မေလ ၁၉ရက်ကလည်း မန္တလေးအခြေစိုက် တက္ကသိုလ်ကျောင်းသားသမဂ္ဂ (တကသ)နှင့် မြို့လူထုတို့ ပူးပေါင်းဆောင်ရွက်ပြီး “လက်ဖက်ရည်သပိတ်”ကို ပြုလုပ်ခဲ့ကြသည်။
နိုင်ငံတစ်ဝန်းတွင် စစ်အာဏာ ရှင်ကို ကန့်ကွက်ဆန္ဒပြမှုကို စစ်ကောင်စီတပ်ဖွဲ့များက သေနတ်ဖြင့်ပစ်ခတ် ဖြိုခွင်းဖမ်းဆီးမှုများပြုလုပ်နေသော်လည်း လူငယ်များက နေ့စဥ်ရက်ဆက်ဆန္ဒပြမှုများ ပြုလုပ်နေသည်။
အာဏာသိမ်းစစ်ကောင်စီ၏ တပ်ဖွဲ့ဝင်တွေက ပစ်ခတ်သတ်ဖြတ်မှုတွေကြောင့်စစ်အာဏာသိမ်းပြီး ၁၁၁ရက်အကြာမှာ ကျဆုံးခဲ့သည့်ပြည်သူ ၈၁၅ဦးရှိပြီဖြစ်ကြောင်း နိုင်ငံရေးအကျဥ်းသားများကူညီစောင့်ရှောက်ရေအသင်း(AAPP) က ယမန်နေ့ (မေလ ၂၂ ရက်)တွင် ထုတ်ပြန်ထားသည်။
ထို့အပြင် ယမန်နေ့မှာ ပြည်သူသုံးဦးထပ်မံကျဆုံးခဲ့ကြောင်း ထုတ်ပြန်ထားသည်။
Public Service Announcement
ထိုအရေအတွက်သည် AAPP သတင်းရရှိသည့်အရေအတွက်သာဖြစ်ပြီး ကျဆုံးသွားပြီးစာရင်းမရရှိသူများ၊အသတ်ခံရပြီးအလောင်းဖျောက်၊စာရင်းဖျောက်ခံရသူများလည်းရှိသည့်အတွက် အမှန်တစ်ကယ်သေဆုံးသူစာရင်းမှာ ပိုများနိုင်ကြောင်း ပြည်သူများက ခန့်မှန်းကြသည်။
စစ်အုပ်စုက အာဏာသိမ်းပြီး ၁၁၁ရက်(မေလ ၂၂ရက်အထိ) အတွင်းမှာ ဖမ်းဆီးခံရသည့် ပြည်သူ ၅၃၆၇ဦးအထိရှိသလို ၊အခုချိန်ထိဖမ်းဆီးချုပ်နှောင်ခံရသူ ၄၂၇၁ဦးရှိ နှင့်ဖမ်းဝရမ်းထုတ်ခံရသူ ၁၈၀၂ဦးရှိကြောင်း AAPP ကဆိုသည်။
