စစ်ကိုင်းတိုင်း၊ ရွှေဘိုခရိုင်တွင် စစ်ကောင်စီတပ်က ပြည်သူ့ကာကွယ်ရေးတပ်(PDF)ယူနီဖောင်းများဝတ်ကာ ကျေးရွာများအား မီးလိုက်ရှို့ဖျက် ဆီးနေပြီး ပြည်သူအထင်လွဲအောင်ပြုလုပ်နေကြောင်း ရွှေဘိုခရိုင် အမှတ်(၁၈) တပ်ရင်း၊ ဝက်လက်မြို့နယ် နယ်စည်းမခြားတော်လှန်ရေးအင်အားစု၏ ပြန်ကြားရေးတာဝန်ခံ ဗိုလ်စွန်ရဲက ပြောကြားသည်။
တပ်ရင်းအခြေစိုက်စခန်းတစ်ခုကို စစ်ကောင်စီတပ်က ဝင်ရောက်စီးနင်းခံရမှုဖြစ်စဉ်တစ်ခု၌ တပ်ရင်း၏ ယူနီဖောင်းအသစ်များ ထည့်ထားသော ဆာလာအိတ်ကြီးသုံးအိတ်နှင့် အခြားအဝတ်အစားများ၊ ဆေးပစ္စည်းများ သိမ်းဆည်းခံခဲ့ရကြောင်း ခရိုင် အမှတ်(၁၈)တပ်ရင်း ပြန်ကြားရေးတာဝန်ခံ ဗိုလ်စွန်ရဲက ပြောကြားသည်။
ယခုအခါ စစ်ကောင်စီတပ်သည် အဆိုပါယူနီဖောင်းများဝတ်ဆင်ပြီး ကျေးရွာများကို မီးလိုက်ရှို့ခြင်း၊ အများပြည်သူနေအိမ်များကိုဖျက်ဆီးခြင်းများ ပြုလုပ်ကာ တပ်ရင်းကို အများပြည်သူအထင်လွဲအောင် လုပ်ဆောင်နေကြောင်း ဗိုလ်စွန်ရဲက ပြောသည်။
“အခု ပြထားတာက ကျွန်တော်တို့ တပ်ရင်းကရဲဘော်တွေပါ။”ဟု ဗိုလ်စွန်ရဲက ပြောသည်။
Public Service Announcement
ထို့ကြောင့် တပ်ရင်းအနေဖြင့် ယခင်ကအသုံးပြုခဲ့သော ဖော်ပြပါ ယူနီဖောင်းများကို ယနေ့ကစ၍ လုံးဝအသုံးပြုတော့မည်မဟုတ်ကြောင်းနှင့် ထိုယူနီဖောင်းများ ဝတ်ဆင်၍ ပြည်သူများကို ဒုက္ခပေးနေသူများသည် တပ်ရင်းနှင့် မည်သို့မျှ ပတ်သတ် ခြင်းမရှိကြောင်း ရွှေဘိုခရိုင် အမှတ်(၁၈) တပ်ရင်း၊ ဝက်လက်မြို့နယ် နယ်စည်းမခြားတော်လှန်ရေးအင်အားစုက ထုတ်ပြန်အသိပေးသည်။
