ဘီဘီစီမီဒီယာရဲ့ ခံစားကြည့် ရုပ်သံအစီအစဉ်မှာ တင်ဆက်သူအဖြစ် လုပ်ကိုင်ဖူးသူ သတင်းထောက် မထက်ထက်ခိုင်ကို စစ်ကောင်စီ က ဆူပူအောင်လှုံဆော်မှု ရာဇသတ်ကြီးပုဒ်မ ၅၀၅ (က) နဲ့ ဒီနေ့မှာအလုပ်ကြမ်းနဲ့ထောင်ဒဏ် ၃ နှစ် ချလိုက်တယ်လို့သိရပါတယ်။
မထက်ထက်ခိုင်ဟာ စစ်တပ်အာဏာသိမ်းပြီး ၆ လအကြာ ၂၀၂၁ ခုနှစ် သြဂုတ်လအတွင်းက ရန်ကုန်မှာ ဖမ်းဆီးခံခဲ့ရတာပါ။
အဲဒီနောက် စစ်ကောင်စီက မထက်ထက်ခိုင်ကို ရာဇသတ်ကြီးပုဒ်မ ၅၀၅ (က) နဲ့ တရားစွဲပါတယ်။
ဒါအပြင် NUG ရဲ့ ဖက်ဒရယ် FMမှာ စေတနာ့ဝန်ထမ်း အယ်ဒီတာအဖြစ် လုပ်ကိုင်တယ်ဆိုတဲ့စွပ်စွဲချက်နဲ့ မတရားအသင်းဆက်သွယ်မှု ပုဒ်မ ၁၇ (၁) နဲ့လည်း အမှုဖွင့်ပါသေးတယ်။
Public Service Announcement
ဒီနေ့အမိန့်ချတာကတော့ စွဲဆိုထားတဲ့ ပုဒ်မ ၂ ခုထဲက ၅၀၅ အမှုအတွက် စစ်ကောင်စီက ထောင်ချလိုက်တာဖြစ်တယ်လို့ မထက်ထက်ခိုင်ရဲ့မိတ်ဆွေတွေဆီကသိရပါတယ်။
