မွန်ပြည်နယ်၊ ရေးမြို့နယ်အခြေစိုက် ခလရ(၅၈၈)တပ်ရင်းအနီးတပ်စွဲထားသည့် စစ်အုပ်စုကို ဝင်ရောက်စီးနင်းတိုက်ခိုက်ရာ သေနတ်သုံးလက်ရရှိကြောင်း ရေးပြောက်ကျားတပ်ဖွဲ့ (YGF)က ထုတ်ပြန်သည်။
ယနေ့ (စက်တင်ဘာ ၂၃ ရက်) နံနက် ၄ နာရီခွဲခန့်က ခလရ (၅၈၈)တပ်ရင်းအနီးရှိဘုန်းကြီးကျောင်းတောင်ကုန်းတွင် တပ်စွဲထားသော စစ်ကောင်စီ နှင့် ပျူစောထီးများကို ရေးပြောက်ကျားတပ်ဖွဲ့နှင့် ပူးပေါင်းတပ်ဖွဲ့များက ဝင်ရောက်တိုက်ခိုက်ခဲ့သည်ဟု ဆိုသည်။
ဝင်ရောက်စီးနင်းခဲ့သည့် ကင်းစခန်းသည် ခလရ(၅၈၈)တပ်နှင့် တစ်မိုင်ခန့်သာကွာဝေပြီး စစ်ကောင်စီနှင့်ပျူစောထီး အဖွဲ့ဝင် ၁၀ ဦးခန့်ရှိကြောင်း YGF တာဝန်ရှိသူက ပြောသည်။
“ဝင်စီးတဲ့အချိန် သေနတ်တောင်မဖောက်လိုက်ရဘူး။အကုန်ထွက်ပြေးကြတာ”ဟု ၎င်းက ရှင်းပြ သည်။
Public Service Announcement
သိမ်းဆည်းရရှိသော သေနတ်များမှာ -M16 (A1) တစ်လက်၊ ကျည် ၅၀၊ AK (47) တစ်လက် ကျည် ၃၀ ၊ကိုးလုံးကျည်တစ်လက်အပါအဝင် ဌက်ကြီးတောင် ဓားတစ်လက်ပါ သိမ်းဆည်းရမိကြောင်း ဖော်ပြသည်။
