မန္တလေး အခြေစိုက် ဓာတ်ပုံသတင်းထောက်ဟောင်း ကိုဇော်ဇော်ကို စစ်ကောင်စီက ဖမ်းဆီးပြီး လေးလ ကျော်ရှိလာချိန်မှာ ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅ (က) နဲ့ ဒီနေ့မှာ ထောင်ဒဏ် ၃ နှစ်ချလိုက်တယ်လို့ တရားရုံးအသိုင်းအဝိုင်းကနေသိရပါတယ်။
အသက် ၃၅ နှစ်ဝန်းကျင် ဓာတ်ပုံသတင်းထောက်ဟောင်း ကိုဇော်ဇော်ကို စစ်ကောင်စီရဲ့ စရဖဟာ ပြီးခဲ့တဲ့ ဧပြီလ ၉ ရက်က ဖမ်းဆီးခဲ့ပါတယ်။
ဖမ်းဆီးပြီးနောက် နေအိမ်ကိုမွှေနှောက်ရှာဖွေတာတွေလည်း စစ်ကောင်စီတပ်က လုပ်ခဲ့ပါတယ်။
ဒီလို ဖမ်းခံရပြီး တစ်လကျော် ကြာတဲ့အထိ မိသားစုနဲ့အဆက်အသွယ် ပြတ်တောက်သွားပြီး မေလ ၁၆ ရက်မှ အိုးဘိုထောင်ကိုရောက်ရှိလာတယ်ဆိုတာကို သိခဲ့ရတာပါ။
Public Service Announcement
ကိုဇော်ဇော်ကို မန္တလေး နန်းတွင်းထဲမှာ စစ်ကြောရေးလုပ်ခဲ့ပြီး ထောင်သို့မရောက်မီ အချိန်ကာလအတွင်း နှိပ်စက်ညှင်းပန်းခံခဲ့ရတယ်လို့သိရပါတယ်။
