Connect with us

Hi, what are you looking for?

LuduNwayOo

သတင်း

လှိုင်သာယာသို့ဆက်သွယ်ထားသော တံတားသုံးစင်းကို စစ်ကောင်စီ ပိတ်ဆို့စစ်ဆေး

လှိုင်သာယာနှင့် အင်းစိန်မြို့နယ်တို့တွင် ယနေ့ ပေါက်ကွဲမှုများဖြစ်ခဲ့၍ စစ်ဆေးခြင်းဟုလည်း ဒေသခံအချို့က ပြောသည်။

(စစ်ကောင်စီက တံတားများ ပိတ်ဆို့စစ်ဆေးနေသည့်အတွက် ဘုရင့်နောင်တံတားပေါ်တွင် ယာဥ်များပိတ်ဆို့နေသည်ကို တွေ့ရစဥ်။ ဓာတ်ပုံ - CJ)
(စစ်ကောင်စီက တံတားများ ပိတ်ဆို့စစ်ဆေးနေသည့်အတွက် ဘုရင့်နောင်တံတားပေါ်တွင် ယာဥ်များပိတ်ဆို့နေသည်ကို တွေ့ရစဥ်။ ဓာတ်ပုံ - CJ)

သုည/People’s Spring

ရန်ကုန်မြို့ လှိုင်သာယာမြို့နယ်သို့ ဆက်သွယ်ထားသော ရွှေပြည်သာ၊ ဘုရင့်နောင်နှင့် အောင်ဇေယျာတံတား သုံးစင်းလုံးကို စစ်ကောင်စီက သံဆူးကြိုးများပိတ်ဆို့၍ ယနေ့(ဧပြီ ၁၉) ညပိုင်း၌ စစ်ဆေးမှုများ ပြုလုပ်ခဲ့ကြောင်း ဒေသခံပြည်သူများက ပြောသည်။

ယနေ့ ည ၇နာရီခန့်တွင် စစ်ကောင်စီဝင်များက အင်းစိန်မှ လှိုင်သာယာမြို့သို့ ဆက်သွယ်ထားသည့် အောင်ဇေယျတံတား၊ မရမ်းကုန်းမှ လှိုင်သာယာသို့ ဆက်သါယ်ထားသည့် ဘုရင့်နောင်တံတား၊ ရွှေပြည်သာမှ လှိုင်သာယာသို့ ဆက်သွယ်ထားသည့် ရွှေပြည်သာတံတား စသည့် တံတားသုံးစင်းလုံးကို စစ်ကားများ၊ သံဆူးကြိုးများဖြင့် ပိတ်ဆို့၍ စစ်ဆေးခဲ့ကြောင်း ရန်ကုန်မြို့နေ ပြည်သူအချို့က ပြောသည်။

“ည ၇နာရီလောက်ကတည်းက လှိုင်သာယာကို ပြန်တဲ့ တံတားတွေကို စစ်ကားတွေ သံဆူးကြိုးတွေနဲ့ ပိတ်ပြီး စစ်နေတာပါ။ လှိုင်သာယာကိုပြန်တဲ့ ရွှေပြည်သာတံတားပေါ်မှာ စစ်သားတွေအပြင် ရပ်ကွက်အုပ်ကြီးတွေပါ ပါမယ်ထင်တယ်။ ရောင်ပြန်အကျီတွေ ဝတ်ထားတာ တွေ့ရတယ်။ ကားတွေကို တစ်စီးချင်းကို စစ်နေတာပါ။ ဘာရှာနေမှန်းတော့ မသိဘူး။ ကားတွေပိတ်နေတာနဲ့ အိမ်ကို ၉ နာရီလောက်မှ ပြန်ရောက်တယ်”ဟု လှိုင်သာယာမြို့နယ်နေ ပြည်သူတစ်ဦးက ပြောသည်။

Public Service Announcement

Public Service Announcement

ထို့အပြင် ဘုရင့်နောင်တံတားနှင့် အောင်ဇေယျ ကြိုးတံတားတို့တွင်လည်း စစ်ကောင်စီဝင်များက စစ်ကားများဖြင့် ပိတ်ဆို့၍ စစ်ဆေးမှု ပြုလုပ်ခဲ့ကြောင်း မျက်မြင်တွေ့ရှိခဲ့သူ အဌားယာဥ်မောင်းက ဆိုသည်။

“လှိုင်သာယာဘက်ကို ခရီးသည်သွားပို့တာ အောင်ဇေယျ ကြိုးတံတားအဆင်းမှာ စစ်သားတွေ စစ်နေတာ ကြုံခဲ့ရတယ်။ ကားတစ်စီးလုံးလည်း ဖွင့်ရှာတယ်။ ဘယ်ကလာပြီး ဘယ်ကိုသွားပို့မှာလဲ ဆိုပြီး ခရီးသည်ကို နေရပ်လိပ်စာက အစမေးပြီး စစ်ပါတယ်။ တံတားပေါ်မှာ ကားတွေ တောက်လျောက်ပိတ်ပြီး တစ်နာရီကျော်လောက် ကားပိတ်တာ ခံလိုက်ရတယ်”ဟု ၎င်းယာဥ်မောင်းက ပြောသည်။

အဆိုပါစစ်ဆေးမှုများကို ၁နာရီကျော် ကြာမြင်ခဲ့ပြီး ည ၈ နာရီခွဲဝန်းကျင်မှ ကားများ ပြန်လည်ဖြတ်သန်းခွင့်ပြုခဲ့​ကြောင်း လှိုင်သာယာမြို့နယ်နေ ပြည်သူများက ပြောသည်။

လှိုင်သာယာနှင့် အင်းစိန်မြို့နယ်တို့တွင် ယနေ့ ပေါက်ကွဲမှုများဖြစ်ခဲ့၍ စစ်ဆေးခြင်းဟုလည်း ဒေသခံအချို့က ပြောသည်။

ထို့အပြင် ရန်ကုန်အပြည်ပြည်ဆိုင်ရာလေဆိပ်လည်း ခေတ္တပိတ်မှုပြုလုပ်ခဲ့ကြောင်း လူမှုကွန်ရက်တွင် ရေးသားနေကြသည်။ ရန်ကုန်မြို့ မရမ်းကုန်းမြို့နယ်ရှိ လမ်းပိုင်းအချို့ကိုလည်း ပိတ်ဆို့မှုပြုလုပ်ခဲ့ကြောင်း ဒေသခံများက ပြောသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။