ဇေအောင်/People’s Spring
မန္တလေးတိုင်း၊ မြင်းခြံခရိုင်၊ ငါန်းဇွန်မြို့နယ်တွင် စစ်ကောင်စီက လေကြောင်းတိုက်ခိုက်ခဲ့၍ ဒေသခံ အမျိုးသားနှစ်ဦးသေဆုံးပြီး ခြောက်ဦးထက်မနည်း ဒဏ်ရာရရှိကြောင်း ဒေသခံများက ပြောသည်။
ဒီဇင်ဘာ၅ရက် ည ၉နာရီခန့်ကစ၍ ၁၁နာရီခန့်အထိ စစ်ကောင်စီက ငါန်းဇွန်မြို့ပေါ်အနောက် ပိုင်းနှင့် သားကျင်ကျေးရွာကို တိုက်ပွဲဖြစ်ပွားခြင်းမရှိဘဲ လေကြောင်းမှ ဗုံးကြဲတိုက်ခိုက်ခဲ့ခြင်းဟု ဒေသခံများက ပြောသည်။ သေဆုံးသူများ၏
ထို့အပြင် နေအိမ်များလည်း မီးလောင်ပျက်စီးခဲ့ကြောင်း ဒေသခံများက ပြောသည်။
Public Service Announcement
“သူတို့က မီးအလင်းရောင်ရှိတဲ့နေရာကို ပစ်တာ။ ဘုန်းကြီးကျောင်းပေါ် တစ်ခုရယ်။ ပြည်သူတွေရှိတဲ့နေရာကို ရမ်းပစ်သွားတာ”ဟု အားမာန်သစ် ပြည်သူ့တော်လှန်ရေးတပ်ဖွဲ့မှ တာဝန်ရှိသူတစ်ဦးက ပြောသည်။
မီးလောင်ပျက်စီးခဲ့သည့် နေအိမ်အရေအတွက်ကိူမူ မသိရသေးပေ။
အလားတူ မြင်းခြံခရိုင်၊ နွားထိုးကြီးမြို့နယ် တွင်လည်း စစ်ကောင်စီက ဒီဇင်ဘာ ၂ ရက်မှ ၅ ရက်အတွင်း လေကြောင်းတိုက်ခိုက်ခဲ့ရာ ပြည်သူ ၁၁ ဦးထက်မနည်း သေဆုံးခဲ့သေးသည်။
စစ်ကောင်စီသည် စစ်ရေးအပါအဝင် အဘက်ဘက်မှရှုံးနိမ့်နေ၍ တော်လှန်ရေးအဖွဲ့များသိမ်းပိုက်ထားသောဒေသများ၊ တော်လှန်ရေးအားကောင်းသောဒေသများအား လေကြောင်းတိုက်ခိုက်မှုများ ဆက်တိုက်ပြုလုပ်နေသည်။
ထို့အပြင် သားကျင်ကျေးရွာအနီးရှိ ငါန်းမြာကြီးကျေးရွာစခန်းကို တော်လှန်ရေးတပ်ဖွဲ့များက သြဂုတ် ၁၉ရက်တွင် တိုက်ခိုက်သိမ်းပိုက်ခဲ့သည်။
စစ်တပ်ကလည်း စက်တင်ဘာအတွင်းကစ၍ ငါန်းမြာကြီးကျေးရွာစခန်းကို ပြန်လည်ရရှိရန် တိုက်စစ်ဆင်ခဲ့ရာ စက်တင်ဘာ ၂၀ရက်တွင် လေကြောင်းတိုက်ခိုက်ခဲ့၍ ပြည်သူ ၁၄ ဦး သေဆုံးခဲ့သေးသည်။
ငါန်းမြာကြီးစခန်းကိုမူ စစ်တပ်က အောက်တိုဘာ ၂၁ ရက်တွင် ပြန်လည်သိမ်းပိုက်နိုင်ခဲ့သည်။
