပြည်သူ့ ရင်ခွင်သို့ ပြည်သူနှင့်အတူခိုလှုံ ပူးပေါင်းခဲ့ကြောင်း ရေစကြိုနယ်အခြေစိုက် Young Force (UG)က အသိပေးသည်။
လတ်တလော လုံခြုံရေးအခြေအနေအရ အဆိုပါရဲတပ်သား၏အမည်နှင့်ကိုယ်ပိုင်အမှတ်ကို ပြည်သူ့ကာကွယ်ရေးအဖွဲ့ကချန်လှပ်ထားပြီးလွတ်မြောက်နယ်မြေသို့ပို့ဆောင်ထားသည်။
“လမ်းစရိတ် (၁)သိန်းထောက်ပံ့ပေးပြီး ဂုဏ်ပြုငွေကတော့ ထင်တာထက်ပိုများပါမယ်။”ဟု Young Force (UG)က ဆိုသည်။
ဆက်လက်၍ အကြမ်းဖက်စစ်ကောင်စီလက်အောက်ခံစစ်သားနှင့်ရဲများ CDM ပြုလုပ်မည်ဆိုပါက လုံခြုံရေး အာမခံဖြင့် စိတ်ချရသည့် နေရာများအထိ ပို့ဆောင်ပေးမည်ဖြစ်ပြီးပြည်သူနှင့်အတူပူးပေါင်းမည့် မည်သူ့ကိုမဆို လက်ခံကြိုဆိုကြောင်း Young Force (UG)အဖွဲ့၏ ထုတ်ပြန်ချက်တွင် ဖော်ပြသည်။
Public Service Announcement
ရေစကြိုမြို့နယ်သည် အကြမ်းဖက်စစ်တပ်အား ခုခံတော်လှန်မှုအားကောင်းရာ ဒေသတစ်ခုဖြစ်ပြီး ဇွန်လ ၉ ရက်နေ့က ရေစကြို-ချောင်းဦးလမ်းပေါ်ရှိ ဆင်ဖြူရှင်တံတားဂိတ်(စစ်ကိုင်းတိုင်းဘက်ခြမ်း) တိုက်ခိုက်ခံရကာ အကြမ်းဖက်အုပ်စုဝင် ၃ ဦးသေဆုံးခဲ့သည်။
