ဇူလိုင်-၇၊၂၀၂၅။ မေ/People’s Spring
စစ်ကိုင်းမြို့နယ်၊မင်းကွန်းတိုက်နယ်ကိုစစ်တပ်ကစစ် ကြောင်းထိုးဖို့ ပြင်လည်ပြင်ဆင်နေပြီး အင်အားစု ဆောင်းတာ တွေလုပ် နေတယ်လို့ တော်လှန်ရေးတပ်ဖွဲ့ ဝင်တွေ ဆီကသိရပါတယ်။
လက်ရှိမှာစစ်တပ်ဟာ သမိုင်းဝင်မြသိန်းတန်စေတီ၊ လူအိုရုံနဲ့ မင်းကွန်းရဲစခန်းတို့မှာ အင်အားပြန်ထိုင်ထားတယ်လို့သိရပါတယ်။
“ဒီနယ်မြေကိုပြန်ရဖို့သူတို့(စကစ)ထိုးစစ်ဆင်မယ်လို့သိရတယ်။ပြန်လည်စုဖွဲ့မှုတွေ လုပ်နေတယ်”လို့ တော်လှန်ရေး တပ်ဖွဲ့ဝင်တဦးကပြောပါတယ်။
Public Service Announcement
ဇွန်လ ၅ ရက်နေ့ကမင်းကွန်းတိုက်နယ်တကြောကို အင်အားအလုံးရင်းသုံးကာထိုးစစ်ဆင်ခဲ့တဲ့စစ်တပ်ဟာနယ်မြေအချို့ကိုရယူနိုင်ခဲ့ပေမယ့် တော်လှန်ရေးတပ်တွေပြန်လည်ထိုးစစ်ဆင်မှု ကြောင့် ပြန်လက်လွှတ်ဆုတ်ပြေးခဲ့ရတာပါ။
တော်လှန်ရေးတပ်တွေ စိုးမိုးထားတဲ့ ကင်းရွာနဲ့ ချောင်းမကြီးရွာတွေကိုစစ်တပ်ကစီးနင်းမီးရှို့ခဲ့သလို လေကြောင်းတိုက်ခိုက်မှုတွေလည်း ပြုလုပ်ခဲ့ပါတယ်။
အဲဒီနောက် ဇွန်လ၂၇ ရက်နဲ့ ၂၈ရက် နေ့တွေမှာ အဲဒီကျေးရွာတွေက စစ်ကောင်စီတပ်တွေကို တော်လှန်ရေးတပ်တွေ ပူးပေါင်းကာ ဝင်ရောက်တိုက်ခိုက်ခဲ့တာမို့ စစ်ကောင်စီတပ်သား ၉ဦး သေဆုံးပြီး စုစုပေါင်း ၅ ဦး အရှင်ဖမ်းမိခဲ့တယ်တော်လှန်ရေးတပ်တွေကပြောပါတယ်။
အထိနာပြီး ပြန်ဆုတ်ခဲ့တဲ့ စစ်တပ်ကအင်အားပြန်လည်စုဖွဲ့နေပြီး ထပ်မံစစ် ကြောင်းထိုးဖို့ပြင်ဆင် နေတယ်လို့သိရပါတယ်။
ဒီနယ် မြေကို စစ်ကောင်စီရဲ တပ်မ(၃၃)ကဗျူဟာမှူး(ဗိုလ်မှူး)ကိုယ်တိုင်ဦးစီးပြီး မင်းကွန်းရဲစခန်းကနယ်မြေကျွမ်းကျင်သူတွေနဲ့ ပြည်သူ့စစ်တွေစု ပေါင်းစစ် ကြောင်းထိုးခဲ့တာလို့ သိရပါတယ်။
